-
ਮੇਰਾ ਨਾਮ ਚਰਨਜੀਤ ਕੌਰ,
-
ਪਤੀ ਦਾ ਨਾਮ ਤੇਜਾ ਸਿੰਘ।
-
ਪਿੰਡ ਫਤਿਹਗੜ੍ਹ ਸਿਬੀਆਂ, ਤਹਿਸੀਲ ਜਗਰਾਉਂ,
-
ਜ਼ਿਲ੍ਹਾ ਲੁਧਿਆਣਾ ਦੇ ਰਹਿਣ ਵਾਲੇ ਹਾਂ।
-
ਸੁਭਾਅ ਤਾਂ ਬਹੁਤ ਵਧੀਆ ਸੀਗਾ ਤੇ ਪਾਠ ਕਰਦੇ ਸੀਗੇ।
-
ਸਾਡੇ ਚਾਰ ਲੜਕੇ, ਦੋ ਲੜਕੀਆਂ ਸੀਗੀਆਂ।
-
ਛੋਟਾ ਲੜਕਾ ਤਾਂ ਸਾਲ ਦਾ ਹੀ ਸੀਗਾ
-
ਜਦੋਂ ਇਹ ਗੱਲ ਸਾਡੇ ਨਾਲ ਹੋ ਗਈ।
-
ਇੰਨੇ ਛੋਟੇ ਸੀਗੇ ਜਿਹੜੇ ਹੁਣ ਤੱਕ
-
20-21 ਸਾਲ ਹੋ ਗਏ ਆ,
-
ਹੁਣ ਤੱਕ ਆਪਣਾ ਟਾਈਮ ਪਤਾ ਨੀ ਕਿਵੇਂ ਲੰਘਾ ਹੁੰਦਾ
-
ਉਹ ਤਾਂ ਸਾਰਿਆਂ ਨੂੰ ਪਤਾ ਵੀ ਕਿੰਨਾ ਮੁਸ਼ਕਲ ਹੋ ਜਾਂਦਾ।
-
ਉਹ ਤਾਂ ਪਹਿਲਾਂ ਏਥੋਂ ਸਾਡੇ ਪਿੰਡ ਦਾ,
-
ਪੰਜਾਬ ਸਿੰਘ ਖਾਲਸਾ ਜਿਹੜਾ ਉਹ ਸੀਗਾ।
-
ਉਹਦੇ ਨਾਲ ਚੰਗੀ ਬੋਲਬਾਣੀ ਸੀਗੀ।
-
ਉੱਥੇ ਜਦੋਂ ਉਹ ਕਿਸੇ ਨਾਲ ਸਾਂਝੀ ਰਲਿਆ ਹੋਇਆ ਸੀ
-
ਤੇ ਸਾਡਾ ਉੱਥੇ ਖੇਤ ਸੀਗਾ ਨਾਲ।
-
ਉਹਨੇ ਪਾਣੀ ਪੂਣੀ ਵੀ ਕੱਸੀ ਦਾ ਆਪ ਹੀ ਲਾ ਦੇਣਾ
-
ਕਹਿਣਾ ਤੂੰ ਇਕੱਲਾ ਔਖਾ ਹੋਵੇਂਗਾ,
-
ਜਾਨੀ ਏਨੀ ਲਿਹਾਜ਼ ਸੀਗੀ ਉਹਦੇ ਨਾਲ।
-
ਪੰਜਾਬ ਸਿੰਘ ਖਾਲਸਾ ਲਿਬਰੇਸ਼ਨ ਫੋਰਸ ਦਾ ਮੈਂਬਰ ਸੀਗਾ।
-
ਉਹਦੇ ਨਾਲ ਹੀ ਉਹ ਸਾਡੇ ਆਉਂਦਾ ਜਾਂਦਾ ਸੀਗਾ।
-
ਉਹਦੇ ਨਾਲ ਹੋਰ ਵੀ ਮੁੰਡੇ ਆ ਜਾਂਦੇ ਸੀਗੇ।
-
ਕਈ ਵਾਰ ਬਾਹਰ ਖੇਤ ਵਿੱਚ ਵੀ ਮਿਲ ਲੈਂਦੇ ਸੀਗੇ
-
ਜਾਂ ਚਾਹ ਪਾਣੀ ਪੀਂਦੇ ਸੀ।
-
ਜੇ ਕਿਸੇ ਨੇ ਰੋਟੀ ਖਾਣੀ ਹੁੰਦੀ ਸੀ,
-
ਰੋਟੀ ਖਾ ਲੈਂਦੇ ਸੀਗੇ।
-
ਕੀਤਾ ਤਾ ਜੇ ਪੁਲਿਸ ਵਾਲਿਆਂ ਨੂੰ ਉਹ ਆਉਣਗੇ ਪਤਾ ਲੱਗੂ
-
ਆਉਂਦੇ ਆ ਸਾਨੂੰ ਫੜ ਲੈ ਕੇ ਗਏ ਆ।
-
ਹੁਣ ਜੇ ਇਹਨਾਂ ਨੂੰ ਜਵਾਬ ਦਿੰਦੇ ਸੀ
-
ਚਾਹ ਪਾਣੀ ਜਾਂ ਰੋਟੀ ਪਾਣੀ ਤੋਂ,
-
ਇਹ ਉਦੋਂ ਅਗਲਾ ਪਤਾ ਵੀ ਗੋਲੀਆਂ ਨਿਘਾ ਦਿੰਦੇ ਸੀਗੇ।
-
ਬਾਕੀ ਸਿੱਖ ਹੋਣ ਦੇ ਨਾਤੇ
-
ਫਿਰ ਇਹਨਾਂ ਨੂੰ ਜਵਾਬ ਵੀ ਨਹੀਂ ਦੇ ਸਕਦੇ ਸੀ।
-
ਕੋਈ ਵੀ ਨਹੀਂ ਦੇ ਸਕਦਾ ਸੀਗਾ।
-
ਉਦੋਂ ਫਿਰ ਦੇਣੀ ਪੈਂਦੀ ਸੀ ਚਾਹ ਪਾਣੀ।
-
ਏਸੇ ਕੰਮ ਦੇ ਵਿੱਚ ਪੁਲਿਸ ਵਾਲਿਆਂ ਨੇ ਚੱਕ ਲਿਆ ਸੀਗਾ।
-
