-
ਮੇਰਾ ਨਾਮ ਜਸਵੰਤ ਸਿੰਘ
-
ਪਿੰਡ ਗਿਦਰੀ, ਤਹਿਸੀਲ ਪੈਲ,
-
ਜ਼ਿਲ੍ਹਾ ਲੁਧਿਆਣਾ।
-
ਮੇਰੇ ਪਿਤਾ ਦਾ ਨਾਮ ਸਰਦਾਰ ਉਜਾਗਰ ਸਿੰਘ।
-
ਮੇਰਾ ਭਰਾ ਅਵਤਾਰ ਸਿੰਘ ਸੀਗਾ,
-
ਸੰਘਰਸ਼ ਦੇ ਵਿੱਚ ਪੁਲਿਸ ਫੜ੍ਹਦੀ ਰਹੀ।
-
ਪਹਿਲਾਂ ਕਈ ਵਾਰੀ ਫੜ੍ਹਿਆ, ਫਿਰ ਜੇਲ੍ਹ ਭੇਜ ਦਿੱਤਾ।
-
ਜਦੋਂ ਗੋਲੀ ਲੱਗੀ ਸੀ ਮੁਕਾਬਲੇ ਦੇ ਵਿੱਚ,
-
ਫਿਰ ਅਸੀਂ ਪੇਸ਼ ਕਰਾ ਦਿੱਤਾ।
-
ਪ੍ਰਸ਼ੋਤਮ ਸੀਗਾ, ਪ੍ਰਸ਼ੋਤਮ ਦੇ ਪੇਸ਼ ਕਰਾਇਆ,
-
ਤਿੰਨ ਸਾਲ ਨਾਭੇ ਰਿਹਾ।
-
ਨਾਭੇ ਰਹਿਣ ਤੋਂ ਬਾਅਦ ਜ਼ਮਾਨਤ ਕਰਾ ਕੇ ਪਿੰਡ ਆ ਗਿਆ।
-
ਪਿੰਡ ਇਹ ਛੇ ਕੁ ਮਹੀਨੇ ਰਿਹਾ।
-
ਏਥੇ ਇਹ ਆਪਣੇ ਦੋਸਤਾਂ ਨੂੰ ਮਿਲਦਾ-ਮੁਲਦਾ ਰਿਹਾ,
-
ਜਿਹੜੇ ਜੇਲ੍ਹ 'ਚੋਂ ਬਾਹਰ ਆਏ ਸੀ।
-
ਸਾਨੂੰ ਤਾਂ ਉਦਣ ਹੀ ਪਤਾ ਲੱਗਿਆ।
-
ਸਾਨੂੰ ਵੀ ਫੜ੍ਹ ਲੈਂਦੇ ਸੀ।
-
ਕਦੇ ਭੱਜ ਜਾਂਦਾ ਸੀ,
-
ਕਦੇ ਸਾਹਨੇਵਾਲ ਲੈ ਜਾਂਦੇ ਸੀ,
-
ਖੰਨੇਵਾਲ ਵੀ ਲੈ ਜਾਂਦੇ ਸੀ, ਕਦੇ ਲੁਧਿਆਣੇ ਡੇਲੂ-ਡੁੱਲੂ ।
-
ਜਦੋਂ ਇੱਥੋਂ ਪਿੰਡੋਂ ਫੜ੍ਹਨ ਆਏ ਉਹਨੂੰ ਅੱਠ ਕੁ ਵਜੇ
-
ਪਟਿਆਲੇ ਸਟਾਫ਼ ਵਾਲੇ,
-
ਉਦੋਂ ਸੰਤ ਕੁਮਾਰ, ਬਲਦੇਵ ਸਿੰਘ ਬਰਾੜ ਦੀ
-
ਡਿਊਟੀ ਸੀ ਪੈਲ 'ਚ ਆਪਣੇ।
-
ਇਹ ਦੋਨੋਂ ਜਣੇ ਫੜ੍ਹਨ ਆਏ ਸੀ।
-
ਇਹ ਭੱਜ ਲਿਆ ਇਹਨਾਂ ਮੂਹਰੇ।
-
ਜਦੋਂ ਪਤਾ ਲੱਗਿਆ ਇਹ ਪੁਲਿਸ ਵਾਲੇ
-
ਸਿਵਲ ਵਰਦੀ ਵਿੱਚ।
-
ਫੇਰ ਸਾਡੇ ਗੁਆਂਢ ਕੋਠੀ ਆ,
-
ਭੱਜੇ-ਭੱਜੇ ਜਾਂਦੇ ਛਾਲ ਮਾਰੀ ਕੋਠੇ ਤੋਂ,
-
ਉਹਦਾ ਪੈਰ ਲੱਗਿਆ ਕਿੱਲੇ 'ਤੇ।
-
ਉੱਥੋਂ ਤਾਂ ਇਹ ਤੁਰ ਗਿਆ ਅਗਾਂਹ।
-
ਕੰਧ ਟੱਪਣ ਲੱਗਿਆ, ਉੱਥੇ ਬੇਰੀ ਸੀਗੀ,
-
ਗੁਆਂਢੀ ਦੱਸਦੇ ਸੀ, ਮੈਨੂੰ ਤਾ ਆਪ ਫੜ੍ਹ ਲਿਆ ਪੁਲਿਸ ਨੇ।
-
ਉਹਦੀ ਬੇਰੀ ਵਿੱਚ ਪੱਗ ਫਸ ਗਈ।
-
ਉਹਦੇ ਵਾਲ ਫੜ੍ਹਕੇ,
-
ਬਾਹਾਂ ਬੰਨ੍ਹ ਕੇ, ਇੱਥੇ ਵੀ ਬਹੁਤ ਕੁੱਟਿਆ ਢਾਹ ਕੇ
-
ਲੱਤਾਂ-ਲੁੱਤਾਂ ਮਾਰੀਆਂ ਢਿੱਡ 'ਚ।
-
ਫੇਰ ਅਸੀਂ ਸਵੇਰੇ ਗੁਆਂਢ ਪਿੰਡ ਦੇ ਬੰਦੇ ਲੈ ਕੇ ਗਏ ਪੈਲ।
-
ਸਾਨੂੰ ਮਿਲਣ ਤਾਂ ਦਿੱਤਾ ਨਹੀਂ।
-
ਬਰਾੜ ਸੀਗਾ ਉੱਥੇ,
-
ਕਹਿੰਦਾ, ਕੋਈ ਨਹੀਂ ਪੁੱਛਗਿੱਛ ਕਰਨੀ ਆ।
-
ਪੁਲਿਸ ਵਾਲੇ ਨੇ ਦੱਸਿਆ ਕਿ ਪੁੱਠਾ ਲਟਕਾਇਆ,
-
ਚੱਡੇ-ਚੁੱਡੇ ਪਾੜ ਦਿੱਤੇ।
-
ਦੋ-ਤਿੰਨ ਘੰਟੇ ਪੈਲ ਵੀ ਰੱਖਿਆ,
-
ਫਿਰ ਪਟਿਆਲੇ ਲੈ ਗਏ।
-
ਬਰਾੜ ਨਾਲ ਆਇਆ।
-
ਸੰਤ ਕੁਮਾਰ ਵੀ ਨਾਲ ਆਇਆ ਸੀ,
-
ਸੀ.ਏ. ਸਟਾਫ਼ ਪਟਿਆਲਾ ਤੋਂ।
-
ਉੱਥੋਂ ਇੱਕ ਮੁੰਡੇ ਦਾ ਨਾਮ ਲੈ ਦਿੱਤਾ,
-
ਕੁਲਵਿੰਦਰ ਸਿੰਘ, ਪਿੰਕੀ ਨਾਉਂ ਸੀ ਉਹਦਾ।
-
ਪੁਲਿਸ ਦਾ ਟਾਊਟ,
-
ਸਾਨੂੰ ਬਾਅਦ ਵਿੱਚ ਪਤਾ ਲੱਗਿਆ ਕਿ
-
ਉਹਨੂੰ ਪੁਲਿਸ ਨੇ ਟਾਊਟ ਦੀ ਨੌਕਰੀ ਦਿੱਤੀ ਸੀ।
-
ਸਾਨੂੰ ਸੁਨੇਹਾ ਨਹੀਂ ਮਿਲਿਆ ਉਸ ਤੋਂ ਬਾਅਦ।
-
ਸੈਣੀ ਦਾ ਕੇਸ ਵੀ ਸੀ,
-
ਸੁਮੈਦ ਸਿੰਘ ਸੈਣੀ ਐਸ.ਐਸ.ਪੀ. ਸੀ ਲੁਧਿਆਣੇ।
-
ਉਸ ਤੋਂ ਬਾਅਦ ਨੌ ਬੰਦੇ ਮਰ ਗਏ ਸੀ ਪੁਲਿਸ ਦੇ।
-
ਚੰਡੀਗੜ੍ਹ ਧਮਾਕਾ ਹੋਇਆ ਸੀ,
-
ਉਹਦੇ 'ਚ ਇਹਦਾ ਨਾਮ ਆਇਆ ਸੀ।
-
ਇੱਕ ਹੋਰ ਮੁੰਡੇ ਦਾ ਨਾਮ ਆਇਆ ਸੀ ਸਾਡੇ ਬੁਰਜੀਓਂ।
-
ਇੱਕ ਦਰਸ਼ਨ ਸਿੰਘ ਹੁੰਦਾ ਸੀ ਡੇਲ੍ਹੋਂ,
-
ਉਹਨੇ ਬਹੁਤ ਮੁੰਡੇ ਮਾਰੇ।
-
ਉਹਨੇ ਸਾਨੂੰ ਮਿਲਣ ਨਹੀਂ ਦਿੱਤਾ, ਪੰਚਾਇਤ ਨੂੰ।
-
ਉਸ ਤੋਂ ਬਾਅਦ ਉਹਨਾਂ ਨੇ ਝੂਠਾ ਮੁਕਾਬਲਾ ਬਣਾ ਦਿੱਤਾ।
-
ਸਾਨੂੰ ਨਹੀਂ ਦੱਸਿਆ ਕਿ ਹੈਗਾ ਵੀ ਕਿ ਨਹੀਂ।
-
ਸਾਨੂੰ ਵੀ ਫੜ੍ਹ ਲਿਆ ਸੀ ਪੁਲਿਸ ਨੇ।
-
ਪ੍ਰਾਇਮਰੀ ਦੀ ਪੜ੍ਹਾਈ ਉਹਨਾਂ ਦੀ ਇੱਥੇ ਪਿੰਡੋਂ,
-
ਦਸਵੀਂ ਬਿਲਾਸਪੁਰ ਤੋਂ।
-
ਦਸਵੀਂ ਤੋਂ ਬਾਅਦ ਉਹਨਾਂ ਨੇ ਡਰਾਈ ਕਾਲਜ
-
ਗੁਰੂ ਨਾਨਕ ਨਗਰ ਤੋਂ ਪਲੱਸ ਟੂ ਕੀਤੀ।
-
ਫਿਰ ਖਾਲਸਾ ਕਾਲਜ ਲੁਧਿਆਣੇ ਪੜ੍ਹਨ ਲੱਗ ਗਏ।
-
