ಏಳ್ವೆರ್ ಪಲಯಲ್ಲು ಇತ್ತೆರ್ಗೆ ಏಳ್ ಜನ ಪಲಯಲ್ಲು ಇತ್ತೆರ್
ಏಳ್ ಜನ ಪಲಯಲ್ಲಗ್ ಒಂಜಿ ತಂಗಡಿ ಇತ್ತಾಲ್
ಒಂಜಿ ತಂಗಡಿ ಇತ್ತಾಲ್ಂದಾಂಡ ಬಾರೀ ಪೊರ್ಲುಡು ಬಾರೀ ಪ್ರೀತಿಡ್ ಸಾಂಕೊಂದಿತ್ತೆರ್ ಏಳ್ ಜನ ಪಲಯಲ್ಲುಲಾ
ಏಳ್ ಜನಕ್ಲಾ ಮದಿಮೆ ಆತ್ತ್ಂಡ್ ಅಕ್ಲೆನ ಬೊಡೆದಿಯಲ್ಲು ಇತ್ತೆರ್
ಮೊಕ್ಲೆನ ಇಲ್ಲ್ ಏಳ್ ಮಾಳಿಗೆದ ಏಳ್ ಉಪ್ಪರಿಗೆದ ಇಲ್ಲ್ ಏಳ್ವೆರ್ ಪಲಯಲ್ಲೆನ
ಮೊಕುಲು ಒಂಜಿ ದಿನ ಓಡೆಗಾ ದಂಡ್ ಪೊಯೆರ್
ಪೊದಾನಗ ಮೊಕುಲು ಬೊಡೆದಿಯಲ್ಲೆಡ ಪಂಡೆರ್ ಮೆಗ್ದಿನ್ ಬಾರೀ ಜಾಗ್ರತೆಡ್ ತೂವೊಡುಂದು
ಮೊಕುಲು ಆವು ಪಂಡೆರ್ ಮೊಕುಲೆನ್ ಅಂಚ ಎನ್ಜೆರ್ ತಂಗಡಿನ್ ಮಾತ್ರ ಪಂಡೆರ್ ಅಂಚಾದುಪ್ಪುನಾಗ ಮೊಲೆನ್ ಮೊಕ್ಲು ಪಿರ ಬರೊರ್ದುಂಬು ದಾದಾಂಡಲಾ ಮಲ್ಪೊಡುಂದು ಈ ಏಳ್ ಜನಲಾ ಅಂದಾಜಿ ಮಲ್ತೆರ್ ಬರ್ಪಿನೆರ್ದ್ ದುಂಬು ತಂಗಡಿನ್ ತಪ್ಪಾವೊಡುಂದು
ಮಲ್ತ್ದ್ ಒಂಜಿ ಕಾಡ್ಗ್ ಕೊನೊದ್ ಬುಡಿಯೆರೆ ಅಕ್ಲೆನ ಕೆಲಸದಕ್ಲೆಡ ಪಂಡೆರ್ಅಮೊಲೆನ್ ಕೊನೊದ್ ಗುಡ್ಡೆದ ನಡುಟು ಬುಡಿಯೆರೆ
ಒಂಜಾ ಪಿಲಿ ಇಜ್ಜಿಂದಾಂಡ ಪೆರ್ಮರಿ ನಿಂಗಡ್ ಪಂಡ್ದ್ ಎನ್ನಿಯೆರ್ ಅಂಚ ಮೊಕುಲು ರಾತ್ರೋ ರಾತ್ರಿ ಪೊನ್ನನ್ ಕೊನೊದ್ ಬುಡಿಯೆರ್
ಬುಡ್ಡಾದಾನಾಗ ಅವ್ಲೊಂಜಿ ದ್ಯೆವದ ನಡೆ ಇತ್ತ್ಂಡ್ ಅವು ಈ ಪೊನ್ನನ್ ಮಾಯಿಕ ಮಲ್ತ್ಂಡ್
ಮಾಯಿಕ ಮಲ್ಪುನಾಗ ದಾದ ಪಂಡ್ಂಡ್ ಈ ಮನ್ಜಲ್ ದ ಕೊಂಬಾದ್ ಉಪ್ಪುಲಾ ಒಂಜಿ ಕಾಲ ಬನ್ನಗ ಈ ಪೊನ್ನಾದ್ ನಿನ್ನ ಪಲಯಲ್ಲೆಗ್ ತಿಕ್ಕ್ ಲಾ
ಅಂಚ ಈ ಪೊನ್ನು ಮನ್ಜಲ್ ದ ಕೊಂಬಾದ್ ಇತ್ತಾಲ್ .
ಆಯಿರ್ದ್ ಬೊಕ್ಕ ಒಂಜಿ ಅಜ್ಜಿ ಕನಕ್ ಪೆಜ್ಜೋಂದ್ ಗುಡ್ಡೆಗ್ ಪೋಂಡ್
ಗುಡ್ಡೆಗ್ ಪೋದು ಕನಕ್ ಪೆಜ್ಜೋಂದ್ ಉಪ್ಪುನಾಗ ಬಾರೀ ಪೊರ್ಲುದ ಒಂಜಿ ಮನ್ಜಲ್ ದ ಕೊಂಬು ತಿಕ್ಕುಂಡು
ಅಯಿನ್ ಈ ಅಜ್ಜಿ ಕನಕ್ ಪೆಜ್ಜೋಂದ್ ಬತ್ತ್ದ್ ನೆನ್ ಲಾ ಪೆಜ್ಜೋಂದು ಬತ್ತ್ಂಡ್
ಬತ್ತ್ದ್ ಈ ಮನ್ಜಲ್ ದ ಕೊಂಬುದ ಪೊರ್ಲು ತೂದ್ ಈ ಒಂಜಿ ಅರಿತ ಕರಟ್ ಪಂಡ ಕರಟ್ ಅರಿ ಪಾಡ್ದ್ ದೀಪುನಿ
ಬೇಲೆಗ್ ಪೋದು ಬತ್ತ್ ದ್ ಅರಿ ಪಾಡುನಿ ಉಂದು ದಿನೊಡ್ದ್ ದಿನ ನಿಲ್ಕೆ ನಿಲ್ಕೆನೇ ಆವೊಂದುಂಡು ಅರಿ ಪಾಡಂದೆಲಾ ನಿಲ್ಕೆ ಆವೊಂದುಂಡು