ਪਹਿਲਾਂ ਤਾਂ ਇੱਕ ਵਾਰੀ ਚੱਕ ਕੇ ਜੇਲ ਵਿੱਚ
-
ਦੋ ਕੁ ਸਾਲ ਰਹੇ ਸੀਗੇ।
-
ਫਿਰ ਉਦੋਂ ਮਗਰੋਂ ਜਦੋਂ ਜਮਾਨਤ ਕਰਾ ਕੇ ਲਿਆਂਦੀ,
-
ਕੇਸ ਬਾਅਦ ਵਿੱਚ ਖਤਮ ਹੋਇਆ।
-
ਇਹ ਪਨਾਹ ਦਾ ਕੇਸ ਪਾਤਾ ਵੀ ਤੁਸੀਂ ਚਾਹ ਪਾਣੀ ਦਿੰਨੇ ਆ।
-
ਤਾਂ ਫਿਰ ਹਾਲੇ ਥੋੜੇ ਦਿਨ ਹੋਏ ਸੀ,
-
ਦੁਬਾਰਾ ਫਿਰ ਲੈ ਗਏ, ਉੱਥੋਂ ਜੇਲ ਚੋਂ ਲਿਆਂਦਿਆਂ ਨੂੰ।
-
ਫਿਰ ਉਹਨਾਂ ਨੇ ਕੁੱਟ ਮਾਰ ਕੇ,
-
ਫਿਰ ਜਾਣੀ ਕੋਈ ਕਹਿ ਕੂਹ ਕੇ
-
ਕਿਸੇ ਅਫਸਰ ਨੂੰ ਘਰੇ ਲੈ ਆਂਦਾ।
-
ਘਰੇ ਲਿਆਣ ਕੇ ਫਿਰ ਹਫਤਾ ਵੀ ਨਹੀਂ ਸੀ ਹੋਇਆ,
-
ਫਿਰ ਨਹੀਂ ਮੁੜ ਕੇ ਸਾਨੂੰ ਦੁਬਾਰਾ ਦਿਖਾਇਆ।
-
ਫਿਰ ਜਦੋ ਗੁਰਜੰਤ ਸਿੰਘ ਬੁੱਧ ਸਿੰਘ ਵਾਲਾ
-
ਉਹ ਜਥੇਦਾਰ ਸੀ,
-
ਇਸ ਫੋਰਸ ਦਾ ਉਹ ਮਾਰਿਆ ਗਿਆ,
-
ਲੁਧਿਆਣੇ ਘੇਰਿਆ ਗਿਆ ਸੀ।
-
ਬਾਅਦ ਵਿੱਚ ਫਿਰ ਤਾਂ ਉਦੋਂ ਬਹੁਤ ਜਿਆਦਾ ਮਾਰਦੇ ਸੀ।
-
ਬੇਅੰਤ ਸਿੰਘ ਨੇ ਇਹ ਕੰਮ ਕਰਵਾਇਆ ਸੀਗਾ।
-
ਜਿਹੜਾ ਕੋਈ ਚਾਹ ਪਾਣੀ ਵੀ ਦਿੰਦਾ ਆ,
-
ਉਹਨਾਂ ਨੂੰ ਵੀ ਚੱਕ ਲਓ।
-
ਕੁੱਟਮਾਰ ਤਾਂ ਹੁਣ ਜਿੱਦਾਂ ਪੁਲਿਸ ਵਾਲੇ ਕੁੱਟਦੇ
-
ਉਵੇਂ ਹੀ ਕੁੱਟਿਆ ਸੀ,
-
ਤੁਰਨ ਜੋਗਾ ਨਹੀਂ ਛੱਡਦੇ ਬੰਦੇ ਨੂੰ।
-
ਉਦਾਂ ਕੰਧ ਫੜ ਕੇ ਖੜੇ ਹੋਵੋ ਤਾਂ
-
ਤਾਂਵੀ ਨਹੀਂ ਖੜਿਆ ਜਾਂਦਾ ਸੀਗਾ।
-
ਜਦੋਂ ਬੈਠਣਾ ਤੇ ਉਦੋਂ ਬੈਠ ਨਹੀਂ ਸੀ ਹੁੰਦਾ।
-
ਉੱਥੇ ਮੈਨੂੰ ਵੀ ਤਾਂ ਇਦਾਂ ਹੀ ਕੁੱਟਿਆ।
-
ਮੈਨੂੰ ਆਏ ਨੀ ਪਤਾ ਉੱਥੇ ਠਾਣੇਦਾਰ ਉਹ ਮਰ ਗਿਆ,
-
ਲੀਹਾਂ ਦਾ ਸੀ।
-
ਉਹ ਬਹੁਤ ਅੜਬ ਸੀਗਾ।
-
ਨਾਲੇ ਪਹਿਲਾਂ ਕੁੱਟ ਲਿਆ,
-
ਛਪੈਣਾਂ ਜਿਹੀਆਂ ਹੁੰਦੀਆਂ ਦੋ ਜਾਣੀਆ ਉਹ ਵੀ ਸੀਗੀਆਂ।
-
ਉਹਨਾਂ ਨੇ ਜੋਰ ਨਾਲ ਸਿਰ ਚ ਹੱਥ ਮਾਰ ਕੇ
-
ਮੇਰੇ ਅੱਖਾਂ ਦਾ ਖੂਨ ਵੀ,
-
ਸਾਰਾ ਮੂੰਹ ਹੀ ਨੀਲਾ ਹੋ ਗਿਆ ਸੀ।
-
ਮੂੰਹ ਤੇ ਕੁਝ ਨਹੀਂ ਸੀ ਮਾਰਿਆ,
-
ਸਿਰ ਵਿੱਚ ਮਾਰਿਆ
-
ਸਿਰ ਦੀ ਸੱਟ ਨਾਲ ਹੀ ਆਏ ਹੋ ਗਿਆ ਸੀਗਾ।
-
ਪਹਿਲਾਂ ਤਾਂ ਫੜ ਕੇ ਲੈ ਕੇ ਜਾਂਦੇ ਸੀ ਜਦੋ ਕੁੱਟਕੇ ਤੇ
-
ਫਿਰ ਮਗਰੋਂ ਜਦੋਂ ਬਹਿ ਜਾਓ ਫਿਰ ਕਿੰਨਾ ਚਿਰ,
-