ਉੱਥੋਂ ਉਹਨਾਂ ਨੇ ਬੀ.ਏ. ਕੀਤੀ।
-
ਉੱਥੋਂ ਹੀ ਉਹਨੂੰ ਪੁਲਿਸ ਨੇ ਫੜ੍ਹ ਲਿਆ ਸੀ।
-
ਜਦੋਂ ਤਿੰਨ ਸਾਲ ਨਾਭੇ ਰਹਿ ਕੇ ਆਇਆ,
-
ਫਿਰ ਅੰਦਰ ਰਹਿ ਕੇ ਇਹਨੇ ਗਿਆਨੀ ਕੀਤੀ।
-
ਫਿਰ ਇਹ ਪਟਿਆਲੇ ਯੂਨੀਵਰਸਿਟੀ ਵੀ ਰਿਹਾ।
-
ਉੱਥੇ ਪ੍ਰਾਈਵੇਟ ਨੌਕਰੀ ਕਰਨ ਲੱਗ ਗਿਆ।
-
ਬਚਪਨ ਵਿੱਚ ਹਾਕੀ ਖੇਡਦਾ ਸੀ, ਚੰਗਾ ਸੀ,
-
ਅਣਖੀਲੇ ਸੁਭਾਅ ਦਾ ਸੀ, ਨਾ ਗਲਤ ਕਹਿੰਦਾ ਸੀ ਕਿਸੇ ਨੂੰ।
-
ਪਿੰਡ ਵਿੱਚ ਸਾਰੇ ਸਤਿਕਾਰ ਕਰਦੇ ਸੀ।
-
ਇੱਕ ਟਾਈਮ ਇਹੋ ਜਿਹਾ ਵੀ ਆ ਗਿਆ ਸੀ ਕਿ
-
ਪਿੰਡ ਵਾਲੇ ਸਰਵ ਸੰਮਤੀ ਨਾਲ ਸਰਪੰਚ ਬਣਾਉਣ ਲੱਗੇ ਸੀ।
-
ਫੜਨ ਤੋਂ ਪਹਿਲਾ
-
ਪਿੰਡ ਵਾਲੇ ਕਹਿੰਦੇ ਤੂੰ ਸਰਪੰਚ ਬਣ।
-
ਨਾ ਕਿਸੇ ਦੀ ਮਾੜੀ ਕਰਦਾ ਸੀ,
-
ਭਲਾ ਹੀ ਕਰਦਾ ਸੀ।
-
ਗਰੀਬ-ਗੁਰਬਿਆਂ ਦੇ ਹੱਕ ਵਿੱਚ ਬਹੁਤ ਸੀ।
-
ਦੋਸਤਾਂ ਨਾਲ ਖੁਸ਼ ਰਹਿੰਦਾ ਸੀ।
-
ਚੰਗੇ-ਚੰਗੇ ਦੋਸਤ ਸੀ।
-
ਚੰਗੇ-ਚੰਗੇ ਲੀਡਰਾਂ ਨਾਲ ਬਹੁਤ ਜਾਣ ਪਛਾਣ ਸੀ।
-
ਜਾਣ ਪਛਾਣ ਤਾਂ ਹੀ ਸੀ ਕਿਉਂਕਿ ਸਾਰੇ ਚੰਗਾ ਸਮਝਦੇ ਸੀ।
-
ਖੇਤੀਬਾੜੀ ਵੀ ਕਰਦੇ ਰਹੇ,
-
ਪੜ੍ਹ ਕੇ ਖੇਤੀ ਵੀ ਕਰਦੇ ਸੀਗੇ।
-
ਹਾਸੇ ਮਜ਼ਾਕ ਵਾਲਾ ਸੁਭਾਅ ਸੀਗਾ,
-
ਟਿੱਚਰ ਕਰਦੇ ਸੀਗੇ।
-
ਮਨ 'ਚ ਕੋਈ ਗੱਲ ਨਹੀਂ ਰੱਖਦੇ ਸੀਗੇ।
-
ਜੇ ਕੋਈ ਗੱਲ ਕਹਿੰਦਾ ਸੀਗਾ, ਭੁਲਾ ਦਿੰਦੇ ਸੀਗੇ।
-
ਜਦੋਂ ਅਟੈਕ ਹੋਇਆ ਦਰਬਾਰ ਸਾਹਿਬ 'ਤੇ,
-
ਉਦੋਂ ਸਾਡੇ ਰਿਸ਼ਤੇਦਾਰ ਵੀ ਕਹਿੰਦੇ ਸੀਗੇ
-
ਇਸ ਨਾਲੋਂ ਤਾਂ ਟੈਰੋਰਿਸਟ ਬਣ ਜਾਓ,
-
ਗੌਰਮਿੰਟ ਧੱਕਾ ਕਰਦੀ ਆ।
-
ਬਾਹਰ ਇਹ ਵਿੱਚੇ-ਵਿੱਚੇ ਕਹਿਣ ਲੱਗ ਪਿਆ ਸੀ।
-
ਕੋਈ ਫਾਇਦਾ ਨਹੀਂ ਰਿਹਾ ਹਿੰਦੋਸਤਾਨ 'ਚ।
-
ਪੰਜਾਬ ਪੁਲਿਸ ਵਿੱਚ ਭਰਤੀ ਹੋ ਗਿਆ ਸੀ।
-
ਜਦੋਂ 82 'ਚ ਸੀ.ਆਰ.ਪੀ. ਲੱਗੀ ਇੱਥੇ,
-
ਸਾਰੀ ਡਾਕਟਰੀ ਹੋ ਗਈ ਸੀ।
-
ਫੇਰ 82 'ਚ ਪੰਜਾਬ ਪੁਲਿਸ ਦੀ ਭਰਤੀ ਰੋਕ 'ਤੀ ਸੀ।
-
ਡਾਕਟਰੀ ਹੋ ਗਈ ਸੀ ਸਾਰੀ, ਬੱਸ ਨੰਬਰ ਨਹੀਂ ਦਿੱਤੇ ਸੀ।
-
ਜਦੋ ਦਰਬਾਰਾ ਸਿੰਘ ਦੀ ਸਰਕਾਰ ਸੀ
-
ਫੇਰ ਸਾਡੇ ਇੱਕ ਮਾਮਾ ਜੀ ਚੰਡੀਗੜ੍ਹ,
-
ਉਹ ਕਹਿੰਦੇ ਇਹਨੂੰ ਨੌਕਰੀ ਦਵਾ ਦਿੰਨੇ ਆਂ।
-
ਕਹਿ-ਕੁਹਾ ਕੇ ਇਹ ਕਹਿੰਦਾ, ਨਹੀਂ,
-
ਇਸ ਗੌਰਮਿੰਟ ਦੀ ਨੌਕਰੀ ਨਹੀਂ ਕਰਨੀ।
-
ਸਾਡੇ ਨਾਲ ਏਨਾ ਧੱਕਾ ਹੋਇਆ ਹੈ ।
-
ਕਿਸ ਖਾਤਿਰ ਨੌਕਰੀ ਕਰੀਏ ਇਹਨਾਂ ਦੀ
-
ਕਹਿੰਦਾ, ਮੈਂ ਟੈਰੋਰਿਸਟ ਬਣ ਜਾਣਾ ਹੈ,
-
ਰਹਿਣਾ ਨਹੀਂ ਘਰੇ।
-
ਸਾਡੇ ਮਾਤਾ ਜੀ ਕਹਿੰਦੇ,
-
ਇਹ ਕੰਮ ਨਾ ਕਰੀਂ ਤੂੰ ਵੱਡਾ ਸਾਰਿਆਂ ਤੋਂ,
-
ਇਹ ਕੰਮ ਨਾ ਕਰੀਂ ਤੂੰ।
-
ਫੇਰ ਗੁਪਤ-ਗੁਪਤ ਮੁੰਡੇ ਆਉਂਦੇ ਰਹੇ।
-
ਸਾਨੂੰ ਤਾਂ ਉਦੋਂ ਪਤਾ ਲੱਗਿਆ ਜਦੋਂ ਸਾਨੂੰ
-
ਦੌਰਾਹਾ ਪੁਲਿਸ ਫੜ੍ਹ ਕੇ ਲੈ ਗਈ,
-
ਮੈਨੂੰ, ਮੇਰੇ ਭਰਾ ਨੂੰ, ਮੇਰੇ ਪਿਤਾ ਜੀ ਨੂੰ।
-
ਪੁਲਿਸ ਵਾਲੇ ਕਹਿੰਦੇ, ਡੋਡੇ ਵੇਚਦਾ ਤੁਹਾਡਾ
-
ਉਦੋਂ ਇਹਦੇ ਕੋਲ ਟਰੱਕ ਹੁੰਦਾ ਸੀ।
-
ਪੰਚਾਇਤ ਵਾਲੇ ਵੀ ਕਹਿੰਦੇ, ਇਹੋ ਜਿਹੀ ਗੱਲ ਨਹੀਂ ਹੋ ਸਕਦੀ
-
ਅਸੀਂ ਜਾਣਦੇ ਹਾਂ ਇਸ ਪਰਿਵਾਰ ਨੂੰ।
-
ਜਦ ਇਹ ਖਾਂਦੇ ਨਹੀਂ, ਵੇਚਦੇ ਕਿੱਥੋਂ ਹੋਣਗੇ
-
ਉਹ ਕਹਿੰਦੇ ਸੀ ਪੇਸ਼-ਪੂਸ਼ ਕਰਾ ਦੇਣਗੇ,
-
ਪਰ ਉਹ ਪੇਸ਼ ਨਹੀਂ ਹੋਇਆ 10-12 ਦਿਨ।
-
ਫੇਰ ਮੁਕਾਬਲਾ ਹੋਇਆ ਲੁਧਿਆਣੇ,
-
ਇਹਦੇ ਦਿਲ 'ਚ ਗੋਲੀ ਲੱਗੀ।
-
ਮੁੰਡੇ ਕਹਿੰਦੇ, ਤੂੰ ਬਚਣਾ ਨਹੀਂ ਹੁਣ।
-
ਉਹ ਕਹਿੰਦਾ, ਨਹੀਂ, ਮੈਂ ਕਾਇਮ ਆਂ।
-
ਤੁਸੀਂ ਮੈਨੂੰ ਲੈ ਚੱਲੋ, ਮੈਂ ਠੀਕ ਹਾਂ।
-
ਫੇਰ ਅਸੀਂ ਗੁਪਤ ਇਲਾਜ ਕਰਵਾਇਆ ।
-
ਸਾਨੂੰ ਮੁੰਡਿਆਂ ਨੇ ਦੱਸਿਆ ਸੀ ਕਿ ਆਹ ਕੰਮ ਹੋ ਗਿਆ ਸੀ।
-
ਅਸੀਂ ਗੁਪਤ ਰੱਖਿਆ ਹੋਇਆ ਹੈ।
-
ਅਸੀਂ ਸਾਰਿਆਂ ਨੇ ਕਿਹਾ ਕਿ ਤੂੰ
-
ਕਿਉਂ ਕੰਮ ਕਰਦਾ ਇਹੋ ਜਿਹੇ
-
