Гевер Тали говори за пет опасни работи за деца

Гевер Тали, основачот на Училиштето за мајсторисување (Tinkering School), набројува пет опасни работи што треба да дозволите децата да ги прават. Од TED University 2007.

Добредојдовте на „Пет опасни работи што треба да им ги дозволите на децата“.

Јас немам деца.

Ги позајмувам децата на моите пријатели, па...

(Смеа)

Примете ги овие совети со резерва.

Јас сум Гевер Тали.

По струка сум компјутерски научник,

но основач сум и на нешто што се вика Училиште за мајсторисување (Tinkering School).

Тоа е летна програма чија цел е да им помогне на децата да научат

како да ги градат нештата што ќе ги замислат.

Па, така, градиме разни нешта.

Во рацете на второодделенци ставам моќни алати.

Па, ако мислите да го пратите вашето дете во ова училиште,

знајте дека децата се враќаат изгребани, со модрици и крвави.

Живееме во свет

кој е подложен на сè построги закони за безбедност на децата.

Се чини дека нема граница на тоа колку луди

можат да бидат овие закони.

Ставаме предупредувања за гушење на секоја пластична ќеса

што се произведува во САД или се продава

со друг производ во САД.

Ставаме предупредување на шољите за кафе, кое ни вели

дека течноста можеби е жешка.

И се чини дека мислиме дека секој предмет

поостар од топче за голф е преостар

за деца помали од 10 години.

Па, каде е крајот на овој тренд?

Кога ќе го затапиме секој ќош и ќе го елиминираме секој остар предмет,

секој шпицаст предмет во светот,

тогаш првиот пат кога децата ќе стапат во контакт со нешто остро

или нешто што не е направено од округла пластика,

ќе се повредат.

Така, како што границите на тоа што го сметаме за безбедно

се смалуваат, на нашите деца им ускратуваме вредни можности

да научат како да дејствуваат во светот околу нив.

И покрај сите наши најдобри напори и намери,

децата секогаш ќе смислат

како да ги прават најопасните нешта што може да се прават,

во која било средина.

И покрај провокативниот наслов, оваа презентација всушност е за безбедноста

и за некои мали работи што може да ги направиме

за децата да ги воспитуваме да бидат креативни, сигурни

и да ја контролираат средината околу нив.

Ова што сега го презентирам е извадок од книгата на која работам.

Книгата се вика „50 опасни нешта“.

Ова се пет опасни нешта.

Прво - играње со оган.

Учењето како да се контролира една од основните сили во природата

е клучен момент во личната историја на секое дете.

Без разлика дали се сеќаваме или не,

тоа е првиот пат кога навистина имаме

контрола над нешто мистериозно.

Овие мистерии им се откриваат само

на оние што имаат можност да си играат со нив.

Значи, играње со оган...

Огнот е едно од оние големи нешта што сме ги откриле.

Играјќи си со него, тие ги учат основните принципи на огнот.

Учат за собирање на воздухот, согорување и горење.

Ова се три компоненти кои ви се потребни

за да имате добар контролиран оган.

Огнот на отворено може да го гледате како лабораторија.

Не знаете што ќе научите додека си играат со него.

Оставете ги да си играат сами и, верувајте,

децата ќе научат работи

што не може да се научат од играње со играчки.

Број два - џебно ноже.

Џебните ножиња некако исчезнуваат од нашата културна свест,

што мислам дека е голема загуба.

(Смеа)

Првото џебно ноже е првиот универзален алат што сте го имале.

Тоа е лажица, хебла,

шрафцигер и нож.

Tоа е моќен алат, кој ви дава моќ.

Во многу култури им даваат ножеви...

уште додека се во пелени децата имаат ножеви.

Ова се инуитски деца како сечат кожа од кит.

Ова прв пат го видов во еден канадски филм кога имав 10 години.

Тоа што видов бебиња како си играат со ножеви ми остави траен впечаток.