ਅੰਗ ਤਾਂ ਮੁੜਦੇ ਨਹੀਂ ਸੀ ਆਪਦੀਆਂ ਲੱਤਾਂ ਬਾਹਾਂ ਤਾ।
-
ਫਿਰ ਜਦੋਂ ਦੂਜੀਆਂ ਨਾਲ ਦੀਆਂ ਹੋਰ ਬੀਬੀਆਂ ਸੀਗੀਆਂ,
-
ਉਹਨਾਂ ਨੇ ਫੜ ਕੇ ਬਿਠਾਉਣਾ ਤੇ ਇੱਕਦਮ ਡਿੱਗਣਾ,
-
ਗੋਡੇ ਗਾਡੇ ਮੁੜਨੇ ਨਾ ਉਦੋਂ।
-
ਫਿਰ ਮਗਰੋਂ ਉਹਨਾਂ ਨੇ ਗੋਲੀਆਂ ਗਾਲੀਆਂ ਲੈ ਕੇ ਆਉਣੀਆਂ
-
ਮਾੜੀਆਂ ਮੋਟੀਆਂ, ਰੋਟੀ ਖਾਓ, ਰੋਟੀ ਕਿੱਥੇ ਲੰਘਦੀ ਆ।
-
ਉਹਨਾਂ ਨੇ ਕਹਿਣਾ ਤੁਸੀਂ ਰੋਟੀ ਜਿਆਦਾ,
-
ਅੱਧੀ ਰੋਟੀ ਖਾ ਲੈਣੀ
-
ਤਿੰਨ ਚਾਰ ਦਿਨ ਮੈਨੂੰ ਉੱਥੇ ਕੁੱਟਦੇ ਰਹੇ ਸੀ।
-
ਅੱਧੀ ਰੋਟੀ ਖਾ ਲੈਣੀ ਤੇ ਮੁੜ ਕੇ ਕਹਿਣਾ ਹੋਰ ਖਾਓ।
-
ਫਿਰ ਉਹ ਕਿੱਥੋਂ ਲੰਘਦੀ ਆ ਰੋਟੀ,
-
ਕਹਿਣਾ ਤੁਸੀਂ ਛੇਤੀ-ਛੇਤੀ ਦੀ ਰੋਟੀ ਖਾਓ
-
ਜ਼ਿਆਦੇ ਖਾਵੋ ਰੋਟੀਆਂ,
-
ਤੁਹਾਡਾ ਇੱਥੋਂ ਅੰਨ ਜਲ ਖਤਮ ਹੋਵੇ।
-
ਮੈ ਕਿਹਾ ਤੁਸੀਂ ਲੈ ਕੇ ਕਾਹਤੋਂ ਆਏ ਹੋ ਸਾਨੂੰ,
-
ਸਾਡਾ ਕਸੂਰ ਕੀ ਆ।
-
ਇੱਕ ਸਾਲ ਪਹਿਲਾਂ ਇਹਨਾਂ ਨੂੰ ਖਤਮ ਵੀ ਕਰਤਾ ਸੀਗਾ।
-
ਫਿਰ ਬਾਅਦ ਵਿੱਚ ਲੈ ਕੇ ਗਏ ਆ,
-
ਸ਼ੱਕ ਕੱਢਦੇ ਸੀ ਕਿ ਹੁਣ ਵੀ ਕੋਈ
-
ਇਹਨਾਂ ਕੋਲੇ ਆਉਂਦਾ ਆ।
-
ਪੁੱਛਦੇ ਵੀ ਸੀਗੇ ਕਿ ਕੁਲਦੀਪ ਸਿੰਘ ਸ਼ੇਖਪੁਰੇ ਵਾਲਾ ਕੀਪਾ
-
ਉਹ ਤੁਹਾਡੇ ਕੋਲੇ ਆਉਂਦਾ ਆ।
-
ਮੈਂ ਕਿਹਾ, ਮੈਂ ਤਾਂ ਉਹ ਦੇਖਿਆ ਵੀ ਨਹੀਂ।
-
ਹੁਣ ਉਹਨੇ ਸਾਡੇ ਕੋਲੇ ਕੀ ਕਰਨ ਆਉਣਾ।
-
ਸੱਚ ਨਹੀਂ ਸੀ ਮੰਨਦੇ ਉਹ।
-
ਕਿਸੇ ਟਾਈਮ ਕੋਈ ਹੋਰ ਨਾਲ ਦੀਆਂ ਬੁੜੀਆਂ ਵੀ ਸੀਗੀਆਂ।
-
ਜੇ ਉਹਨਾਂ ਨੂੰ ਸ਼ੱਕ ਪੈ ਜਾਂਦੀ ਸੀ
-
ਉਹਨਾਂ ਨੂੰ ਕਦੇ ਡੇਲੋ ਠਾਣੇ ਉਥੇ ਲਜਾ ਕੇ ਕੁੱਟਦੇ ਸੀ,
-
ਕਦੇ ਸੁਧਾਰ ਲੈ ਜਾਣਾ ਤੇ ਕਿਤੇ ਜਗਰਾਉਂ।
-
ਮੈਂ ਕਹਿੰਦੀ ਸੀ ਕਿਤੇ ਮੈਨੂੰ ਵੀ ਨਾ ਆਏ ਲਈ ਫਿਰਨ,
-
ਇੰਨੀ ਕੁੱਟ ਕਿੱਥੋਂ ਖਾਧੀ ਜਾਂਦੀ ਆ।
-
ਮੈਨੂੰ ਤਾਂ ਇੱਥੇ ਜਗਰਾਉਂ ਚ ਹੀ ਰੱਖਿਆ ਸਟਾਫ ਵਿੱਚ।
-
ਫਿਰ ਤੀਜੇ ਦਿਨ ਇਕ ਇਥੋਂ ਦਾ ਡੀਐਸਪੀ
-
ਉਹ ਰਿਟਾਇਰ ਹੋਇਆ ਸੀਗਾ,
-
ਉਹਨੇ ਜਾ ਕੇ ਫਿਰ ਤੀਜੇ ਦਿਨ ਛਡਾ ਕੇ ਲਿਆਇਆ ਸੀਗਾ
-
ਕਹਿੰਦਾ ਕਿ ਇਹ ਕੋਈ ਨਹੀਂ ਹੈਗੀ ਗੱਲ ਇਨਾਂ ਦੇ ਵਿੱਚ,
-
ਉਹਨਾਂ ਨੂੰ ਤੁਸੀਂ ਮਾਰਤਾ,