ਡੈਡੀ ਜੀ ਨੇ ਕਿਹਾ ਕਿ ਤੂੰ ਪੇਸ਼ ਹੋਜਾ
-
ਉਦੋਂ ਬਰਨਾਲਾ ਸਰਕਾਰ ਹੁੰਦੀ ਸੀ।
-
ਕਮਲਜੀਤ ਸਿੰਘ ਮੰਤਰੀ ਸੀ।
-
ਸਾਡੀ ਇੱਕ ਭੈਣ ਸੀ ਰਿਸ਼ਤੇਦਾਰਾਂ 'ਚੋਂ,
-
ਉਹ ਉਹਨਾਂ ਦੇ ਨਾਲ ਸੀ।
-
ਉਦੋਂ ਉਹਨਾਂ ਦੇ ਕਹਿਣ 'ਤੇ,
-
ਪੇਸ਼ ਕਰਾਤਾ ਸੀ ਪ੍ਰਸ਼ੋਤਮ ਦੇ ਪੈਲ।
-
ਦੋ ਸਾਲ ਉੱਥੇ ਰੱਖਿਆ।
-
ਫੇਰ ਜ਼ਮਾਨਤ ਕਰਵਾਈ।
-
ਫੇਰ ਮੋਰਿੰਡੇ ਵਾਲੇ ਲੈ ਗਏ,
-
ਕੋਈ ਮੋਰਿੰਡੇ ਕੇਸ ਸੀ
-
ਉਹਨਾਂ ਫੇਰ ਨਾਭੇ ਭੇਜ ਦਿੱਤਾ।
-
ਫੇਰ ਅਸੀਂ ਜ਼ਮਾਨਤ ਕਰਾਈ ਤਿੰਨ ਸਾਲ ਬਾਅਦ।
-
ਫਿਰ ਖੇਤੀ ਕੀਤੀ, ਨੌਕਰੀ ਵੀ ਕੀਤੀ ਪਟਿਆਲੇ।
-
ਫੇਰ ਭੰਗੂ-ਭੰਗੂ ਸੀ ਕੋਈ,
-
ਉਹ ਲੈ ਗਿਆ, ਕਹਿੰਦਾ, ਨੌਕਰੀ ਕਰ ਮੇਰੇ ਨਾਲ।
-
ਫੇਰ ਜਦੋਂ ਪਤਾ ਲੱਗਿਆ,
-
ਪੁਲਿਸ ਵਾਲੇ ਕਹਿੰਦੇ, ਪੇਸ਼ ਕਰਾਓ।
-
ਸਾਨੂੰ ਫੜ੍ਹ ਕੇ ਲੈ ਗਏ।
-
ਕੋਈ ਐਸਾ ਥਾਣਾ ਨਹੀਂ ਪੈਲ 'ਚ
-
ਜਿਹੜਾ ਅਸੀਂ ਨਾ ਦੇਖਿਆ ਹੋਵੇ।
-
ਸਾਡੇ ਪਿਤਾ ਦੀ ਬਹੁਤ ਬੇਇੱਜ਼ਤੀ ਕੀਤੀ।
-
ਉਹ ਫੌਜ 'ਚੋਂ ਆਏ ਸੀ।
-
ਦਾੜ੍ਹੀ ਪੱਟਦੇ ਸੀ, ਪਟੇ ਮਾਰਦੇ ਸੀ,
-
ਗਾਲ੍ਹਾਂ ਕੱਢਦੇ ਸੀ।
-
ਪੈਲ ਦੇ ਜਿਹੜੇ ਸੀ ਅਸੀਂ ਨਾਮ ਵੀ ਲੈਂਦੇ ਹਾਂ
-
ਜਿਨ੍ਹਾਂ ਜਿੰਨ੍ਹਾਂ ਨੇ ਕੀਤਾ
-
ਸਾਨੂੰ ਸਾਹਨੇਵਾਲ ਰੱਖਿਆ।, ਮੇਰੇ ਚੱਡੇ ਪਾੜ ਦਿੱਤੇ।
-
ਪੁੱਠਾ ਲਟਕਾ ਦਿੰਦੇ ਸੀ, ਬੰਨ੍ਹ ਦਿੰਦੇ ਸੀ।
-
ਸੌਣ ਨਹੀਂ ਦਿੰਦੇ ਸੀ।
-
ਯਾਨੀ ਬਹੁਤ ਤਸ਼ੱਦਦ ਕਰਦੇ ਸੀ।
-
ਫੇਰ ਮਨਮੋਹਨ ਸਿੰਘ ਡਿਪਟੀ ਸੀ,
-
ਉਹਨਾਂ ਨੇ ਪਿੰਡ ਨੂੰ ਘੇਰਾ ਪਾ ਲਿਆ।
-
ਮੈਨੂੰ ਬਹੁਤ ਕੁੱਟਿਆ।
-
ਮੇਰੇ ਪਿੰਡ ਦੇ ਇੱਕ ਹੋਰ ਮੁੰਡੇ ਨੂੰ ਵੀ ਕੁੱਟਿਆ।
-
ਮੈਨੂੰ ਵੱਧ ਕੁੱਟਿਆ।
-
ਮੈਨੂੰ ਕਹਿੰਦੇ ਸੀ, ਤੇਰਾ ਭਰਾ ਭੱਜਿਆ ਹੋਇਆ ਹੈ,
-
ਦੱਸ ਕਿੱਥੇ ਆ ਉਹ
-
ਗਾਲ੍ਹ-ਗੂਲ੍ਹ ਤਾਂ ਮਾਮੂਲੀ ਜਿਹੀ ਗੱਲ ਸੀ,
-
ਚੱਡੇ ਬਹੁਤ ਪਾੜਦੇ ਸੀ
-
ਅਸੀਂ ਕਿਹਾ ਕਿ ਉਹ ਜੇਲ੍ਹ ਵਿੱਚ ਹੀ ਆ ।
-
ਕਹਿੰਦੇ, ਤੁਸੀਂ ਜ਼ਮਾਨਤ ਕਿਉਂ ਕਰਾਉਂਦੇ ਓ ਉਹਦੀ
-
ਫੇਰ ਡੇਲੋਂ ਲੈ ਗਏ
-
ਉੱਥੇ ਵੀ ਮੈਨੂੰ ਇਹਨਾਂ ਨੇ ਕੁੱਟਿਆ
-
ਦੱਸ ਕਹਿੰਦੇ ਤੇਰਾ ਭਰਾ ਕਿੱਥੇ ਆ
-
ਮੈ ਕਿਹਾ ਜੇਲ ਚ ਆ
-
ਸਾਨੂੰ ਕਾਨੂੰਨੀ ਜ਼ਮਾਨਤ ਵੀ ਨਹੀਂ ਕਰਾਉਣ ਦਿੰਦੇ ਸੀ,
-
ਏਨਾ ਬੁਰਾ ਕਰਦੇ ਸੀ।
-
ਸਾਡੀ ਮਾਤਾ ਨੂੰ ਬਿਠਾ ਕੇ ਲੈ ਜਾਂਦੇ ਸੀ,
-
ਬਿਲਾਸਪੁਰ ਲਿਜਾ ਕੇ ਛੱਡ ਦਿੰਦੇ ਸੀ।
-
ਥਾਣੇ ਨਹੀਂ ਲੈ ਕੇ ਗਏ।
-
ਰਿਸ਼ਤੇਦਾਰਾਂ ਦੇ ਜਾਹ ਕੇ
-
ਦਬਕੇ ਮਾਰਦੇ ਸੀ ਕਿ ਪੇਸ਼ ਕਰਾਓ,
-
ਨਹੀਂ ਤਾਂ ਸਾਰਾ ਟੱਬਰ ਬੰਨ੍ਹ ਕੇ ਲੈ ਜਾਵਾਂਗੇ।
-
ਜੋ ਕੁਝ ਵੀ ਕਰ ਸਕਦੇ ਸੀ, ਕੀਤਾ,
-
ਪੂਰਾ ਜ਼ੋਰ ਲਾਇਆ।
-
ਇਸ ਤਰ੍ਹਾਂ ਕਿਹਦੀ-ਕਿਹਦੀ ਡਿਟੇਲ ਦੇਈਏ
-
ਪੈਲ ਤਾ ਸਾਨੂੰ ਹਫ਼ਤੇ ਬਾਅਦ ਲੈ ਜਾਂਦੇ ਸੀ
-
ਸੰਤ ਕੁਮਾਰ ਵੀ ਲੈ ਕੇ ਗਿਆ, ਬਰਾੜ ਵੀ ਲੈ ਕੇ ਗਿਆ।
-
ਇੱਕ ਕੰਗ-ਕੰਗ ਸੀ, ਉਹ ਲੈ ਕੇ ਗਿਆ।
-
ਫੇਰ ਇੱਕ ਸੀ ਭੁੱਲਰ ਥਾਣੇਦਾਰ।
-
ਇੱਕ ਮਨਮੋਹਨ ਸਿੰਘ ਡਿਪਟੀ ਖੰਨੇ ਸੀਗਾ,
-
ਉਹ ਲੈ ਕੇ ਗਿਆ।
-
ਇੱਕ ਮਿੱਤਲ-ਮਿੱਤਲ ਸੀ ਇੱਥੇ ਡੇਲ੍ਹੂ,
-
ਉਹ ਲੈ ਕੇ ਗਿਆ।
-
ਫੇਰ ਇੱਕ ਸ਼ਿਵ ਕੁਮਾਰ ਸੀ ਪਟਿਆਲੇ
-
ਜਿਹੜਾ ਡੀ.ਆਈ.ਜੀ. ਬਣ ਗਿਆ ਹੁਣ।
-
ਉਦੋਂ ਐਸ.ਪੀ. ਸੀ ਲੁਧਿਆਣੇ, ਸਰਾਭਾ ਨਗਰ,
-
ਉਹ ਫੜ੍ਹ ਕੇ ਲੈ ਗਿਆ।
-
ਮੇਨ-ਮੇਨ ਦੱਸ ਦਿੱਤਾ ਤੁਹਾਨੂੰ।
-
ਇਸ ਤਰ੍ਹਾਂ ਤਾਂ ਬਹੁਤ ਸੀਗੇ, ਇੱਕ ਅੱਧਾ ਹੋਵੇ ਤਾਂ ਦੱਸੀਏ।
-
ਜਿਹੜਾ ਇੱਕ ਮੇਰਾ ਭਰਾ ਸੀ, ਉਹਨੂੰ ਪੋਲੀਓ ਸੀ,
-
ਉਹਨੂੰ ਨਹੀਂ ਮਾਰਦੇ ਸੀ।
-
ਮੇਰੇ ਪਿਤਾ ਦੀ ਦਾੜ੍ਹੀ ਪੱਟਦੇ ਸੀ, ਧੱਕੇ ਮਾਰਦੇ ਸੀ।
-
ਪਟੇ ਵੀ ਮਾਰੇ ਸੀ ਪ੍ਰਸ਼ੋਤਮ ਨੇ ਉਹਦੇ।
-
ਮੈਨੂੰ ਕੁੱਟਦੇ ਸੀ,
-
ਮੈਨੂੰ ਤਾ ਕਹਿੰਦੇ ਸੀ ਤੂੰ ਅਗਾਂਹ ਸੁਨੇਹੇ ਦਿੰਨਾ
