https:/.../Tulu_tale_1_Thokuru_guttu.webm

ಏಳ್ವೆರ್ ಪಲಯಲ್ಲು ಇತ್ತೆರ್ಗೆ ಈ ಏಳ್ ಜನ ಪಲಯಲ್ಲು ಇತ್ತೆರ್

ಏಳ್ ಜನ ಪಲಯಲ್ಲಗ್ ಒಂಜಿ ತಂಗಡಿ ಇತ್ತಾಲ್

ಒಂಜಿ ತಂಗಡಿ ಇತ್ತಾಲ್ಂದಾಂಡ ಬಾರೀ ಪೊರ್ಲುಡು ಬಾರೀ ಪ್ರೀತಿಡ್ ಸಾಂಕೊಂದಿತ್ತೆರ್ ಈ ಏಳ್ ಜನ ಪಲಯಲ್ಲುಲಾ

ಏಳ್ ಜನಕ್ಲಾ ಮದಿಮೆ ಆತ್ತ್ಂಡ್ ಮದಿಮೆ ಆದ್ ಅಕ್ಲೆನ ಬೊಡೆದಿಯಲ್ಲು ಇತ್ತೆರ್

ಮೊಕ್ಲೆನ ಇಲ್ಲ್ ಏಳ್ ಮಾಳಿಗೆದ ಏಳ್ ಉಪ್ಪರಿಗೆದ ಇಲ್ಲ್ ಏಳ್ವೆರ್ ಪಲಯಲ್ಲೆನ

ಮೊಕುಲು ಒಂಜಿ ದಿನ ಓಡೆಗಾ ದಂಡ್ ಪೊಯೆರ್

ಪೊದಾನಗ ಮೊಕುಲು ಬೊಡೆದಿಯಲ್ಲೆಡ ಪಂಡೆರ್ ಮೆಗ್ದಿನ್ ಬಾರೀ ಜಾಗ್ರತೆಡ್ ತೂವೊಡು ಪಂಡ್ದ್

ಮೊಕುಲು ಆವು ಪಂಡೆರ್ ಮೊಕುಲೆನ್ ಅಂಚ ಎನ್ಜೆರ್ ತಂಗಡಿನ್ ಮಾತ್ರ ಪಂಡೆರ್ ಅಂಚಾದುಪ್ಪುನಾಗ ಮೊಲೆನ್ ಮೊಕ್ಲು ಪಿರ ಬರೊರ್ದುಂಬು ದಾದಾಂಡಲಾ ಮಲ್ಪೊಡುಂದು ಈ ಏಳ್ ಜನಲಾ ಅಂದಾಜಿ ಮಲ್ತೆರ್

ಮಲ್ತ್ದ್ ಒಂಜಿ ಕಾಡ್ಗ್ ಕೊನೊದ್ ಬುಡಿಯೆರೆ ಅಕ್ಲೆನ ಕೆಲಸದಕ್ಲೆಡ ಪಂಡೆರ್ ಮೊಲೆನ್ ಕೊನೊದ್ ಗುಡ್ಡೆದ ನಡುಟು ಬುಡ್ಲೆ

ಒಂಜಾ ಪಿಲಿ ಇಜ್ಜಿಂದಾಂಡ ಪೆರ್ಮರಿ ನಿಂಗಡ್ ಪಂಡ್ದ್ ಎನ್ನಿಯೆರ್ ಅಂಚ ಮೊಕುಲು ರಾತ್ರೋ ರಾತ್ರಿ ಪೊನ್ನನ್ ಕೊನೊದ್ ಬುಡಿಯೆರ್

ಬುಡ್ಡಾದಾನಾಗ ಅವ್ಲೊಂಜಿ ದ್ಯೆವದ ನಡೆ ಇತ್ತ್ಂಡ್ ಅವು ಈ ಪೊನ್ನನ್ ಮಾಯಿಕ ಮಲ್ತ್ಂಡ್

ಮಾಯಿಕ ಮಲ್ಪುನಾಗ ದಾದ ಪಂಡ್ಂಡ್ ಈ ಮನ್ಜಲ್ ದ ಕೊಂಬಾದ್ ಉಪ್ಪುಲಾ ಒಂಜಿ ಕಾಲ ಬನ್ನಗ ಈ ಪೊನ್ನಾದ್ ನಿನ್ನ ಪಲಯಲ್ಲೆಗ್ ತಿಕ್ಕ್ ಲಾ

ಅಂಚ ಈ ಪೊನ್ನು ಮನ್ಜಲ್ ದ ಕೊಂಬಾದ್ ಇತ್ತಾಲ್ .