-
ਹੁਣ ਇਹਨਾਂ ਨੂੰ ਕਾਹਤੋਂ ਤੰਗ ਕਰਦੇ ਹੋ।
-
ਇਹ ਬੀਬੀ ਕਿਹੜਾ ਉਹਨਾਂ ਦੇ ਨਾਲ ਜਾਂਦੀ ਆ,
-
ਘਰੇ ਰਹਿੰਦੀ ਆ ਆਪਦੇ ਬੱਚੇ ਪਾਲਣ ਦਿਓ।
-
ਉਹ ਹੁੰਦਾ ਚਾਰ ਜਣੇ ਉੱਪਰ ਚੜ ਕੇ
-
ਮੂਦਾ ਪਾ ਕੇ ਬੰਦੇ ਨੂੰ ਅੰਗੂਠੇ ਬੰਨ ਕੇ
-
ਉਧਰੋਂ ਮੇਰੀਆਂ ਬਾਹਾਂ ਬੰਨ ਲਈਆਂ ਮੇਰੀ ਚੁੰਨੀ ਦੇ ਨਾਲ
-
ਫਿਰ ਉੱਪਰ ਆਏ ਜਾ ਕੇ ਇੱਥੋਂ ਤੱਕ ਲਿਜਾਂਦੇ ਸੀਗੇ
-
ਉਹ ਜਾਣੀ ਮੈਨੂੰ ਵੀ ਆਏ ਸਰਕਦਾ ਖੂਨ ਪਾਣੀ,
-
ਜਿੱਦਾਂ ਅਗਾਂਹ ਕੁਝ ਤੁਰਦਾ ਹੁੰਦਾ ਐਵੇ ਲੱਗਦਾ ਸੀ।
-
ਫੇਰ ਉਹਨਾਂ ਦੇ ਨਾਲ ਹੀ ਲੱਤਾਂ ਲੁੱਤਾਂ 'ਚ ਜਾਨ,
-
ਖੂਨ ਪਾਣੀ ਇੱਕ ਬਣ ਜਾਂਦਾ।
-
ਫਿਰ ਬਾਅਦ ਵਿੱਚ ਕਰੰਟ ਵੀ ਲਾਇਆ।
-
ਉਹ ਪਟੇ ਜਿਹੇ ਵੀ ਮਾਰਦੇ ਸੀ।
-
ਪਾਣੀ 'ਚ ਵੀ ਡਬੋਇਆ ਸੀ ਮੈਨੂੰ।
-
ਫਿਰ ਆਣ ਕੇ ਮਹੀਨਾ ਭਰ ਮੇਰਾ ਸਿਰ ਨਹੀਂ ਵਾਹ ਹੋਇਆ।
-
ਹੌਲੀ ਹੌਲੀ ਇੱਕ ਸਾਡੇ ਉਹਦੇ ਵੀ ਭਰਾ ਨੂੰ
-
ਐਵੇ ਗੱਲ ਹੋਈ ਸੀਗੀ
-
ਉਹਨੇ ਮਸਾ ਮੇਰਾ ਬਾਲ ਸਿੱਧੇ ਕੀਤੇ ਸੀਗੇ,
-
ਨਲਾ ਕੇ ਮੈਨੂੰ।
-
ਜਦੋਂ ਘਰੇ ਲੈ ਕੇ ਆਂਦਾ ਛੁਡਾ ਕੇ
-
ਉਦੋਂ ਸਾਰੇ ਲੋਕ ਆਲੇ ਦੁਆਲ ਦੇਖਣ,
-
ਕਹਿੰਦੇ ਨਹੀਂ ਸੀ ਬਚ ਜਾਊਗੀ, ਆਏ ਹੋਇਆ ਕਿਵੇਂ ਦੇਖੀਏ।
-
ਦਵਾਈ ਬੂਟੀ ਮਾੜੀ ਮੋਟੀ ਲੈਂਦੇ ਰਹੇ,
-
ਹੋਰ ਮਦਦ ਸਾਡੀ ਕਿਹਨੇ ਕਰਨੀ ਸੀ।
-
ਡੇਢ ਮਹੀਨਾ ਮੇਰੇ ਤੋਂ ਹਿੱਲ ਨਹੀਂ ਹੋਇਆ ਮੰਜੇ ਤੋਂ।
-
ਉਦੋਂ ਮਗਰੋ ਬਾਅਦ ਵਿੱਚ ਮੈਂ ਦਵਾਈ ਲੈਣ ਗਈ ਸੀ ਤਾਂ
-
ਮੇਰਾ ਐਕਸੀਡੈਂਟ ਹੋ ਗਿਆ ਇੱਕ ਮੇਰੀ ਗੁਆਂਢ ਸੀ ਨਾਲ।
-
ਉਦੋਂ ਵੀ ਮੇਰੇ ਉੱਪਰ ਟਰੈਕਟਰ ਚੜ ਗਿਆ ਸੀ।
-
ਜਦੋਂ ਦਾ ਕੁੱਟਿਆ ਮਾਰਿਆ ਉਦੋਂ ਦੇ ਦਵਾਈਆਂ ਚ ਪਏ।
-
ਮੈਂ ਕਦੇ ਸਿਰ ਦੁਖਦੇ ਦੀ ਗੋਲੀ ਵੀ
-
ਨਹੀਂ ਸੀ ਪਹਿਲਾਂ ਤਾਂ ਖਾਦੀ।
-
ਹੁਣ ਕੰਮ ਤਾਂ ਮੇਰੇ ਕੋਲੋਂ ਕੋਈ ਨਹੀਂ ਹੁੰਦਾ ਹੈਗਾ।
-
ਬਸ ਮਾੜਾ ਮੋਟਾ ਤੁਰੀ ਫਿਰਦੀ ਆ, ਜੀਂਦੀ ਆ ਜਾਣੀ।
-
ਆਹੀ ਦੋ ਉਹਨਾਂ ਨੇ ਐਲਬਮਾਂ ਜਿਹੀਆਂ ਰੱਖਤੀਆਂ,
-
ਜਿਹੜਾ ਉਹ ਐਸਐਸਪੀ ਸ਼ਾਇਦ ਚਾਹਲ ਸੀਗਾ ਉਦੋਂ।
-
ਉਹਨੇ ਰੱਖਤੀਆਂ ਕਹਿੰਦਾ ਕਿ ਪਛਾਣ ਇਹਨਾਂ ਚੋਂ