-
ਤੇਰੇ ਲਿੰਕ ਨੇ
-
ਮਹੀਨਾ-ਮਹੀਨਾ ਨਹੀਂ ਛੱਡਦੇ ਸੀ,
-
ਕਦੇ ਮਹੀਨਾ, ਕਦੇ ਹਫ਼ਤਾ, ਕਦੇ ਦੱਸ ਦਿਨ।
-
ਲੋਕ ਹੀ ਸਾਡੇ ਡੰਗਰ ਬੰਨ੍ਹਦੇ ਰਹੇ।
-
ਲੋਕ ਹੀ ਸਾਡੀ ਖੇਤੀ ਕਰਦੇ ਰਹੇ।
-
ਲੋਕ ਹੀ ਸਾਡਾ ਕੰਮ ਕਰਦੇ ਸੀ,
-
ਸਾਨੂੰ ਤਾਂ ਕਰਨ ਨਹੀਂ ਦਿੰਦੇ ਸੀ।
-
ਅਸੀਂ ਸਿਆਲ 'ਚ ਵੀ ਕੋਠੇ ਉੱਤੇ
-
ਸੌਂਦੇ ਰਹੇ ਆਂ ਰਜਾਈਆਂ ਲੈ ਕੇ।
-
ਝਾੜੀਆਂ ਵਿੱਚ ਲੁਕ-ਲੁਕ ਕੇ ਸੌਂਦੇ ਰਹੇ ਹਾਂ।
-
ਏਨੀ ਦਹਿਸ਼ਤ ਪਾਈ ਸੀ ਪੁਲਿਸ ਨੇ।
-
ਆਏ ਰਹਿੰਦੇ ਸੀ,
-
ਮੈਨੂੰ ਕੁੱਟਦੇ ਸੀ,
-
ਮੈਨੂੰ ਫੜ੍ਹ ਕੇ ਲੈ ਗਏ ਪੈਲ,
-
ਉੱਥੇ ਮਹੀਨਾ ਰੱਖਿਆ।
-
ਡੈਡੀ ਮੇਰੇ ਦੇ ਪਟੇ ਮਾਰੇ, ਧੱਕੇ ਮਾਰੇ ਸੀ।
-
ਕਹਿੰਦੇ ਸੀ, ਆਏ ਕਰ ਦਿਆਂਗੇ, ਮੁੰਡੇ ਨੂੰ ਪੇਸ਼ ਕਰ
-
ਤੂੰ ਅਜੇ ਪੁਲਿਸ ਦੇ ਹੱਥ ਨਹੀਂ ਦੇਖੇ
-
ਇਹੋ ਜਿਹੀਆਂ ਗੱਲਾਂ, ਕੀ ਦੱਸੀਏ ਤੁਹਾਨੂੰ।
-
ਕੁੱਟਮਾਰ ਮੇਰੇ ਨਾਲ ਕਈ ਵਾਰ ਹੋਈ ਆ,
-
ਪਟੇ-ਪੁਟੇ ਵਾਲੀ ਤਾਂ ਗੱਲ ਹੀ ਕੁਝ ਨਹੀਂ ਸੀ,
-
ਚੱਡੇ ਪਾੜ ਦਿੰਦੇ ਸੀ,
-
ਪਿੱਛੇ ਹੱਥ ਬੰਨ੍ਹ ਦਿੰਦੇ ਸੀ, ਵਾਲ ਖੋਲ੍ਹ ਦਿੰਦੇ ਸੀ,
-
ਪੁੱਠਾ ਲਟਕਾ ਦਿੰਦੇ ਸੀ।
-
ਭੋਂਣੀ ਉਤਾਂਹ ਨੂੰ ਕਰ ਦਿੰਦੇ ਸੀ।
-
ਆਪ ਚਾਹ ਪੀਂਦੇ ਸੀ, ਤੱਤਾ ਪਾਣੀ ਪਾ ਦਿੰਦੇ ਸੀ।
-
ਇੱਕ-ਦੋ ਵਾਰ ਮੈਂ ਭੱਜ ਗਿਆ ਸੀ ਗੱਡੀ 'ਚੋਂ।
-
ਇੱਕ ਵਾਰ ਮੈਂ ਧੱਕਾ ਮਾਰ ਕੇ
-
ਪੁਲਿਸ ਵਾਲੇ ਨੂੰ ਭੱਜ ਗਿਆ,
-
ਕੰਧ ਟੱਪ ਗਿਆ।
-
ਫੇਰ ਮੇਰਾ ਇੱਕ ਗੋਡਾ ਕੱਢ ਦਿੰਦੇ ਸੀ,
-
ਤਾਂ ਕਿ ਭੱਜੇ ਨਾ।
-
ਜਦੋਂ ਪਿਸ਼ਾਬ ਕਰਨ ਜਾਣਾ, ਫੇਰ ਪਾ ਦਿੰਦੇ ਸੀ,
-
ਫੇਰ ਕੱਢ ਦਿੰਦੇ ਸੀ ਕਿ ਭੱਜੇ ਨਾ ਇੱਥੇ ਬੈਠਾ ਰਹੇ।
-
ਮੇਰੇ ਤੋਂ ਸਿੱਧਾ ਤੁਰ ਨਹੀਂ ਹੁੰਦਾ।
-
ਮੇਰੀ ਢੁਈ 'ਚ ਤੇ ਲੱਤਾਂ 'ਚ ਚੀਸਾਂ ਨਿਕਲਦੀਆਂ।
-
ਹੁਣ ਵੀ ਦਵਾਈ ਲੈਨਾ ਮੈਂ।
-
ਮੈਥੋਂ ਪੱਗ ਨਹੀਂ ਬੰਨ੍ਹ ਹੁੰਦੀ,
-
ਬਾਂਹ ਉਤਾਂਹ ਨਹੀਂ ਚੱਕ ਹੁੰਦੀ।
-
ਆਹ ਬਾਹਾਂ ਤਾਂ ਕਈ ਵਾਰ ਪਿੱਛੇ ਬੰਨ੍ਹੀਆਂ,
-
ਪੁੱਠਾ ਲਟਕਾ ਦਿੰਦੇ ਸੀ।
-
ਅਜੇ ਵੀ ਕਦੇ-ਕਦੇ ਦਰਦ ਕਰਦੀਆਂ ਨੇ ਲੱਤਾਂ,
-
ਚਾਰ-ਪੰਜ ਵਾਰ ਫੜ੍ਹੇ ਗਏ ਸੀ ਡੇਲ੍ਹੂੰ।
-
ਸਾਡੇ ਪਿੰਡ ਸੁਸਾਇਟੀ ਆ, ਉੱਥੇ ਲੁਕ ਕੇ ਰਹਿੰਦਾ ਸੀ।
-
ਨਾਲ ਦਾ ਪੁਲਿਸ ਵਾਲਾ ਦੱਸਦਾ ਸੀ ਪਿੰਡ ਲਹਿਰੇ ਦਾ,
-
ਉਹਦਾ ਵੀ ਨਾਮ ਆ ਗਿਆ ਸੀ ਵਿੱਚ।
-
ਸਾਨੂੰ ਮੁੰਡੇ ਨੇ ਦੱਸਿਆ ਕਿ
-
ਇਸ ਤਰ੍ਹਾਂ ਪੱਟ ਚੀਰ ਦਿੱਤੇ ਸੀ,
-
ਵਿੱਚ ਲੂਣ ਪਾਇਆ ਸੀ।
-
ਤੁਰਿਆ ਨਹੀਂ ਜਾਂਦਾ ਸੀ,
-
ਉਹਦੀ ਰੀੜ੍ਹ ਦੀ ਹੱਡੀ ਕੰਮ ਨਹੀਂ ਕਰਦੀ ਸੀ।
-
ਲੈਟਰੀਨ-ਬਾਥਰੂਮ ਚੁੱਕ ਕੇ ਹੀ ਲਿਜਾਂਦੇ ਸੀ।
-
ਕਿਤੇ ਵੀ ਚੁੱਕ ਕੇ ਈ ਗੱਡੀ 'ਚ ਪਾਉਂਦੇ ਸੀ।
-
ਬੁਰਾ ਹਾਲ ਸੀ ਉਹਦਾ।
-
ਸਿਆਣ ਨਹੀਂ ਹੁੰਦੀ ਸੀ।
-
ਇੱਕ ਵਾਰੀ ਕਿਤੇ ਰੇਡ ਪੈ ਗਈ ਰਾਤ ਨੂੰ।
-
ਉਹਨੂੰ ਕਹਿੰਦੇ, ਉੱਠ
-
ਉਹ ਕਹਿੰਦਾ, "ਮੇਰੇ ਕੋਲ ਉੱਠ ਨਹੀਂ ਹੁੰਦਾ।
-
ਪੁਲਿਸ ਵਾਲੇ ਉਹਨੂੰ ਜਿਪਸੀ 'ਚ ਛੱਡ ਗਏ।
-
ਥੋੜ੍ਹਾ ਬਹੁਤਾ ਮੀਂਹ ਵੀ ਆਇਆ ਉਸ ਰਾਤ।
-
ਉਹ ਕਹਿੰਦਾ, ਅਸੀਂ ਜਾਂਦੇ ਸੀ ਲਾਹੁਣ।
-
ਸਾਨੂੰ ਵੀ ਕੁੱਟਦੇ ਸੀ।
-
ਕਹਿੰਦੇ ਸੀ, ਤੂੰ ਕਿਉਂ ਜਾਂਦਾ ਲਾਹੁਣ
-
ਇੱਕ ਜਣੇ ਨੂੰ ਪੁੱਠਾ ਲਟਕਾ ਗਏ ਪਟਿਆਲੇ,
-
ਭੌਣੀ ਤੇ ਬੰਨ੍ਹ ਕੇ
-
ਕਿਸੇ ਹੋਰ ਪਾਸੇ ਜਾਣਾ ਰੇਡ ਮਾਰਨ।
-
ਟਾਕੀ ਦੇ ਨਾਲ ਬੰਨ੍ਹ ਕੇ ਰੱਸਾ ਛੱਡ ਗਏ,
-
ਉਹ ਦੋ ਘੰਟੇ ਬਾਅਦ ਫੇਰ ਪੇਸ਼ ਹੋਇਆ।
-
ਬਹੁਤ ਤਸ਼ੱਦਦ ਕੀਤਾ।
-
ਉਹ ਕਹਿੰਦਾ, ਤੁਰਨ ਜੋਗਾ ਨਹੀਂ ਰਹਿ ਗਿਆ ਸੀ,
-
ਰੀੜ੍ਹ ਦੀ ਹੱਡੀ ਕੰਮ ਕਰਨਾ ਛੱਡ ਗਈ ਸੀ।
-
ਐਨਾ ਤਸ਼ੱਦਦ ਕੀਤਾ
-
ਸਾਡੇ ਘਰ ਦੇ ਤਿੰਨ ਦਰ ਹੁੰਦੇ ਸੀ,
-
ਇੱਕ ਏਧਰ, ਇੱਕ ਏਧਰ, ਇੱਕ ਏਥੇ।
-