ಆಯಿರ್ದ್ ಬೊಕ್ಕ ಒಂಜಿ ಅಜ್ಜಿ ಕನಕ್ ಪೆಜ್ಜೋಂದ್ ಗುಡ್ಡೆಗ್ ಪೋಂಡ್

ಗುಡ್ಡೆಗ್ ಪೋದು ಕನಕ್ ಪೆಜ್ಜೋಂದ್ ಉಪ್ಪುನಾಗ ಬಾರೀ ಪೊರ್ಲುದ ಒಂಜಿ ಮನ್ಜಲ್ ದ ಕೊಂಬು ತಿಕ್ಕುಂಡು

ಅಯಿನ್ ಈ ಅಜ್ಜಿ ಕನಕ್ ಪೆಜ್ಜೋಂದ್ ಬತ್ತ್ದ್ ನೆನ್ ಲಾ ಪೆಜ್ಜೋಂದು ಬತ್ತ್ಂಡ್

ಬತ್ತ್ದ್ ಈ ಮನ್ಜಲ್ ದ ಕೊಂಬುದ ಪೊರ್ಲು ತೂದ್ ಈ ಒಂಜಿ ಅರಿತ ಕರಟ್ ಪಂಡ ಕರಟ್ ಅರಿ ಪಾಡ್ದ್ ದೀಪುನಿ

ಪಾಡ್ದ್ ದೀದ್ ಬೇಲೆಗ್ ಪೋದು ಬತ್ತ್ ದ್ ಅರಿ ಪಾಡುನಿ ಉಂದು ದಿನೊಡ್ದ್ ದಿನ ನಿಲ್ಕೆ ನಿಲ್ಕೆನೇ ಆವೊಂದುಂಡು ಅರಿ ಪಾಡಂದೆಲಾ ನಿಲ್ಕೆ ಆವೊಂದುಂಡು ಅರಿ ಪಾಡ್ಜಿಂಡಲಾ ನಿಲ್ಕೆ ಆವೊಂದುಂಡು

ಈ ಅಜ್ಜಿಗ್ ಬಾರೀ ಆಶ್ಚರ್ಯ ಆಂಡ್ ಯಾನ್ ಪಾಡಿಜಿಂಡಲಾ ನೆಟ್ಟ್ ಎಂಚ ನಿಲ್ಕೆ ಆಪಿನಿ

ದೆತ್ತಿನಾತ್ ಬೊಕ್ಕಲಾ ನಿಲ್ಕೆ ಆಪುಂಡು ಆಯಿಟ್ಟ್ ಇಂಚೆನೆ ಕೆಲವು ಸಮಯ ಪೋಂಡು

ಎಂಚ ನಿಲ್ಕೆ ಆಪುಂಡುಂದು ಗೊತ್ತಾಯಿಜಿ ಈ ಪಲಯಲ್ಲು ಬತ್ತೆರ್

ಪಲಯಲ್ಲು ಬತ್ತ್ದ್ ಕೇಂಡೆರ್ ಬೊಡೆದಿಯಲ್ಲೆಡ ಒಲ್ಲಾಲ್ ತಂಗಡಿಂದ್

ಆಲ್ ಓಡೆಗಾ ಬಲ್ತ್ದಾಲ್ಂದ್ ಆಂಡ್ ಆಲ್ ಇಜ್ಜಾಲ್ ಪೊತಾಲ್ಂದ್ ಆಂಡ್

ಪಲಯಲ್ಲು ಇಡೀ ಊರೂರು ತಿರ್ಗಯೆರ್ ನಾಡಯೆರ್

ಓಲ್ ನಾಡ್ಂಡ ಲಾ ತಂಗಡಿ ತಿಕ್ಕಿಜಾಲ್

ಇತಾನಾಗ ಮೊಕುಲೆಗ್ ಒಂಜಿ ಆಶ್ಚರ್ಯದ ಸಂಗತಿ ಎಂಚಿನಾಂದ್ ಪನ್ನಗ,

ಈ ಪರಬು ಅಕ್ಲೆ ಇಲ್ಲಡೆ ಬೆಲೆಗ್ ಪೋಪುನ ಪರಬು ಆ ಪರಬು ನ ಇಲ್ಲಲ್ ಇಂಚ ಅರಿ ಉರ್ಕಾರೊಂದುಂಡುಗೆ ಪಂಡ್ದ್ ಗೊತ್ತಾಂಡ್

ಅಂಚ ದಾದ ಉರ್ಕಾರುನಿ ಒಂಜಿ ಮಧ್ಯಾಹ್ನದ ದೊಂಬುಗು ಬತ್ತೆರ್ ಅಂಚ ಬತ್ತ್ದ್ ತೂನಗ ಮನ್ಜಲ್ ದ ಕೊಂಬು ಪೊನ್ನಾದ್ ಬತ್ತಾಲ್

ಆತನಾಗ ಮೊಕುಲೆಗ್ ಬಾರಿ ಕುಶಿಯಾಂಡ್ ಕೇಂಡೆರ್ ಸೂರುಕು ಪೊನ್ನು ಪಂಡಿಜಾಲ್ ಮನ್ತಿಜಾಲ್

ಕಡೆಕ್ ಪಂಡಲ್ ಆಯಿರ್ದ್ ಬೊಕ್ಕ ಅಕ್ಲೆನ್ ಅಕ್ಲೆನ ಅಪ್ಪೆ ಇಲ್ಲಡೆ ಗಿಡತಿನಿ.

ಅಂಚ ಒಂಜಿ ಕಥೆ.