-
ਜਦੋਂ ਮੈਨੂੰ ਲੈ ਕੇ ਗਏ ਘਰੋਂ
-
ਤਾਂ ਮੈਂ ਉਹ ਦੇਖੀ ਗਈ।
-
ਮੁੜਕੇ ਫਿਰ ਮਗਰੋਂ ਕਹਿੰਦਾ ਤੇਰੀ
-
ਨਿਗਹਾ ਤਾਂ ਨਹੀਂ ਥੋੜੀ।
-
ਤੂੰ ਕੁਝ ਦੱਸਦੀ ਨਹੀਂ ਆਹ ਮੁੰਡੇ ਨੂੰ ਮੈਂ ਜਾਣਦੀ ਆ।
-
ਮੈਂ ਕਿਹਾ ਨਿਗ੍ਹਾ ਤਾਂ ਮੇਰੀ ਹੈਗੀ ਬਹੁਤ
-
ਅੱਜ ਤੋਂ 20-21 ਸਾਲ ਪਹਿਲਾਂ ਦੀ ਤਾਂ ਗੱਲ ਆ।
-
ਮੈਂ ਕਿਹਾ ਨਿਗਹਾ ਤਾਂ ਮੇਰੀ ਹੈਗੀ ਆ,
-
ਮੈਂ ਇਹਨਾਂ ਨੂੰ ਜਾਣਦੀ ਨਹੀਂ ਕਿਸੇ ਨੂੰ,
-
ਤਾ ਫਿਰ ਦੁਬਾਰਾ ਦੇਖ ਐਲਬਮ ਤੇ ਕੁਰਸੀ ਤੇ ਬਿਠਾ ਲਿਆ ਮੈਨੂੰ।
-
ਪਹਿਲਾਂ ਮੈਂ ਖੜੀ ਸੀ, ਮੈਂ ਡਰਦੀ ਸੀ
-
ਮੈਂ ਕਿਹਾ ਵੀ ਐਵੇਂ ਕਹੀ ਜਾਂਦੇ ਕੁਰਸੀ ਤੇ ਬਹਿ ਜਾ,
-
ਮੈਂ ਬੈਠੀ ਫਿਰ ਮੈਨੂੰ ਕੁੱਟਣਗੇ।
-
ਮੈਂ ਖੜੀ ਰਹੀ, ਕਹਿੰਦਾ ਬਹਿ ਜਾ ਤੂੰ ਕੁਰਸੀ ਤੇ
-
ਫਿਰ ਉੱਥੇ ਮੇਜ ਤੇ ਮੂਹਰੇ ਐਲਬਮਾਂ ਦੋ ਰੱਖਤੀਆਂ।
-
ਫਿਰ ਮੈਂ ਉਹ ਦੇਖਦੀ ਰਹੀ,
-
ਦੁਬਾਰਾ ਫਿਰ ਆਖੇ ਦੇਖ ਇਹਨਾਂ ਚੋਂ ਪਛਾਣ
-
ਕਿਹਨੂੰ ਤੂੰ ਜਾਣਦੀ ਆ।
-
ਮੈਂ ਕਿਹਾ ਮੈਂ ਇਹਨਾਂ ਚੋਂ ਕਿਸੇ ਨੂੰ ਨਹੀਂ ਜਾਣਦੀ
-
ਫਿਰ ਕਹਿੰਦੇ ਲੈਜੋ।
-
ਫਿਰ ਮੈਨੂੰ ਪਾਣੀ 'ਚ ਡਬੋਣ ਲੱਗ ਗਈਆਂ।
-
ਪਹਿਲਾਂ ਰਾਤ ਨੂੰ ਉਹਨਾਂ ਨੇ ਪਾਣੀ 'ਚ ਡਬੋਇਆ
-
ਲਿਜਾਣ ਸਾਰ ਹੀ ਅੱਥਣੇ ਦਿਨ ਛਿਪੇ ਹਨੇਰੇ ਜਿਹੇ ਹੋਏ
-
ਆਏ 7:00 ਵਜੇ ਤੋਂ ਬਾਅਦ ਆਏ ਸੀ।
-
ਫਿਰ ਮਗਰੋਂ ਸਵੇਰ ਨੂੰ ਫਿਰ ਸੱਦ ਲਿਆ।
-
ਪਾਣੀ ਦੀ ਬਾਲਟੀ ਭਰੀ ਹੁੰਦੀ ਸੀ
-
ਫਿਰ ਵਿੱਚ ਡਬੋਕੇ ਤੇ ਕੁਝ ਟਾਈਮ
-
ਬੋਲਿਆ ਨਹੀਂ ਗਿਆ ਮੇਰੇ ਕੋਲੋਂ, ਮੈਂ ਬੋਲੀ ਨਹੀਂ।
-
ਮੁੜਕੇ ਉਹ ਖਬਰੇ ਡਰ ਗਏ।
-
ਗਾਲ ਗੂਲ ਨਹੀਂ ਮੈਨੂੰ ਕੋਈ ਵੀ ਕੱਢੀ
-
ਨਾਮ ਲੈ ਕੇ ਬੁਲਾਉਂਦੇ ਸੀਗੇ।
-
ਚਰਨਜੀਤ ਸਾਡੇ ਵੱਲੋਂ ਝਾਕ ਉਹ ਕਹੀ ਜਾਂਦਾ ਸੀਗਾ,
-
ਜੇ ਤਾਂ ਅੱਖਾਂ ਵਿੱਚ ਪਤਾ ਨਹੀਂ ਕਿਹੜੀ ਕੋਈ ਲਕੀਰ
-
ਲਕੂਰ ਦੀ ਨਿਸ਼ਾਨੀ ਫੇਰ ਤਾਂ ਆਖੇ ਠੀਕ ਆ,
-
ਨਹੀਂ ਅਖੇ ਬਸ ਇਹ ਗਈ।
-
ਤਾਂ ਫਿਰ ਮੈਂ ਮੁੜ ਕੇ ਪੰਜ ਸੱਤ ਮਿੰਟ ਤਾ ਬੈਠੀ ਰਹੀ
-
ਜਦੋਂ ਆਏ ਜਿਹੇ ਹੋ ਕੇ।
-
ਫਿਰ ਮਗਰੋਂ ਮੈਨੂੰ ਕਹਿੰਦੇ ਕਿ ਅੱਖਾਂ ਖੋਲ,