ਤਿੰਨਾਂ ਦਰਾਂ 'ਤੇ ਪੁਲਿਸ ਆ ਗਈ।
-
ਕੁਦਰਤੀ ਉਹਨਾਂ ਨੇ ਦਰ ਖੜ੍ਹਕਾਇਆ।
-
ਮੈਨੂੰ ਪਤਾ ਲੱਗ ਗਿਆ ਕਿ ਪੁਲਿਸ ਆ।
-
ਸਾਲਟਾਂ ਸੀ ਉਹਨਾਂ ਕੋਲ ਕਿਉਂਕਿ ਜਾਣਦੇ ਸੀ।
-
ਇੱਕ ਲੱਖਾ, ਇੱਕ ਬਲਬੀਰ ਬਰਾੜ ਦਾ ਡਰਾਈਵਰ,
-
ਇੱਕ ਪੱਪੀ-ਪੱਪੀ ਪ੍ਰਾਈਵੇਟ ਯੂਨੀਅਨ ਦਾ ਕੈਟ।
-
ਮੈਂ ਦਰ ਖੋਲ੍ਹਿਆ ਤਾਂ ਮੈਨੂੰ ਕਹਿੰਦੇ,
-
ਕਿੱਥੇ ਆ ਅਵਤਾਰ ਸਿੰਘ ਗੋਨੀ
-
ਮੈਂ ਕਿਹਾ, ਸੁਸਾਇਟੀ ਗਿਆ ਹੋਇਆ।
-
ਮੈਂ ਬਾਹਰ ਨਿਕਲ ਗਿਆ।
-
ਸਾਡਾ ਇੱਕ ਇੱਥੇ ਬਰਾਂਡਾ ਹੁੰਦਾ ਸੀ ਪਹਿਲਾਂ,
-
ਉਹਦੇ ਇੱਕ ਟਾਕੀ ਸੀ।
-
ਉੱਥੇ ਲੱਖਾ ਖੜ੍ਹਾ ਸੀ, ਲਖਵਿੰਦਰ ਲੱਖਾ।
-
ਉਹਨੇ ਏਧਰ ਦੇਖਿਆ ਕਿ ਅੰਦਰ ਹੀ ਆ।
-
ਉਹਨੇ ਕਿਹਾ, ਗੋਨੀ, ਕੁੰਡਾ ਖੋਲ੍ਹ, ਕੁੰਡਾ ਖੋਲ੍ਹ
-
ਉਹ ਉਸ ਦਰ ਤੋਂ ਭੱਜ ਗਿਆ।
-
ਗੁਆਂਢੀਆਂ ਦੇ ਘਰ, ਇੱਕ ਮਸ਼ੀਨ ਹੁੰਦੀ ਏ
-
ਭੁੱਕਾ ਵੱਢਣ ਵਾਲੀ,
-
ਉਹਦੇ ਚੱਕਰ 'ਤੇ ਉਹ ਪੈਰ ਰੱਖੇ,
-
ਉਹ ਚੱਕਰ ਘੁੰਮ ਜਾਇਆ ਕਰੇ।
-
ਪਿੱਛੋਂ ਪੁਲਿਸ ਵਾਲੇ ਨੇ ਲੱਤਾਂ ਖਿੱਚੀਆਂ।
-
ਉਹ ਛੁਡਾ ਕੇ ਪੌੜੀਆਂ ਚੜ੍ਹ ਗਿਆ ਤੇ
-
ਕੋਠੇ ਤੋਂ ਛਾਲ ਮਾਰੀ।
-
ਉਹਦਾ ਪੈਰ ਵੱਜਿਆ ਕਿੱਲੇ 'ਤੇ,
-
ਠੁੱਡ ਮਾਰ ਕੇ ਭੱਜ ਗਿਆ, ਕੰਧ ਟੱਪ ਗਿਆ।
-
ਉੱਥੇ ਇੱਕ ਬੇਰੀ ਸੀ,
-
ਉਹਦੀ ਪੱਗ ਫਸ ਗਈ ਬੇਰੀ 'ਚ।
-
ਉਹ ਪੱਗ ਕੱਢਣ ਲੱਗ ਗਿਆ।
-
ਏਨੇ ਨੂੰ ਉਹ ਆ ਕੇ ਚਿੰਬੜ ਗਏ।
-
ਪੱਗ ਉਹਨੇ ਉੱਥੇ ਛੱਡ 'ਤੀ।
-
ਵਾਲ ਖੁੱਲ੍ਹੇ ਸੀ, ਕੁੱਟਦੇ ਲੈਕੇ ਗਏ ਸੀ
-
ਮੈਂ ਤਾਂ ਭੱਜ ਗਿਆ ਸੀ
-
ਮਾਤਾ ਦੱਸਦੀ ਸੀ ਇਸ ਤਰ੍ਹਾਂ ਕੋਢਾ ਕੀਤਾ ਹੋਇਆ ਸੀ,
-
ਠੁੱਡ ਮਾਰਦੇ ਸੀ ਢੁਈ 'ਚ, ਨਾਲੇ ਬੱਟ ਮਾਰਦੇ ਸੀ।
-
ਪਿੱਛੋਂ ਦੀ ਬਾਹਵਾਂ ਬੰਨ੍ਹ ਦਿੱਤੀਆਂ।
-
ਏਥੇ ਚੱਕੀ ਸੀਗੀ ਸਾਹਮਣੇ,
-
ਚੱਕੀ ਦੇ ਕੋਲ ਬਾਹਵਾਂ ਬੰਨ੍ਹੀਆਂ
-
ਢਿੱਡ ਵਿੱਚ ਠੁੱਡ ਮਾਰਦੇ ਸੀ ਨਾਲੇ ਬੱਟ ਮਾਰਦੇ ਸੀ।
-
ਫੇਰ ਅਚਾਨਕ ਪੰਡਤ ਆ ਗਿਆ,
-
ਕੁਦਰਤੀ ਹੀ ਆ ਗਿਆ ਉਹ।
-
ਉਹਨੇ ਪੁੱਛਿਆ, ਕੀ ਗੱਲ ਆ
-
ਜਿਵੇ ਜਿਵੇ ਉਹ ਬੋਲਦੇ ਸੀ,
-
ਪੰਡਤ ਹੀ ਦੱਸਦਾ ਸੀ
-
ਉਹਨਾਂ ਨੇ ਬਾਹਾਂ ਟਾਈਟ ਕਰਕੇ ਜਿਪਸੀ ਨਾਲ ਬੰਨ੍ਹ ਦਿੱਤੀਆਂ
-
ਉਹਨੇ ਆਕੇ ਥੋੜੀਆਂ ਬਾਹਾਂ ਢਿਲੀਆਂ ਕਰਾਈਆ
-
ਕੁੱਟਣੋ ਉਹ ਹਟੇ ਨਹੀਂ ਸੀ
-
ਠੁੱਡੇ ਮਾਰੀ ਜਾਂਦੇ ਸੀ
-
ਫੇਰ ਲੈ ਗਏ ਸੀ
-
ਉਹਨੇ ਕਿਹਾ ਕਿ ਨੁਹਾ ਕੇ ਲੈ ਕੇ ਆਓ,
-
ਕਿੰਨਾ ਮੁਸ਼ਕ ਮਾਰਦਾ ਹੈ।
-
ਮੈਂ ਇਸ ਤਰ੍ਹਾਂ ਕੀ ਪੁੱਛਗਿੱਛ ਕਰਨੀ
-
ਇਹਦੇ ਕੱਪੜੇ-ਕੁੱਪੜੇ ਤਾਂ ਪਵਾਓ।
-
ਫੇਰ ਪੁਲਿਸ ਵਾਲਾ ਦੱਸਦਾ ਸੀ ਕਿ
-
ਇਹਨੂੰ ਨੁਹਾ ਕੇ ਲੈ ਕੇ ਆਏ।
-
ਪੁਲਿਸ ਵਾਲੇ ਦਾ ਕੁੜਤਾ-ਪਜਾਮਾ ਦਿੱਤਾ,
-
ਉਹ ਪਵਾਇਆ।
-
ਫੇਰ ਉਸ ਤੋਂ ਬਾਅਦ ਦਰਸ਼ਨ ਸਿੰਘ ਇੰਸਪੈਕਟਰ
-
ਡੇਲ੍ਹੋਂ ਲੈ ਆਇਆ।
-
ਉੱਥੇ ਦਰਸ਼ਨ ਸਿੰਘ ਨੇ ਅਵਤਾਰ ਸਿੰਘ ਦਾ
-
ਮੁਕਾਬਲਾ ਬਣਾਇਆ ਸੀ।
-
ਨੰਗਲ ਵਾਲੇ ਸੂਏ ਤੇ ਲਿਜਾਕੇ
-
ਦੋ ਬੰਦੇ ਰਾੜਾ ਸਾਹਿਬ ਤੋਂ ਫੜੇ ਸੀ,
-
ਇੱਕ ਰੱਖ ਲਿਆ ਸੀ,
-
ਇੱਕ ਦਾ ਮੁਕਾਬਲਾ ਬਣਾ ਦਿੱਤਾ।
-
ਪੁਲਿਸ ਵਾਲੇ ਹੁਣ ਵੀ ਨਹੀਂ ਮੰਨਦੇ,
-
ਕਹਿੰਦੇ, ਅਸੀਂ ਤਾਂ ਫੜੇ ਹੀ ਨਹੀਂ।
-
ਸਾਡੇ ਕੋਲ ਕੋਈ ਸਬੂਤ ਨਹੀਂ।
-
ਲੋਕਾਂ ਕੋਲੋਂ ਸੁਣੀ-ਸੁਣਾਈ ਪਤਾ ਤਾਂ ਲੱਗ ਹੀ ਜਾਂਦਾ।
-
ਦਰਸ਼ਨ ਸਿੰਘ ਇੰਸਪੈਕਟਰ ਨੇ ਮੁਕਾਬਲਾ ਬਣਾਇਆ ਸੀ।
-
ਮਿੱਤਲ-ਮਿੱਤਲ ਹੁੰਦਾ ਸੀ ਇੱਕ,
-
ਉਹਨੇ ਮੈਨੂੰ ਕਿਹਾ, ਉਰੇ ਗੋਨੀ ਦੇ ਭਾਈਆ।
-
ਅਵਤਾਰ ਸਿੰਘ ਦਾ ਨਾਮ ਗੋਨੀ ਸੀ।
-
ਮੈਨੂੰ ਕਹਿੰਦਾ, ਬੰਦਾ ਬਣ ਜਾ।
-
ਮੈਂ ਕਿਹਾ, ਮੈਂ ਤਾਂ ਬੰਦਾ ਹੀ ਆ ਜੀ।
-
ਫੇਰ ਕਹਿੰਦਾ, ਤੂੰ ਵੀ ਇਹੋ ਜਿਹੇ ਕੰਮ ਛੱਡ ਦੇ।
-
ਕਹਿੰਦਾ , ਤੇਰੇ ਭਰਾ ਦਾ ਤਾ ਕੰਮ ਕਰਤਾ, ਤੇਰਾ ਵੀ ਹੋਜੂ
-
