https:/.../Song_sung_while_doing_aarti_for_married_couples_in_Arebaase.webm

ಇದ್ ಮದುಮಕ್ಕ ಶೇಶೋಪಚಾರಕ್ಕೆ ಕುದುಕೊಂಡಿದ್ದವೆ

ಆಗ ಹುಡುಗನ ಕಡೆಂದ ಒಂದು ಮೂರು ಜನ

ಹೆಂಗಸರಿರೊಕು

ಹುಡುಗಿಯ ಕಡೆ ಒಂದು ಮೂರು ಜನ ಹೆಂಗಸರಿರೊಕು.

ಒಂದು ಅಕ್ಕಿ ಆರತಿ ಮಾಡುವಾಗ ಹೇಳುವ ಒಂದು ಸೊಬಾನೆ.

ರಾಜಿಪಮಣಿಮಯ ರತ್ನ ಪೀಟದಲಿ

ರಾಜಾದಿರಾಜ ಶ್ರೀರಾಮ ಕುಳ್ಳಿರಲು

ರಾಜವಾಂಬಕಿ ಸೀತೆಯೊಡಲೊಪ್ಪಿರಲು

ರಾಜ ವದನೆಯರು ಹರಿವಾಣಾದಲಿ

ರಾಜಿಸುವಾದಾರತಿಯ ಬೆಳಗಿರೆ ಶೋಬಾನೆ

ಮುತ್ತಿನೋಲೆಯ ಹರಪದಕವಿಟ್ಟವಳು

ಮುತ್ತಿನ ಬೊಟ್ಟು ಮೂಗುತ್ತಿ ಇಟ್ಟವಳು

ಮುತ್ತಿನ ಕಡಗ ಮುಂಗೈಯಲ್ಲೊಪ್ಪಿರಲು

ಮುತೈದೆಯರು ಹರಿವಾಣದಲಿ

ಮುತ್ತಿನಾರತಿಯ ಬೆಳಗಿರೆ ಶೋಬನೆ

ಕನಕ ಕುಂಡಲ ಕುಂಡಲಾಂಕೃತಗೆ

ಕನಕಾದರಣದಿ ಕಮಲ ನಯನನಿಗೆ

ಕನಕಾದಾರತಿಯ ಬೆಳಗಿರೆ ಶೋಬನೆ.

ದಶರತ ರಾಯನ ಶಿಶುವೆನಿಸಿದಗೆ

ದಶಾಶಿರನ ಕೊರಳನು ಕತ್ತರಿಸಿದವಗೆ.

ಚತುವರ ಭುವನನಿದಾತೆಗೆ

ನೀಲಾದಾರತಿಯ ಬೆಳಗಿರೆ ಶೋಬಾನೆ .

ನಾರಾದವಂದ್ಯಗೆ ನಂದಕಂದನಿಗೆ

ನಾರಿ ದ್ರೌಪದಿಗಭಯವಿತ್ತವಗೆ

ನಾರಾಯಣ ನಮೋ ನಮೋ ಎಂದು

ಸ್ತುತಿಸಿದ ನಾರಿಯಾದಾರತಿಯ ಬೆಳಗಿರೆ ಶೋಬಾನೆ