-
ਮੈਂ ਸਾਹ ਜਿਹਾ ਲੈ ਕੇ ਮੁੜ ਕੇ ਅੱਖਾਂ ਖੋਲੀਆਂ
-
ਫੇਰ ਕਹਿੰਦੇ ਠੀਕ ਹੈ, ਫਿਰ ਮੈਨੂੰ ਛੱਡ ਤਾ।
-
ਉਦੋਂ ਬਾਅਦ ਜਦੋਂ ਤੀਜੇ ਦਿਨ ਸਾਨੂੰ
-
ਦੋ ਦੋ ਵਾਰੀ ਕੁੱਟਦੇ ਸੀ ਆਥਣ ਸਵੇਰ,
-
ਜਦੋਂ ਤੀਜੇ ਦਿਨ ਛੱਡਿਆ ਤੇ ਉਦੋਂ ਮੇਰੇ
-
ਕੰਨਾਂ ਵਿੱਚੋਂ ਖੂਨ ਨਿਕਲਦਾ ਸੀਗਾ।
-
ਮੁੱਲਾਪੁਰ ਡਾਕਟਰ ਕੋਲ ਗਏ ਕੰਨਾਂ ਵਾਲੇ ਕੋਲ
-
ਉਹ ਕਹਿੰਦਾ ਆਏ ਕਿਵੇਂ ਹੋਇਆ ਤੁਹਾਡੇ ਨਾਲ,
-
ਫਿਰ ਜਦੋਂ ਦੱਸਿਆ ਪੁਲਿਸ ਦੇ ਕੁੱਟੇ ਹੋਏ ਆ,
-
ਕਹਿੰਦੇ ਤੁਸੀਂ ਵੀ ਸਿੱਖ ਆ।
-
ਫਿਰ ਉਹ ਡਾਕਟਰ ਕਹਿੰਦਾ ਮੈਂ ਦਵਾਈ ਦੇਊਂਗਾ,
-
ਫਰੀ ਇਲਾਜ ਕਰੂੰਗਾ ਪੈਸਾ ਕੋਈ ਨਹੀਂ ਲੈਣਾ।
-
ਫਿਰ ਸਾਡੇ ਕੋਲੋ ਪੈਸਾ ਕੋਈ ਨਹੀਂ ਲਿਆ ਸੀ,
-
ਫਿਰ ਉਹਦੇ ਨਾਲ ਮੇਰੇ ਕੰਨ ਠੀਕ ਹੋ ਗਏ ਸੀਗੇ।
-
ਉਹ ਸਕੂਟਰ ਸਟਾਰਟ ਕਰਕੇ,
-
ਉਹਦੇ ਵਿੱਚ ਤਾਰਾਂ ਜਿਹੀਆਂ ਇੱਥੇ ਧੌਣ ਤੇ ਲਾਉਂਦੇ ਸੀ
-
ਫਿਰ ਕਹਿੰਦੇ ਸੀ ਪਾਣੀ ਦੀ ਬਾਲਟੀ ਸਿੱਟੋ,
-
ਇੱਥੇ ਹੱਥਾਂ ਤੇ ਲਾਉਂਦੇ ਸੀ ਗਲ ਤੇ ਏਥੇ।
-
ਆਈ ਜਾਣੀ ਤਕਲੀਫ ਜਿਹੀ ਹੁੰਦੀ ਸੀ,
-
ਜਿੱਦਾਂ ਮਾਸ ਖਿੱਚ ਹੋਈ ਜਾਂਦਾ, ਆਏ ਹੁੰਦਾ ਸੀ।
-
ਫੇਰ ਮੁੜ ਕੇ ਪਟੇ ਵੀ ਮਾਰੇ ਉਹਨਾਂ ਨੇ।
-
ਜਿਵੇ ਪੁਲਿਸ ਵਾਲੇ ਬੰਦਿਆਂ ਨੂੰ ਕੁੱਟਦੇ ਸੀ,
-
ਉਵੇਂ ਜਨਾਨੀਆਂ ਨੂੰ ਕੁੱਟਦੇ ਸੀ।
-
ਫਿਰ ਤਾਂ ਜਦੋਂ ਮੈਨੂੰ ਡੀਐਸਪੀ ਨੇ ਕਿਹਾ ਬੇਟਾ ਆਜਾ ਕਹਿੰਦਾ,
-
ਪਹਿਲਾ ਮੈਂ ਕਿਹਾ ਹੁਣ ਪਤਾ ਨਹੀਂ ਕਿਹੜਾ ਹੋਰ ਆ ਗਿਆ,
-
ਕੋਈ ਕੁਟਵਾਉਣ ਦੀ ਖਾਤਰ ਮੈਨੂੰ।
-
ਹੁਣ ਫਿਰ ਮੈਨੂੰ ਕੁੱਟਣ ਨੂੰ ਸੱਦਿਆ ਇਹਨਾਂ ਨੇ।
-
ਫਿਰ ਕਹਿੰਦਾ ਬੇਟਾ ਤੇਰੀ ਕੋਈ ਚੀਜ਼ ਤਾਂ ਨਹੀਂ ਸੀ ਕੋਈ
-
ਆਪਦੇ ਉੱਪਰ ਕੱਪੜਾ ਲੈਣ ਨੂੰ ਲਿਆਈ ਹੋਵੇ,
-
ਮੈਂ ਪੈਰਾਂ 'ਚ ਚੱਪਲੀਆਂ ਵੀ ਨਹੀਂ ਪਾਕੇ ਆਈ।
-
ਮੈਨੂੰ ਪਤਾ ਹੀ ਨਹੀਂ ਮੈਂ ਚੱਪਲੀਆਂ ਵੀ ਲੈ ਕੇ ਜਾਵਾਂ।
-
ਮੈਂ ਆਖਾ ਮੇਰੀਆਂ ਚੱਪਲੀਆਂ ਸੀਗੀਆਂ।
-
ਫਿਰ ਉਹ ਛਪੈਣਾ ਨੇ ਲਿਆਣ ਕੇ ਮੇਰੇ ਪੈਰਾਂ 'ਚ
-
ਚੱਪਲੀਆਂ ਪਾਈਆਂ
-
ਤਾਂ ਫਿਰ ਉਹਦੇ ਨਾਲ ਜਿਹੜੇ ਮੁੰਡੇ ਬਾਡੀਗਾਰਡ ਸੀ