ਮੈਂ ਕਿਹਾ, ਮੇਰੇ ਤਾਂ ਕੋਈ ਕੰਮ ਨਹੀਂ ਇਹੋ ਜਿਹੇ।
-
ਕਹਿੰਦਾ, ਕੱਲ੍ਹ ਨੂੰ ਸੰਦਲਾਂ ਭੋਗ ਆ।
-
ਉਸ ਤੋਂ ਬਾਅਦ ਵੇਖੀਂ।
-
ਅਗਲੇ ਦਿਨ ਅਖਬਾਰ ਵਿੱਚ ਆਇਆ,
-
ਉਹਨੇ ਮੈਨੂੰ ਫੇਰ ਹਾਕ ਮਾਰੀ ਕਿ ਆਹ ਪੜ੍ਹ ਲਾ,
-
ਛੇ ਦੇ ਛੇ ਈ ਮਾਰ ਤੇ
-
ਸੰਦਲਾਂ ਦੇ ਭੋਗ ਤੋਂ ਬਾਅਦ ਛੇ ਜਣੇ ਮਾਰ ਤੇ।
-
ਜਿਹੜੇ ਮੈਨੂੰ ਛੁਡਾਉਣ ਗਏ ਸੀ,
-
ਉਹਨਾਂ ਕਿਹਾ ਕਿ ਤੁਸੀਂ ਹੁਣ ਮੁਕਾਬਲਾ ਤਾਂ ਬਣਾਤਾ,
-
ਸਾਨੂੰ ਕੋਈ ਪਰੂਫ਼ ਤਾਂ ਦੇ ਦਿਓ।
-
ਸਾਨੂੰ ਕਹਿੰਦਾ, ਤੁਸੀਂ ਕੀ ਲੈਣਾ ਇਹੋ ਜਿਹੇ ਕੰਮਾਂ ਤੋਂ
-
ਪੁਲਿਸ ਨਾਲ ਦੁਸ਼ਮਣੀ ਚੰਗੀ ਨਹੀਂ ਹੁੰਦੀ।
-
ਤੁਸੀਂ ਕੀ ਲੈਣਾ ਪੁਲਿਸ ਤੋਂ
-
ਤੁਹਾਡਾ ਬੰਦਾ ਹੀ ਨਹੀਂ ਰਿਹਾ ਜਦੋ
-
ਸਾਨੂੰ ਆਹ ਜਵਾਬ ਦਿੱਤਾ ਉਹਨੇ।
-
ਨਾਲੇ, ਪਰੂਫ਼ ਕਿਸੇ ਨੇ ਨਹੀਂ ਦੇਣਾ।
-
ਚੰਗੇ-ਚੰਗੇ ਲੀਡਰਾਂ, ਆਪਣੇ ਪਿੰਡ ਦਾ ਮੁੰਡਾ,
-
ਹੁਣ ਤਾਂ ਉਹ ਕੈਨੇਡਾ ਚਲਾ ਗਿਆ।
-
ਉਹ ਪ੍ਰਧਾਨ ਹੁੰਦਾ ਸੀ ਪੈਲ ਅਕਾਲੀਆਂ ਦਾ।
-
ਉਹਨੂੰ ਇੱਕ-ਦੋ ਵਾਰ ਅਸੀਂ ਨਾਲ ਲੈ ਕੇ ਗਏ।
-
ਉਹਨੂੰ ਬਿਠਾ ਲਿਆ ਕਿ, ਤੂੰ ਕੀ ਲੈਣ ਆਉਣਾ
-
ਮਗਰ ਕੋਈ ਤੁਰਦਾ ਹੀ ਨਹੀਂ ਸੀ ਨਾਲ।
-
ਥਾਣੇ ਦੇ ਮੂਹਰੇ ਕੋਈ ਨਹੀਂ ਲੰਘਦਾ ਸੀ।
-
ਸਾਰੇ ਰਿਸ਼ਤੇਦਾਰ ਵੀ ਖਹਿੜਾ ਛੱਡ ਗਏ ਸੀ ਨਾਲ,
-
ਤੁਹਾਡਾ ਤਾ ਰੋਜ਼ ਦਾ ਇਹੀ ਕੰਮ ਹੋਇਆ ਰਹਿਣਾ
-
ਪੁਲਿਸ ਸਾਨੂੰ ਤੰਗ ਕਰਦੀ ਆ
-
ਸੰਸਕਾਰ ਦਾ ਪਤਾ ਨਹੀਂ,
-
ਏਨਾ ਸੰਸਕਾਰ ਤਾਂ ਕਾਹਦਾ ਕੀਤਾ ਹੋਣਾ।
-
ਏਨਾ ਦੱਸਦੇ ਸੀ ਕਿ ਪੋਸਟਮਾਰਟਮ ਕੀਤਾ ਸੀ ਸਮਰਾਲੇ।
-
ਪੁਲਿਸ ਵਾਲਾ ਹੀ ਦੱਸਦਾ ਸੀ ਕਿ
-
ਪੋਸਟਮਾਰਟਮ ਸਮਰਾਲੇ ਕੀਤਾ ਸੀ।
-
ਸੰਸਕਾਰ ਤਾਂ ਦੱਸਦੇ ਨਹੀਂ ਕਿ ਕੀਤਾ ਸੀ ਕਿ ਨਹੀਂ,
-
ਜਦੋਂ ਪੁਲਿਸ ਵਾਲੇ ਮੰਨਦੇ ਹੀ ਨਹੀਂ ਕਿ
-
ਉਹਨੂੰ ਫੜ੍ਹਿਆ ਸੀ।
-
ਪੋਸਟਮਾਰਟਮ ਦੀ ਰਿਪੋਰਟ ਹੈਗੀ ਤੁਹਾਡੇ ਕੋਲ?
-
ਨਾ, ਕੋਈ ਰਿਪੋਰਟ ਨਹੀਂ
-
ਕੋਈ ਪੁਲਿਸ ਵਾਲਾ, ਸਹਿਚਾਰ ਨਾਲ ਦੱਸਦਾ ਸੀ, ਫੜਿਆ ਸੀ
-
ਉੱਥੇ ਪੋਸਟਮਾਰਟਮ ਕਰਾ ਕੇ ਲੈਕੇ ਆਏ ਸੀ
-
ਉਹਦੀ ਕੋਈ ਚਿੱਠੀ, ਕੋਈ ਡਾਕੂਮੈਂਟ, ਪੜ੍ਹਾਈ ਦੇ ਸਾਡੇ,
-
ਮੇਰੇ ਭਰਾ ਦੇ, ਐਡੀ ਫਾਈਲ ਬੰਨ੍ਹ ਕੇ ਲੈ ਗਏ ਸੀ।
-
ਕੋਈ ਸਬੂਤ ਹੀ ਨਹੀਂ ਛੱਡਿਆ।
-
ਚਿੱਠੀਆਂ ਵੀ ਕੱਢੀਆਂ ਸੀ ਰਾਜਪਾਲ ਨੂੰ।
-
ਰਿੱਟ ਵੀ ਕੀਤੀ ਸੀ ਰਾਜਪਾਲ ਕੋਲ।
-
ਕੋਈ ਪਰੂਫ਼ ਛੱਡਿਆ ਹੀ ਨਹੀਂ।
-
ਇਹ 13 ਤਾਰੀਕ ਨੂੰ ਫੜ੍ਹਿਆ ਸੀ,
-
15 ਨੂੰ ਰਿੱਟ ਲਾਈ ਸੀ ਬਲ ਵਕੀਲ ਕੋਲੇ, ਲੁਧਿਆਣੇ।
-
ਉਹਦੇ ਕੋਲ ਚੱਲਦੇ ਸੀ ਦੋ-ਤਿੰਨ ਕੇਸ।
-
ਆਪਣਾ ਬਲ ਵਕੀਲ ਨਹੀਂ ਲੁਧਿਆਣੇ,
-
ਉਹਨੇ ਕਰਾਈ ਸੀ ਰਿੱਟ।
-
ਡਾਕਖਾਨੇ ਗਏ ਸੀ।
-
ਮਗਰ ਉਹਨੇ ਸਾਨੂੰ ਕਾਪੀ ਦਿੱਤੀ ਸੀ,
-
ਉਹ ਵੀ ਲੈ ਗਏ ਸੀ।
-
ਫੇਰ ਅਸੀਂ ਡੀ.ਐਸ. ਗਿੱਲ ਕੋਲ ਗਏ ਸੀ ਕੇਸ ਕਰਨ।
-
ਉਹ ਕਹਿੰਦਾ, ਤੁਹਾਡੇ ਕੋਲ ਰਿੱਟ ਹੀ ਹੈ ਨਹੀਂ,
-
ਕੋਈ ਨਕਲ ਹੀ ਹੈ ਨਹੀਂ,
-
ਕੇਸ ਕਾਹਦੇ 'ਤੇ ਕਰੀਏ
-
ਕੋਈ ਨਕਲ ਲੈ ਕੇ ਆਓ।
-
ਨਕਲ ਕਿੱਥੋਂ ਲੈ ਕੇ ਆਈਏ
-
ਕੋਈ ਡਾਕੂਮੈਂਟ, ਕੋਈ ਨਕਲ, ਭੋਰਾ ਕਾਗਜ਼
-
ਨਹੀਂ ਛੱਡਿਆ ਸੀ ਸਾਡੇ ਕੋਲ।
-
ਐਡੀ ਪੰਡੜੀ ਬੰਨ੍ਹ ਕੇ ਲੈ ਗਏ ਸੀ ਸਾਡੀ ਪੜ੍ਹਾਈ ਦੀ।
-
ਸਾਨੂੰ ਕੁਝ ਨਹੀਂ ਮਿਲਿਆ,
-
ਉਹ ਇੱਥੋਂ ਦਾ ਬਸ਼ਿੰਦਾ ਨਹੀਂ ਸੀ,
-
ਕੋਈ ਪਰੂਫ਼ ਹੀ ਨਹੀਂ ਸਾਡੇ ਕੋਲ।
-
ਪੂਰੀ ਘਾਟ ਪੈ ਗਈ ਸਾਨੂੰ।
-
ਮੈਂ 50 ਸਾਲ ਪਿੱਛੇ ਚਲਿਆ ਗਿਆ।
-
ਪਿਓ ਮੇਰਾ ਬਜ਼ੁਰਗ ਆ, ਤੁਰ-ਫਿਰ ਨਹੀਂ ਸਕਦਾ।
-
ਭਰਾ ਮੇਰੇ ਨੂੰ ਪੋਲੀਓ ਆ।
-
ਮਾਤਾ ਮੇਰੀ ਏਨੀ ਏਜ ਦੀ ਆ।
-
ਸਾਰਾ ਕੰਮ ਮੈਨੂੰ ਹੀ ਕਰਨਾ ਪੈ ਗਿਆ,
-
ਜਦ ਸਾਰਾ ਕੁਝ ਉਹਨੇ ਕਰਨਾ ਸੀ।
-
ਪਹਿਲਾਂ ਤਾ ਪੁਲਿਸ ਵਿਚ ਭਰਤੀ ਹੋ ਗਿਆ ਸੀ
-
ਪਹਿਲਾਂ ਤਾ ਇਹੋ ਜਿਹੀ ਗੱਲ ਕੋਈ ਨਹੀਂ ਸੀ
