Նախորդ մեկուկես տարվա ընթացքում

Push Pop Press ընկերությունում իմ թիմը

ինչպես նաև Չարլի Մելչերը և Մելչեր Մեդիան

աշխատում էին առաջին

ամբողջական ինտերակտիվ գրքի ստեղծման վրա:

Այն կոչվում է «Մեր ընտրությունը»

և հեղինակը Ալ Գորն է:

Դա «Անհարմար ճշմարտություն» գրքի շարունակությունն է

և ուսումնասիրում է բոլոր լուծումները,

որոնք կօգնեն հաղթահարել կլիմայական ճգնաժամը:

Գիրքը սկսում է այսպես: Սա շապիկն է:

Երկրագունդը պտտվում է,

և մենք կարող ենք տեսնել մեր գտնվելու վայրը:

Ապա մենք կարող ենք բացել գիրքը

և թերթել գլուխներով՝

գիրքը դիտելու համար:

Կամ էլ կարող ենք էջերը թերթել ներքևից:

Եթե ցանկանում ենք մոտեցնել որևէ էջ`

ուղղակի կարող ենք բացել այն այսպես:

Գրքի մեջ ամեն ինչ

կարելի է երկու մատով վերցնել,

բարձրացնել էջի վրա

և բացել:

Եթե ցանկանում եք վերադառնալ

և նորից կարդալ գիրքը,

ուղղակի ետ եք ծալում և վերադարձնում այն էջի վրա:

Սա էլ նույն կերպ է աշխատում: Կարող եք վերցնել և բացել:

(Աուդիո) Ալ Գոր. ես ինձ դասում եմ

մարդկանց այն մեծամասնության շարքերում,

ովքեր նայում են հողմաղացներին և զգում,

որ դրանք լանդշաֆտի գեղեցիկ հավելում են:

Մայք Մաթաս. այսպես, ողջ գիրքը թերթելու ընթացքում

Ալ Գորը կուղեկցի ձեզ և կբացատրի լուսանկարները:

Այս լուսանկարը դուք նաև կարող եք տեսնել ինտերակտիվ քարտեզի վրա:

Մոտեցրեք և տեսեք, թե որտեղ է այն արված:

Գրքի ողջ ընթացքում,

մոտ մեկ ժամ տևողությամբ վավերագրական կադրեր կան

և ինտերակտիվ անիմացիաներ:

Այսպես, բացելով այս մեկը

(Աուդիո) ԱԳ. ժամանակակից քամու ծրագրերի մեծամասնությունը բաղկացած է...

ՄՄ. այն անմիջապես միանում է:

Եվ քանի այն միացած է, մենք կարող ենք այն վերադարձնել էջի վրա,

քանի դեռ ֆիլմը գնում է:

Կամ կարող ենք փոքրացնել էջը և վերադառնալ բովանդակությանը,

ֆիլմը շարունակում է գնալ:

Սակայն գրքի ամենազարմանալի բաներից են

ինտերակտիվ ինֆոգրաֆիկաները:

Այս մեկը ցուցադրում է քամու ներուժը

ԱՄՆ-ի ողջ տարածքում:

Սակայն ուղղակի տեղեկատվությունը ցույց տալու փոխարեն

մենք կարող ենք մատով վերցնել և ուսումնասիրել,

տեսնել նահանգ առ նահանգ,

թե կոնկրետ որտեղ քամու ներուժը որքան է:

Մենք կարող ենք նույնը անել գեոջերմային էներգիայի

և արևային հզորության համար:

Սա իմ սիրած բաներից մեկն է:

Այսպես սա ցույց է տալիս...

(Ծիծաղ)

(Ծափահարություններ)

Երբ քամին փչում է,

հողմաղացից եկող ցանկացած էներգիայի ավելցուկ

կուտակվում է մարտկոցի մեջ:

Եվ երբ քամին սկսում է թուլանալ,

ցանկացած էներգիայի ավելցուկ վերադառնում է տուն,

լույսերը երբեք չեն հանգչում:

Եվ այս ամբողջ գիրքը ոչ միայն iPad-ի վրա է աշխատում,

այն նաև iPhone-ի վրա է աշխատում:

Այսպես, դուք կարող եք սկսել կարդալ այն ձեր iPad-ի վրա հյուրասենյակում,

ապա շարունակել կարդալը iPhone-ի վրա, նույն տեղից:

Այն ճիշտ նույն կերպ է աշխատում:

Կարելի է երկու մատով վերցնել ցանկացած էջ,

և բացել:

Այսպիսով, սա Push Pop Press-ի առաջին վերնագիրն է,

Ալ Գորի «Մեր Ընտրությունը»:

Շնորհակալություն:

(Ծափահարություններ)

Քրիս Անդերսոն. Դա տպավորիչ էր:

Իսկ դուք ցանկանում եք հրատարակի՞չ դառնալ,

տեխնոլոգիայի արտոնագրո՞ղ:

Ո՞րն է ձեր նպատակը։

Արդյոք սա այնպիսի բան է, որ ուրիշներն էլ կարող են անե՞լ:

ՄՄ. Այո, մենք մի գործիք ենք ստեղծում,

որը հրատարակիչներին հնարավորություն է տալիս պարունակությունը ստեղծել:

Այսպես, Մելչեր Մեդիայի թիմը, որը արևելյան ափում է...

(իսկ մենք արևմտյան ափում ենք), ստեղծում է ծրագիրը,

օգտագործելով մեր գործիքը,

և յուրաքանչյուր օր ավելացնում է նկարները և տեքստը:

ՔԱ. Այսպիսով դուք ցանկանում եք արտոնագիր տալ հրատարակիչներին,

որպեսզի նրա՞նք էլ կարողանան այդպիսի գեղեցիկ գրքեր ստեղծել: (ՄՄ. Այո)

Շատ լավ: Մայք, շատ շնորհակալություն:

ՄՄ. Շնորհակալ եմ: (ՔԱ. Հաջողությո՜ւն:)

(Ծափահարություններ)