喺典型嘅英雄探險故事入面

主人公上路

經歷巨變

最尾榮歸故里

但喺愛爾蘭神話 Echtraí

嗰英雄有去冇回

雖然愛爾蘭神話有
好多唔同版本嘅異世界

最出名嘅例子就喺奥辛嘅故事出現

奧辛係芬恩．麥克庫爾個仔

芬恩．麥克庫爾係費奧納戰隊首領

有一日，奥辛同同伴出遊

遇到仙女公主妮奥芙

兩人一見鍾情

妮奧芙將奧辛拉上白馬

嚟到愛爾蘭海邊

佢哋穿過地平線沉入咗金色嘅霧

嚟到光芒四射嘅提爾納諾國嘅海邊

呢到係統治古愛爾蘭慨達努族人故鄉

比起奥辛嘅時代更久遠

由奥辛到埗開始， 就要乜有乜

佢同妮奥芙大婚
受到成個家族嘅歡迎

奧辛想聽音樂時
就會有迷人慨旋律響起

佢肚餓
用金碟盛載嘅芳香美食就會出現

呢度景靚
連啲顏色都係從所未見慨

周圍嘅一切、土地同人都好完美

但係奧辛唔知提爾納諾係個常春地

喺呢度，時間靜止，人唔會老

喺新家園，奧辛就好似喺愛爾蘭咁
繼續如常打獵同探險

但喺呢個常春地，佢得到新嘅能力

每個探險日完咗之後

喺妮奧芙懷中入睡時
奧辛嘅傷口會自然癒合

儘管喺呢度榮耀同歡娛隨手可得

奧辛好掛住費奧納戰隊
同昔日喺愛爾蘭嘅歷險

提爾納諾住咗三年之後
佢深受思鄉嘅情緒困擾

佢準備啟程返去時
妮奧芙叮囑佢

一定唔可以落馬用自己對腳落地

奧辛嚟到愛爾蘭海邊時

成個世界好似比陰影籠罩住

佢父親嘅宮殿宜家變成廢墟

佢呼叫親友
但只有廢棄牆壁傳嚟嘅回音

奧辛好驚
一路行直到遇到一班农民

佢哋好辛苦咁喺度搬一嚿大石

奥辛唔記得咗妮奥芙嘅警告

落馬用超能力一手就將石頭揈開

但係啲農民未歡呼完就尖叫

呢個後生仔已經變成咗個老人

鬍鬚掂地，兩腳變形

佢大叫芬恩同費奧納

但已經係三百幾年前嘅名字

時間背叛咗奧辛

重返人間令佢冇無可扭轉咁衰老

喺愛爾蘭民間故事裡邊

好多人聲稱見過常春地

喺井深處

喺地平線盡頭

喺黑暗嘅山洞

但知道奥辛嘅故事嘅人
講嘅係另一個版本

喺遙遠嘅海浪上
有位閃閃發光嘅公主骑住白馬

仍然盼望住佢註定失敗嘅愛返嚟