-
ਪਹਿਲਾਂ ਤਾਂ ਵਿਆਹ ਦੀ ਤਿਆਰੀ ਕਰਦੇ ਸੀ।
-
ਕਹਿੰਦੇ ਸੀ, ਵਿਆਹ ਕਰਵਾਵਾਂਗੇ, ਨੌਕਰੀ ਕਰਾਂਗੇ।
-
ਭਰਤੀ ਵੀ ਹੋ ਗਏ ਸੀ ਪੰਜਾਬ ਪੁਲਿਸ 'ਚ।
-
ਇੱਕ ਪਿੰਡ ਦਾ ਮੁੰਡਾ ਹੋਰ ਸੀ,
-
ਖੂਨ-ਖਾਨ ਕੱਢ ਲਿਆ ਸੀ 82 'ਚ।
-
ਜਦੋਂ ਸੀ.ਆਰ.ਪੀ. ਲਾ 'ਤੀ ਸੀ ਪਟਿਆਲੇ।
-
ਜਿਨ੍ਹਾਂ ਮੁੰਡਿਆਂ ਨੂੰ ਨੰਬਰ ਦੇਣੇ ਸੀ, ਉਹ ਰੋਕ 'ਤੇ ਸੀ।
-
84 ਤੋਂ ਬਾਅਦ ਇਹ ਨੇਵੀ 'ਚ ਵੀ ਭਰਤੀ ਹੋਣ ਗਿਆ ਸੀ।
-
ਜਦੋਂ ਪਹਿਲੀ ਵਾਰ ਲੈ ਗਏ ਸੀ ਫੜ੍ਹ ਕੇ,
-
ਉਦੋਂ ਕੁਝ ਪੁਲਿਸ ਵਾਲੇ ਚੰਗੇ ਵੀ ਸੀ
-
ਜਦੋ ਮੈਨੂੰ ਫੜ ਲੈਂਦੇ ਸੀ
-
ਉਦੋਂ ਕੁਝ ਪੁਲਿਸ ਵਾਲੇ ਅਜਿਹੇ ਵੀ ਸੀ
-
ਜਿਹੜੇ ਪੈਸੇ ਦੇ ਦਿੰਦੇ ਸੀ ਕਿ ਚਾਹ-ਪਾਣੀ,
-
ਮੰਗਵਾ ਲਈ ਬਾਹਰ ਤੋਂ ਪਰ ਕਿਸੇ ਨੂੰ ਦੱਸੀ ਨਾ।
-
ਇੱਕ ਪੁਲਿਸ ਵਾਲੇ ਨੇ ਇਹ ਸੁਨੇਹਾ ਦਿੱਤਾ ਸੀ ਕਿ
-
ਹੱਥ ਹਿਲਾਉਂਦਾ ਸੀ ਇਸ ਤਰ੍ਹਾਂ,
-
ਸਾਡੇ ਘਰ ਕਹਿ ਦੇਣਾ ਕਿ ਮੇਰੇ ਮਗਰ ਨਾ ਆਉਣ।
-
ਇਹਨਾਂ ਛੱਡਣਾ ਤਾਂ ਹੈ ਨਹੀਂ ਮੈਨੂੰ।
-
ਪਿੱਛੇ ਆਉਣਾ ਬੇਕਾਰ ਹੈ, ਹੁਣ ਨਾ ਆਇਓ।
-
ਹੁਣ ਆਸ ਬੰਦ ਆ
-
ਅਸੀਂ ਆਜ਼ਾਦੀ ਚਾਹੁੰਦੇ ਆਂ।
-
15 ਅਗਸਤ, 26 ਜਨਵਰੀ
-
ਸਾਨੂੰ ਇਹ ਦਿਨ ਚੰਗੇ ਈ ਨਹੀਂ ਲੱਗਦੇ।
-
ਸਾਨੂੰ ਪਤਾ ਅਸੀਂ ਇਸ ਮੁਲਕ 'ਚ ਰਹਿੰਦੇ ਆਂ,
-
ਪਰ ਅਸੀਂ ਇੱਥੇ ਰਹਿਣਾ ਹੀ ਨਹੀਂ ਚਾਹੁੰਦੇ।
-
ਇੱਥੋਂ ਵਾਲੇ ਲੀਡਰਾਂ 'ਤੇ ਸਾਨੂੰ
-
ਕੋਈ ਯਕੀਨ ਨਹੀਂ ਰਿਹਾ,
-
ਸਭ ਵਿਕੇ ਨੇ।
-
ਤੁਸੀਂ ਵੀ ਜਾਣਦੇ ਓ।
-
ਸ਼੍ਰੋਮਣੀ ਕਮੇਟੀ 'ਚ ਵੀ ਓਹੀ ਲੀਡਰ ਬੈਠੇ ਨੇ।
-
ਪਹਿਲਾਂ ਆਪਾਂ ਪੜ੍ਹਦੇ ਹੀ ਸੀ ਕਿ ਗੌਰਮਿੰਟ ਆਹ ਕਰਦੀ।
-
ਟੌਹੜੇ ਹੋਰੀਂ ਆਹ ਕਰਦੇ ਸੀ ਸ਼੍ਰੋਮਣੀ ਕਮੇਟੀ ਵਿੱਚ।
-
ਮੇਰੇ ਕੋਲ ਰਸਾਲੇ ਪਏ ਨੇ,
-
ਮੇਰੇ ਕੋਲ ਸਾਰੀ ਡਿਟੇਲ ਆ
-
ਮੈਂ ਰਸਾਲੇ ਪੜ੍ਹਦਾ ਰਹਿਨਾ,
-
ਮੈਨੂੰ ਸਾਰਾ ਪਤਾ ਕਿ ਇਹ ਆਹ ਕੁਝ ਕਰਦੇ ਸੀ।
-
ਇਹ ਅੱਜ ਓਹੀ ਸ਼੍ਰੋਮਣੀ ਕਮੇਟੀ ਦੇ ਮੈਂਬਰ ਬਣੇ ਬੈਠੇ।
-
ਉਹਨਾਂ ਕੀ ਸੁਧਾਰ ਕਰ 'ਤਾ ਉੱਥੇ
-
ਕੋਈ ਸੁਧਾਰ ਨਹੀਂ ਹੋਇਆ।
-
ਜਿਵੇਂ ਭਿੰਡਰਾਂਵਾਲੇ ਹੁੰਦੇ ਸੀ।
-
ਅਸੀਂ ਟਕਸਾਲ ਨੂੰ ਮਾੜਾ ਨਹੀਂ ਕਹਿੰਦੇ,
-
ਟਕਸਾਲ ਦੇ ਲੋਕ ਮਾੜੇ ਆ।
-
ਮੇਰੀ ਮਾਤਾ ਕਹਿੰਦੀ ਰਹਿੰਦੀ ਕਿ ਮੇਰਾ ਮੁੰਡਾ ਆਊਗਾ
-
ਵਾਪਸ ਆਊਗਾ।
-
ਉਹ ਕਹਿੰਦੀ, ਮੈਂ ਰੋਟੀ ਖਾਣ ਲਈ ਨਾ ਕਹਿੰਦੀ,
-
ਸ਼ਾਇਦ ਬਚ ਜਾਂਦਾ।
-
ਉਹ ਬੱਸ ਚੜ੍ਹਨ ਵਾਲਾ ਸੀ,
-
ਮੈਂ ਕਿਹਾ, ਰੋਟੀ ਬਣਾਉਣੀ ਆਂ ਤੇਰੇ ਲਈ,
-
ਰੋਟੀ ਖਾ ਕੇ ਜਾਈਂ।
-
ਮੈਂ ਹਾਕ ਕਿਉਂ ਮਾਰੀ
-
ਉਸ ਤੋਂ ਥੋੜ੍ਹੇ ਚਿਰ ਬਾਅਦ ਉਹਦੀ ਡੈੱਥ ਹੋ ਗਈ।
-
ਮੇਰੀ ਨਾਨੀ ਆ,
-
ਉਹਦਾ ਬਾਹਲਾ ਆ ਗੋਨੀ-ਗੋਨੀ ਕਰਦੀ ਰਹਿੰਦੀ।
-
ਉਹਨੇ ਹੀ ਨਾਉਂ ਰੱਖਿਆ ਸੀ ਉਹਦਾ।
-
ਉਸ ਟਾਈਮ ਮੈਂ ਥਾਣੇ ਖੁਦ ਜਾਂਦਾ ਰਿਹਾ ਹਾਂ।
-
ਚੋਰ-ਉਚੱਕੇ ਹੁੰਦੇ ਸੀ ਜਾ ਕੋਈ ਕੁੜੀ ਦਾ ਕੇਸ ਆ,
-
ਉਹਨਾਂ ਨੂੰ ਪੁਲਿਸ ਕੁਝ ਨਹੀਂ ਕਹਿੰਦੀ ਸੀ।
-
ਬੱਸ ਖਾੜਕੂਆਂ ਦੇ ਪਿੱਛੇ ਪਈ ਸੀ।
-
ਉਹਨਾਂ ਨੂੰ ਅੱਤਵਾਦੀ ਕਹਿੰਦੇ ਸੀ
-
ਚੋਰ-ਉਚੱਕਿਆਂ ਲਈ ਟਾਈਮ ਹੀ ਨਹੀਂ ਸੀ
-
ਉਹਨਾਂ ਨੂੰ ਅੰਦਰ ਹੀ ਨਹੀਂ ਵੜਨ ਦਿੰਦੇ ਸੀ।
-
ਪੁਲਿਸ ਨਿਜ਼ਾਆਤੀਆਂ ਕਰਨ ਲੱਗੀ ਹੋਈ ਸੀ।
-
ਕੁਝ ਪੈਸੇ ਦਾ ਲੋਭ, ਕੁਝ ਤਰੱਕੀਆਂ, ਕੁਝ ਬਾਦਲਾਂ ਦਾ ਹੱਥ ਸੀ।
-
ਉਦੋਂ ਇਹੀ ਹਾਉਮਾ ਬਣਾਇਆ ਸੀ ਇਹਨਾਂ ਨੂੰ ਖਤਮ ਕਰੋ
-
ਜਿਵੇ ਮਰਜੀ ਖਤਮ ਕਰੋ
-
ਮਗਰ ਚੋਰ-ਉਚੱਕੇ ਲੁੱਟ ਕਰਦੇ,
-
ਖੋਹ ਕਰਦੇ, ਕੋਈ ਡੋਡੇ ਵੇਚਦਾ।
-
ਉਹਨਾਂ ਨੂੰ ਥਾਣੇ ਅੰਦਰ ਹੀ ਨਹੀਂ ਸੀ ਵੜਨ ਦਿੰਦੇ।
-
ਉਹਨਾਂ ਨੂੰ ਕਹਿੰਦੇ ਸੀ, ਮੁੜ ਜਾਓ।
-
ਜੇ ਕੋਈ ਲੜਾਈ ਦਾ ਮਸਲਾ ਸੀ,
-
ਕਹਿੰਦੇ ਸੀ, ਪੰਚਾਇਤਾਂ 'ਚ ਨਿਬੇੜੋ।