Ова покажува дека децата можат да развијат проширено чувство за себе

преку еден алат уште на рана возраст.

Треба да им дадете неколку основни правила:

никогаш не сечи кон себе, одржувај го сечилото остро, не сечи на сила.

Ова се работи што децата можат да ги разберат и да ги вежбаат.

Да, ќе се случи да се исечат.

Имам страшни лузни на нозете каде што се имам избодено.

Но, млади се. Ќе им помине како на кутриња.

(Смеа)

Три - фрлање копје.

Испадна дека нашите мозоци имаат предиспозиција за фрлање работи,

и исто како и мускулите, ако не користите некој дел од мозокот,

тој со тек на времето ќе атрофира.

Но, кога вежбате

кој било мускул, тоа му дава сила на целиот систем,

а истото важи и за вашиот мозок.

Докажано е дека вежбањето фрлање работи

ги стимулира фронталниот и париеталниот лобус,

кои имаат врска со способноста за визуелизација, разбирањето на три-де

просторот и структуралното решавање проблеми. Значи, им помага

да ги развијат визуелните способности и способноста за предвидување.

Фрлањето е комбинација од аналитичка и физичка вештина,

па е добар тренинг за целото тело.

Овие вежби со мети, исто така,

им помагаат на децата да развијат вештини за концентрација и внимание.

Тие се супер.

Четири: расклопување на уреди за домаќинството.

Во машината за садови има цел свет на интересни нешта.

Следниот пат кога ќе сакате да фрлите некој уред, не фрлајте го.

Расклопете го со вашето дете или испратете го во моето школо,

па ние ќе го расклопиме заедно.

Дури и да не знаете кои се деловите,

откривањето на тоа што би можеле да бидат

е добра вежба за децата,

за да добијат осет дека можат да расклопуваат работи,

и без разлика колку се сложени,

можат да ги разберат деловите, што значи дека на крајот,

ќе можат да ја разберат и целината.

Тоа е чувство на познавање - дека нешто може да се спознае.

Црните кутии со кои живееме и кои ги земаме здраво за готово

се всушност комплексни работи создени од други луѓе

и можеме да ги разбереме.

Број пет е дводелна лекција.

Прекрши го законот за дигитални авторски права.

(Смеа)

Постојат закони, настрана од тие за безбедност,

кои се обидуваат да го ограничат начинот на кој работиме со нештата

што ги поседуваме - во овој случај, дигиталните медиуми.

Вежбата е проста. Купи песна на Ајтјунс, сними ја на цеде,

потоа рипувај го дискот во емпетри и пушти ја песната на истиот компјутер.

Само што го прекршивте законот.

Технички, RIAA (Recording Industry Association of America) може да ве тужи.

Важно е децата да научат дека

некои од овие закони може случајно да се прекршат

и дека законите треба да се интерпретираат.

Често зборуваме за тоа со децата,

кога си играме и расклопуваме работи

и кога ги користиме за други активности...

а, исто така, и кога одиме надвор и возиме кола.

Возењето е настан што му дава моќ на секое дете.

Ова е најдобрата вежба...

(Смеа)

Оние од вас кои не сакаат да го прекршуваат закон,

можат да ја возат кола со детето.

Ова е голем настан за секое дете.

Ова се случува скоро во истиот период

кога децата се фаќаат за работи како диносауруси -

големите работи од надворешниот свет,

што се обидуваат да ги разберат.

Колата е сличен објект и можат да влезат во неа и да ја возат.

Тоа им дава поглед на светот на начин

до којшто обично немаат пристап.

Ова е сосема легално.

Најдете голем празен паркинг, осигурајте се дека нема ништо на него

и дека е во приватна сопственост и пуштете го детето да вози.

Всушност, многу е безбедно.

А, и забавно е за целото семејство.

(Смеа)

Па, да видам...

Мислам дека тоа е сè. Тоа беше број пет ипол. Во ред.