Là de la Luminosa - 4 generazioni, una storia
Enrico Bianco, Flavio Furian, Maxino e Amber

Grazie a Belletti Group e al Comune di Trieste
al inBUSclub e a Gap Pubblicità e a tutti i presenti il giorno della presentazione ufficiale

Musica, audio mixaggio e montaggio - Maxino
Riprese Maxino e Gioele Cernecca Sfetez
Imjustamber

Là de la Luminosa
(Bianco, Furian, Cernecca, Giurco)

Ierimo giovini e bei
co se trovavimo la
no iera bori però
iera tanti cavei, iera la libertà

La luminosa impizada
fazeva sto gran figuron
la te mostrava la strada
ogni volta che ti te fracavi el boton

a barcola in tram poi chitarre e Battisti
e mi dal vinile tiravo zo i testi
dir parolaze, un segreto un difeto
de un tempo sai bel per noi iera quasi perfeto

Su e zo pel Viale a far vasche
Ierimo in tanti ma tanti
poche le lire in scarsela
ma piene de sogni, de sogni giganti

Un zio dall’Australia che ciama
De Falco dal Grezar che segna
Un vecio che ziga «va in mona»
A un mulo su un FiFty per strada che impena

In cassetta i Duran i Spandau anche Eros
In fila al’Excelsior per veder Et
Sui piedi sburtavimo i nostri Camperos
Le coppe de mercoledì

quanta vita in sto tempo che svola
ma indrio me rivedo, son mi ancora la
a spetarla col mio cuor in gola
Chissà se la riva o no la riverà?
Chissà

per vederla inventar una scusa
là de la Luminosa
chissà se un giorno sarà mia morosa?
là de la Luminosa

In giro in cità coi amici
Po coro, i me speta per zena
Saltar sora el Ciao che xe suto
E allora lo sburto e pedalerò in piena

el Festivalbar co xe caldo
le mule che leggi el Cioè
Reppar come matti la sigla
della maxi-storia de Willy a Belaire

xe i 883 e xe i cd de Bon Jovi
xe Beverly Hills e xe Non è la Rai
Xe Matrix Jumanji all’Alcione e se piovi
xe Guybrush o Quake, Prince of Persia o Game Boy

quanta vita in sto tempo che svola
ma indrio rivedo, son mi ancora la
a spetarla col mio cuor in gola
Chissà se la riva o no la riverà?
Chissà?

per trovarse inventar una scusa
là de la Luminosa
chissà se un giorno sarà mia morosa?
là de la Luminosa

Gavevimo scrito sul gruppo
“Puntuali la dela fontana”
Ma vedo la tua posizion e la Luminosa xe poco lontana

con za Spotify nelle orece
Ed Sheran i Dragons e Adele
Parlando de i muli e de scola
spetar che me passi a cior mama ale 6

Coi truchi compradi me son fata bela
la foto con Retrica dopo la scola
La carigo e penso «me meterà like?»
chissà se el me scriverà mai?

Quanta vita in sto tempo che svola
Ma indrio me rivedo, son mi ancora la
E spetarla col mio cuor in gola
Chissà se lui riva o se no’l riverà?
Chissà?

Per trovarse inventar una scusa
Là de la Luminosa
chissà se un giorno sarò sua morosa?
Là de la Luminosa