-
ਸੌ-ਸੌ ਬੰਦਾ ਥਾਣੇ ਵਿੱਚ ਬੈਠਾ ਹੁੰਦਾ ਸੀ
-
ਇਹੀ ਖਾੜਕੂਆਂ ਦੇ ਕੇਸ 'ਚ।
-
ਸਾਡੇ ਪੈਲ ਥਾਣਾ, ਹੁਣ ਤਾਂ ਦੋਰਾਹਾ ਲਾ 'ਤਾ,
-
ਪਹਿਲਾਂ ਸਾਡਾ ਪੈਲ ਥਾਣਾ ਮਸ਼ਹੂਰ ਹੁੰਦਾ ਸੀ।
-
ਪਹਿਲਾਂ-ਪਹਿਲਾਂ ਅਸੀਂ ਗੁਰਦਾਸਪੁਰ ਸੁਣਦੇ ਹੁੰਦੇ ਸੀ,
-
ਓਹੀ ਕੁਝ ਇੱਥੇ ਹੁੰਦਾ ਸੀ।
-
ਸਾਡੇ ਦੋ ਕਿਲੋਮੀਟਰ ਬੇਅੰਤ ਦਾ ਪਿੰਡ ਆ,
-
ਕੋਟਲੀ ਮੁੱਖ ਮੰਤਰੀ ਬੇਅੰਤ ਦਾ।
-
ਉਸਨੇ ਸਪੈਸ਼ਲ ਡਿਊਟੀ ਲਗਾਈ ਸੀ ਕਿ
-
ਇਹਨਾਂ ਨੂੰ ਤਾਂ ਕੁੱਟਣਾ ਹੀ ਕੁੱਟਣਾ,
-
ਜਿਹੜਾ ਇਹਨਾਂ ਦੇ ਮਗਰ ਆਉਂਦਾ ਢਾਹ ਲਓ।
-
ਜਿਹੜੇ ਖਾੜਕੂ ਤੁਰੇ ਫਿਰਦੇ ਸਾਨੂੰ ਪੁੱਛਦੇ,
-
ਵੋਟ ਕਿਹਨੂੰ ਪਾਈ
-
ਮੈਂ ਕਿਹਾ ਕਿ, ਕਿਸੇ ਨੂੰ ਨਹੀਂ ਪਾਈ
-
ਕਹਿੰਦੇ, ਕਿਉਂ ਨਹੀਂ ਪਾਈ
-
ਅਸੀਂ ਕਿਹਾ, ਕਿਉਂ ਪਾਈਏ
-
ਸਾਨੂੰ ਮਾਰ ਦਿੰਦੇ।
-
ਸਾਡੇ ਸਾਹਮਣੇ ਦਿਹਾੜੂ ਪਿੰਡ ਵਿੱਚ ਮੁਕਾਬਲਾ ਬਣਾਇਆ ਸੀ
-
ਇਹਨਾਂ ਬੱਬਰ ਖਾਲਸਾ ਵਾਲਿਆਂ ਨਾਲ।
-
ਉਹਨਾਂ ਕਈ ਪੁਲਿਸ ਵਾਲੇ ਮਾਰੇ ਸੀ।
-
ਉਦੋਂ ਰੂੜੀਆਂ-ਰਾੜੀਆਂ ਢੋਂਦੇ ਸੀ ਲੋਕ।
-
ਹਾੜ੍ਹ ਦਾ ਮਹੀਨਾ ਸੀ ਉਦੋਂ।
-
ਢੋਇਆ ਚ ਲੁੱਕ ਕੇ ਬਚੇ ਸੀ ਇਹ
-
ਉਹ ਅਸਲ ਮੁਕਾਬਲਾ ਹੋਇਆ ਸੀ, ਹੋਰ ਕੋਈ ਨਹੀਂ।
-
ਸਾਡੇ ਇੱਥੇ ਪੁਲ 'ਤੇ ਇੱਕ ਸ਼ੇਰਾ-ਸ਼ੇਰਾ ਹੁੰਦਾ ਸੀ,
-
ਇੱਕ ਸੀ ਬਲਬੀਰ ਸਿੰਘ।
-
ਕੰਧਾਂ ਵਿੱਚ ਗੋਲੀਆਂ ਲੱਗੀਆਂ ਸੀ,
-
ਉਹ ਫੜ੍ਹ ਕੇ ਮਾਰੇ ਸੀ।
-
ਮੁਕਾਬਲਾ ਤਾਂ ਕੋਈ ਹੋਇਆ ਹੀ ਨਹੀਂ।
-
ਇੱਕ ਹੀ ਮੁਕਾਬਲਾ ਖੰਨੇ ਹੋਇਆ ਸੀ,
-
ਪਹਿਲਾਂ ਪਟਾ ਉਹਨਾਂ ਮੇਰੇ ਗੋਡੇ ਥੱਲਿਓਂ ਹੀ ਪਾਇਆ।
-
ਕਹਿੰਦਾ ਲੱਖਿਆ ਇਹ ਉਹ ਆ ਜਿਹੜਾ ਜਿਪਸੀ ਚੋ ਭੱਜ ਗਿਆ ਸੀ
-
ਉਹ ਵਾਪਿਸ ਮੁੜ ਆਇਆ
-
ਫੇਰ ਇੱਕ ਜਣੇ ਨੇ ਮੇਰਾ ਗੋਡਾ ਫੜ੍ਹਿਆ ਤੇ
-
ਕੜੱਕ ਦੀ ਆਵਾਜ਼ ਆਈ।
-
ਮੈਨੂੰ ਮਹਿਸੂਸ ਨਹੀਂ ਹੋਇਆ।
-
ਜਦੋਂ ਮੈਂ ਉੱਠਣ ਲੱਗਿਆ ਤਾਂ ਇੱਕਦਮ ਡਿੱਗ ਪਿਆ।
-
ਇੱਕ ਬਾਹਰ ਪੁਲਿਸ ਵਾਲਾ ਖੜ੍ਹਾ ਸੀ ਸੰਤਰੀ।
-
ਕਹਿੰਦਾ, ਕੀ ਹੋਇਆ
-
ਮੈਂ ਕਿਹਾ, ਮੇਰੀ ਲੱਤ ਨੂੰ ਪਤਾ ਨਹੀਂ ਕੀ ਹੋਇਆ।
-
ਮੇਰੀ ਲੱਤ ਨਹੀਂ ਲੱਗਦੀ।
-
ਦੂਸਰਾ ਕਹਿੰਦਾ, ਗੋਡਾ ਕੱਢ ਤਾ ਇਹਦਾ।
-
ਪਹਿਲਾਂ ਭੱਜ ਗਿਆ ਸੀ, ਫੇਰ ਭੱਜ ਸਕਦਾ,
-
ਇਸ ਲਈ ਗੋਡਾ ਕੱਢ ਤਾ ਇਹਦਾ।
-
ਜਦੋਂ ਲੈਟਰੀਨ-ਬਾਥਰੂਮ ਜਾਂਦਾ ਸੀ,
-
ਜਾਂ ਤਾਂ ਫੜ੍ਹ ਕੇ ਲਿਜਾਂਦੇ ਸੀ ਜਾਂ
-
ਗੋਡਾ ਚੜ੍ਹਾ ਦਿੰਦੇ ਸੀ।
-
ਹੌਲਦਾਰ ਸੀ ਇੱਕ
-
ਉਹਨੇ ਆਏ ਫੜਿਆ ਤੇ ਗੋਡਾ ਪੈ ਗਿਆ
-
ਕਈ ਵਾਰੀ ਕੱਢਿਆ,
-
ਕਹਿੰਦਾ ਭੱਜ ਜਾਂਦਾ ਸੀ ਇਹ
-
ਕਹਿੰਦਾ, ਜਿਪਸੀ 'ਚੋਂ ਭੱਜ ਗਿਆ ਸੀ,
-
ਫੇਰ ਭੱਜ ਸਕਦਾ।
-
ਕਿਤੇ ਜਾਵੇ ਨਾ, ਏਥੇ ਹੀ ਬੈਠਾ ਰਹੇ
-
ਕਮਰੇ 'ਚ ਹੀ ਬਿਠਾਈ ਰੱਖਦੇ ਸੀ ਹਵਾਲਾਤ 'ਚ
-
ਹੀ ਜੂੜੀ ਰੱਖਦੇ ਸੀ।
-
ਟਾਰਚਰ ਤਾਂ ਜੀ ਇਕ ਗੋਲ ਟੰਬਾ ਜਿਹਾ ਹੁੰਦਾ
-
ਪੰਜ ਕੁ ਫੁੱਟ ਦਾ
-
ਉਹਦੇ ਵਿੱਚ ਲੱਤਾਂ ਫਸਾ ਕੇ
-
ਲੱਤਾਂ ਪਿੱਛੇ ਨੂੰ ਕਰ ਦਿੰਦੇ ਸੀ ਢੁਈ ਮਗਰ
-
ਫੇਰ ਸਾਰੇ ਕੱਪੜੇ ਉਤਾਰ ਦਿੰਦੇ ਸੀ
-
ਬਾਹਵਾਂ ਪਿੱਛੇ ਨੂੰ ਬੰਨ੍ਹ ਦਿੰਦੇ ਸੀ
-
ਜ਼ਲੀਲ ਕਰਦੇ ਸੀ ਬਹੁਤ
-
ਜੂੜਾ ਖੋਲ੍ਹ ਕੇ ਕਿ ਹੱਥ ਪੈ ਜਾਵੇ
-
ਪਿਛਾਂਹ ਨੂੰ ਖਿੱਚਦੇ ਸੀ
-
ਇਕ ਜਣਾ ਵਿਚਕਾਰ ਲੱਤ ਫਸਾ ਲੈਂਦਾ ਸੀ
-
ਕਿ ਨਾ ਅਗਾਂਹ ਨੂੰ ਹੋ ਸਕੇ ਨਾ ਪਿਛਾਂਹ ਨੂੰ
-
ਇੱਕ ਜਣਾ ਆਹ ਗੋਡਾ ਫੜ ਲੈਂਦਾ ਸੀ
-
ਇਕ ਜਣਾ ਆਹ ਗੋਡਾ ਫੜ੍ਹ ਲੈਂਦਾ ਸੀ
-
ਦੋ ਜਣੇ ਪੈਰਾਂ ਦੇ ਵਿੱਚ ਪੈਰ
-
ਫਸਾ ਕੇ ਆਏ ਵਧਾਈ ਜਾਂਦੇ ਸੀ
-
ਫੇਰ ਧੌਣੀ ਬੰਨ੍ਹ ਕੇ ਲਟਕਾ ਦਿੰਦੇ ਸੀ ਪੁੱਠਾ ਛੱਤ ਨਾਲ
-
ਇਕ ਖੜ੍ਹਾ ਰਹਿ ਪੈਣ ਨਹੀਂ ਦੇਣਾ,
-
ਬਸ ਇਹੀ ਕੁਝ ਸੀ
-
ਪੁੱਠਾ ਲਟਕਾ ਦੇਣਾ ਤੇ ਚੱਡੇ ਪਾੜ ਦੇਣੇ
-
ਪੈਣ ਨਹੀਂ ਦੇਣਾ,