-
ਡੀਐਸਪੀ ਦੇ,
-
ਉਹ ਜਾਣੀ ਉਹਨਾਂ ਨੂੰ ਗਾਲਾਂ ਕੱਢਣ ਲੱਗ ਗਏ
-
ਪੁਲਿਸ ਵਾਲਿਆਂ ਨੂੰ, ਕਹਿੰਦੇ ਕੀ ਕੱਢ ਲਿਆ
-
ਹੁਣ ਅਸੀਂ ਮਰੀ ਪਈ ਨੂੰ ਲੈ ਚੱਲੇ ਆ ਘਰ ਨੂੰ।
-
ਤੁਸੀਂ ਕੀ ਕੱਢ ਲਿਆ ਇਹਦੇ ਵਿੱਚੋਂ ਕੁਛ ਮਿਲਿਆ ਤੁਹਾਨੂੰ,
-
ਫਿਰ ਕੋਈ ਉਦੋਂ ਬੋਲਦਾ ਨਹੀਂ ਸੀਗਾ।
-
ਡੀਐਸਪੀ ਨੇ ਨੌਕਰੀ ਆਪਦੀ ਛੱਡਤੀ ਸੀ
-
ਰਿਟਾਇਰ ਹੋਣ ਤੋਂ ਪਹਿਲਾਂ ਕਹਿੰਦਾ ਮੈ
-
ਇਹਨਾਂ ਅੱਤਿਆਚਾਰ ਨਹੀਂ ਚੱਲਦਾ।
-
ਉਹਨਾਂ ਨੂੰ ਆਏ ਜਿਹੜੇ ਹੁਣ ਆਰਡਰ ਮਾਰਦੇ ਸੀਗੇ
-
ਕੇਪੀਐਸ ਗਿੱਲ ਹੋਣੀ, ਉਹਨਾਂ ਨੂੰ ਪਤਾ ਸੀ
-
ਅਸੀਂ ਇਹਨਾਂ ਲੋਕਾਂ ਨੂੰ ਕਿਉਂ ਤੰਗ ਕਰਦੇ ਆ ਆਪਦਿਆਂ ਨੂੰ,
-
ਫਿਰ ਇਹ ਕੀ ਕਰਨਗੇ ਇਹਨਾਂ ਦੇ ਅਗਾਂਹ,
-
ਹੁਣ ਸਾਡੇ ਜਵਾਕ ਪੁਲਿਸ ਵਾਲਿਆਂ ਨੂੰ ਚੰਗਾ ਥੋੜੋ ਸਮਝਦੇ ਆ।
-
ਲੋਕ ਤਾਂ ਹੁੱਬ ਕੇ ਕਹਿੰਦੇ ਕੁੜੀ ਮੈਂ ਲੱਖ
-
ਰੁਪਈਆ ਦੇ ਕੇ ਪੁਲਿਸ ਚ ਭਰਤੀ ਕਰਾਤੀ
-
ਸਾਨੂੰ ਤਾਂ ਗੁੱਸਾ ਆਉਂਦਾ ਪੁਲਿਸ ਵਾਲਿਆਂ ਤੇ ਹੁਣ ਵੀ।
-
ਜਿੰਨਾ ਚਿਰ ਜ਼ਿੰਦਗੀ ਰਹੂਗੀ
-
ਉਨਾ ਚਿਰ ਸਾਰਿਆਂ ਨੂੰ ਉਹਨਾਂ ਤੇ ਗੁੱਸਾ ਹੀ ਆਊਗਾ,
-
ਪੁਲਿਸ ਵਾਲੇ ਵੀ ਕੋਈ ਬੰਦੇ ਆ।
-
ਜਿਹੜਾ ਨਜਾਇਜ਼ ਲੋਕਾਂ ਨੂੰ ਘਰੇ ਬੈਠਿਆਂ ਨੂੰ
-
ਚੱਕ ਕੇ ਲਜਾ ਕੇ ਤੰਗ ਕਰਦੇ,
-
ਕੋਈ ਕਤਲ ਕੀਤਾ ਹੋਵੇ ਫਿਰ ਵੀ ਅਗਲਾ ਕਹਿ ਦਿੰਦਾ।
-
ਅਸੀਂ ਤਾਂ ਇਕ ਆਪਦਾ ਘਰ ਗਵਾ ਕੇ
-
ਜੇ ਦੁੱਧ ਪਾਉਂਦੇ ਸੀਗੇ 10-12 ਕਿਲੋ
-
ਉਦੋਂ ਸਾਡੇ ਪਸ਼ੂ ਜਿਆਦਾ ਹੁੰਦੇ ਸੀ ਤਾਂ
-
ਉਹਦੇ ਵਿੱਚੋਂ ਵੀ ਅਸੀਂ ਆਪਦਾ 4-5 ਕਿਲੋ ਹੀ ਪਾਉਂਦੇ ਸੀ,
-
ਪੰਜ ਛੇ ਕਿਲੋ ਉਹਨਾਂ ਨੂੰ ਪਿਲਾ ਦਿੰਦੇ ਸੀਗੇ।
-
ਆਏ ਤਾਂ ਦੱਸਦੇ ਕੁਝ ਨਹੀਂ ਸੀ
-
ਅਸੀਂ ਕਾਹਤੋਂ ਚੱਕ ਕੇ ਲੈ ਕੇ ਚੱਲੇ ਆ,
-
ਬਸ ਇੱਥੋਂ ਛੱਡ ਜਾਣਾ ਸੀ।
-
ਅਸੀਂ ਕਹਿੰਦੇ ਸੀ ਹਾਲੇ ਤਾਂ ਠੀਕ ਵੀ ਨਹੀਂ ਹੋਇਆ,
-
ਤੁਰ ਵੀ ਨਹੀਂ ਹੁੰਦਾ
-
ਕੋਈ ਨਹੀਂ ਅਸੀਂ ਗੱਡੀ ਚ ਲੈ ਕੇ ਜਾਣਾ ਇੱਥੋਂ ਛੱਡ ਦੇਣਾ।
-
ਫਿਰ ਮਗਰੋਂ ਜਦੋਂ ਕਿਸੇ ਸਰਪੰਚ ਨੇ ਆਣ ਕੇ ਹੋ ਜਾਣਾ ਕੋਲੇ
-
ਕਿੱਥੇ ਲੈ ਕੇ ਚੱਲੇ ਆ
-
ਤਾ ਫਿਰ ਕਹਿਣਾ ਅਸੀਂ ਲੁਧਿਆਣੇ ਲੈ ਕੇ ਚੱਲੇ ਆ
-
ਉਹਨੂੰ ਦੱਸ ਦੇਣਾ ਅਸੀਂ ਲੁਧਿਆਣੇ ਜਾਂ ਜਗਰਾਉਂ
-
ਟਾਫ 'ਚ ਲੈ ਚੱਲੇ ਆ।
-
ਫਿਰ ਸਾਨੂੰ ਲਾਸ਼ ਵੀ ਨਹੀਂ ਦਿੱਤੀ।
-
ਅਖਬਾਰ ਤੇ ਅਣਪਛਾਤੇ ਇੱਕ ਮੁੰਡੇ ਦਾ ਨਾਮ ਲਿਖਿਆ
-
ਅਵਤਾਰ ਸਿੰਘ ਉਹਤੋਂ ਪਛਾਣਿਆ ਇੱਕ ਕੋਠਿਆਂ ਦਾ ਸੀ।
-
ਉਦੋਂ ਉਹ ਵੀ ਮੇਰੇ ਸਾਹਮਣੇ ਕੁੱਟਿਆ ਕਰਕੇ।
-
ਉਦੋਂ ਤਾਂ ਮੈਨੂੰ ਕੁਝ ਨਹੀਂ ਕਿਹਾ,
-
ਮੈਨੂੰ ਸਾਲ ਬਾਅਦ ਫਿਰ ਜਿਆਦਾ ਕੁੱਟਿਆ
-
ਉਦੋਂ ਤਾਂ ਮਾੜਾ ਮੋਟਾ ਹੀ।
-
ਸਾਲ ਬਾਅਦ ਇੱਥੇ ਕੀ ਸੀਗਾ ਸਾਡੇ ਕੋਲੇ,
-
ਜਿਹਦੀ ਕੋਈ ਜਾਣ ਪਛਾਣ ਮਤਲਬ ਹੋਊ ਉਨਾਂ ਦੇ ਨਾਲ,
-
ਉਹਨੂੰ ਤਾਂ ਤੁਸੀਂ ਪਹਿਲਾਂ ਹੀ ਖਤਮ ਕਰਤਾ
-
ਸਾਲ ਬਾਅਦ ਫਿਰ ਮੈਂ ਕੀ ਕਰਦੀ ਸੀ,
-
ਮੈਨੂੰ ਕਾਹਤੋਂ ਕੁੱਟਿਆ ਉਹਨਾਂ ਨੇ।
-
ਏਨਾ ਨਹੀਂ ਨਾ ਸੁਣਦੇ ਹੈਗੇ।
-
ਸਾਨੂੰ ਕਿਹੜਾ ਹੁਣ ਪੁਲਿਸ ਵਾਲਿਆਂ ਦਾ ਸੀ,
-
ਕੀ ਕਰਨਾ ਤੁਹਾਨੂੰ ਹੁਣ ਲਜਾ ਕੇ ਕੁੱਟਣਾ ਜਾ
-
ਬਿਠਾਉਣਾ ਲਿਜਾ ਕੇ।
-
ਇਹ ਹੋ ਸਕਦਾ ਮਾਰ ਵੀ ਦਿੰਦੇ।
-
ਕਹਿੰਦੇ ਸੀਗੇ, ਫਲਾਣੇ ਕੋਲੇ ਉਹ ਸਵਰਨ ਸਿੰਘ ਸੀਗਾ
-
ਇੱਥੇ ਐਸਐਸਪੀ ਉਹਦੇ ਭਾਣਜੇ ਨੂੰ ਜਾਣਦੇ ਆ,
-
ਉਹ ਬਹੁਤ ਅੜਬ ਆ
-
ਉਹਦੇ ਕੋਲੇ ਅਸੀਂ ਤੁਹਾਨੂੰ ਛੱਡ ਦੇਣਾ
-
ਉਹ ਮਿਰਚਾਂ ਵਾਲੀ ਬੋਰੀ 'ਚ ਮੂੰਹ ਪਵਾ ਕੇ ਕੁੱਟਦੇ ਆ।
-
ਉਹਦੇ ਸਾਹਮਣੇ ਅਸੀਂ ਕੁਝ ਕਹਿ ਵੀ ਨਹੀਂ ਸੀ ਸਕਦੇ।
-
ਸਾਨੂੰ ਨਾ ਉੱਥੇ ਲੈ ਕੇ ਜਾਇਓ ਜਾਂ ਨਾ ਕੁੱਟੋ।
-
ਲੈ ਜਾਓ ਵੀਰ ਜੀ ਲੈ ਜਾਓ ਜਿੱਥੇ ਮਰਜ਼ੀ ਲੈ ਜਾਓ
-
ਹੁਣ ਤੁਹਾਡੇ ਵੱਸ ਵਿੱਚ ਆ ਅਸੀਂ ਤਾਂ।
-
ਉੱਥੇ ਵੜਦਿਆਂ ਜਦੋਂ ਸਟਾਫ ਵਿੱਚ ਆਏ ਸੀ,
-
ਹੁਣ ਮੈਨੂੰ ਨਹੀਂ ਇਹਨਾਂ ਨੇ ਜੀਹਂਦੀ ਬਾਹਰ ਕੱਢਣਾ।
-
ਕਹਿੰਦੇ ਸੀ ਤੇਰੇ ਜਵਾਕਾਂ ਦਾ,
-
ਮੈਂ ਕਿਹਾ ਆਪੇ ਪਰਮਾਤਮਾ,
-
ਅੱਗੇ ਅਸੀਂ ਕੀ ਕਰ ਲਿਆ
-
ਹੁਣ ਸਾਲ ਬਾਅਦ ਤੁਸੀਂ ਮੈਨੂੰ ਮਾਰ ਦੇਵੋਗੇ
-
ਮੈਂ ਕੀ ਕਰਲੂਗੀ।
-
ਮੈਂ ਉਹਨਾਂ ਕੋਲ ਰਹਿ ਕੇ ਵੀ ਕੀ ਕਰਲੂਗੀ।
-
ਆਪੇ ਜਿਹਨੇ ਚੁੰਝ ਲਾਈ ਆ
-
ਆਪੇ ਹੀ ਦਊ ਉਹਨਾਂ ਨੂੰ ਖਾਣ ਨੂੰ।
