RACINE & RUTH: UNGANA NASI KATIKA CHUO KIKUU CHA MUNGU!

Kutoka kwenye miaka mingi ya kujifunza chini ya na kutembea na Jenerali wa Mungu, Nabii TB Joshua, hadi siku alipoitwa Nyumbani, shauku imewaka mioyoni mwetu ya kutoa hazina ambayo Mungu ametupa - Neno lililo hai kwa nguvu ya Mungu. Roho takatifu!

[muziki]

Je! unajua kuwa wewe ni kazi ya sanaa?

Mwanadamu ndiye zao kuu la Mungu.

Ninamaanisha, mtu aliyeundwa kufikiria,

kuzungumza na kutenda pamoja na Mungu.

Je, unaishi sambamba na Mungu?

Je, hali yako ikoje mbele za Mungu leo?

Bila neema ya Roho Mtakatifu inayokaa ndani yake,

mwanadamu ni kivuli tu cha yule aliyeumbwa na Mungu!

Mwanadamu ambaye Mungu alimuumba

hakuwa mtu wa kimwili tu

anayetawaliwa na hisi zake

bali ni mjumbe kati ya ulimwengu

unaoonekana na usioonekana.

Mungu na mwanadamu walikuwa wakizungumza

pamoja kama marafiki.

Lakini siku moja, mwanadamu

alivunja uhusiano kwa kutokutii

na akaenda mbali na Mungu.

Kisha akaenda mbali zaidi hadi,

mwishowe akaondoka nyumbani.

Aliiacha nchi yake ya asili, Edeni,

ambako aliishi na Mungu.

Alihama kutoka kwenye uwepo wa Mungu.

Tangu wakati huo, Mungu amekuwa

na shauku ya kuweza
kuzungumza tena

na rafiki yake wa zamani

lakini mwanadamu,

kwa kuondoka katika uwepo wa Muumba wake,

alipoteza lugha yake mama.

Namaanisha, alipoteza lugha yake
ya asili na Mungu.

Na akawa hawezi kuwasiliana na
Muumba wake katika roho na kweli.

Mwanadamu wa kawaida hawezi kusikia
au kuzungumza na Mungu;

hii ndiyo changamoto tunayokabiliana
nayo leo.

Ingawa Mungu huzungumza tena na tena,

wengi sana hawapo makini kusikia
kile Anachosema (Ayubu 33:14).

Ukimya ni mgumu kwa Mungu.

Kama vile baba wa mwana mpotevu

alivyokuwa na shauku ya kumwona
mwanawe akirudi nyumbani,

Mungu ana shauku ya kuwa na uhusiano
wa karibu tena na mwanadamu,

Rafiki yake wa zamani.

Ndiyo maana ilimbidi achague lugha

ambayo mwanadamu angeelewa.

Kwa hivyo alimtuma Mwanawe,
Yesu Kristo duniani kumrudisha mwanadamu,

Rafiki Yake wa zamani, arudi Kwake tena.

Mungu aliheshimu lugha ya mwanadamu
kwa kumwita Yesu Neno.

Neno alifanyika mwili na akaingia
ulimwenguni.

Yesu ni Mungu akijieleza Mwenyewe

kwa lugha ambayo mwanadamu
anaweza kuelewa,

lugha ya roho na uzima (Yohana 6:63).

Je, ni kwa muda gani tutaendelea kuwaza,

kuzungumza na kuishi katika hali
ya kimwili

ilihali Yesu anakungoja katika mahala
pa Roho Wake?

Ni wasaa wa kurudi tena katika chuo
cha Mungu

Na kuanza kumtafuta Roho.

Kutoka kwenye miaka mingi ya kujifunza
chini ya, na kutembea

pamoja na Jenerali wa Mungu, Nabii
TB Joshua,

hadi alipoitwa Nyumbani Mbinguni,

shauku imewashwa mioyoni mwetu
kutoa hazina tuliyopewa na Mungu;

Neno lililo hai katika nguvu za
Roho Mtakatifu!

Maandishi ya Neno hayawezi kusonga,

hayawezi kufanya kazi bila
uhai wa Mungu (Yohana 6:63).

Kila Neno la Mungu ni Roho na uzima.

Na ni uzima halisi wa Mungu

katika Neno hilo unaotia nguvu,
nishati katika Neno.

Hili ndilo Neno linaloponya, kuokoa,
kukomboa

na kumwezesha mwamini kuishi maisha
ya ushindi katika Kristo.

Kama vile Simoni Petro katika Yohana 6:68,

tumegundua kwamba hakuna mbadala wa Yesu

kwa sababu Yeye peke yake ndiye mwenye
Maneno ya uzima wa milele.

Baada ya mshauri wetu kuitwa Nyumbani
tarehe 5 Juni 2021,

kama wanafunzi wa zamani,
Yesu alipopaa Mbinguni,

tumekuwa tukingoja katika imani.

Na katika tarehe 8 ya Desemba 2021,
nilipokea ufunuo toka kwa Mungu.

Na nikapewa jina la
'Chuo Kikuu Cha Mungu'.

[muziki]

Nilijikuata katika chumba cha glasi
ndani ya pango

lisilokuwa na sehemu ya kutokea

Ghafla mwamba wenye nguvu ukaja
kutoka Mbinguni

na kugonga mlima wa mawe.

ulitoboa lile pango.

Mlima ulitikisika, lakini nilibaki
thabiti ndani ya chumba cha kioo.

Jiwe lilitoboa kwenye mlima wa mawe.

Niliangalia.

Kisha nikatoka na kutembea.

Nilisimama na kushtuka pale nilipoona

mwamba ulikuwa umechimba handaki zuri kabisa
iliyotengenezwa kwa dhahabu!

Nilijiambia, lazima kuwe na maji
mwishoni mwa handaki hili.

Nilianza kutembea.

Ghafla sauti ikasikika kutoka juu:

“Baki hapo ulipo. Usiingie!
Maji yanakujia.”

Nilisimama na kubaki pale nilipokuwa.

Niliposimama tuli, ghafla niliona maji

yakitiririka kutoka mwishoni mwa handaki
kuelekea kwangu.

Maji yalikuwa safi, yakimeta kwa uhai.

Yalitiririka karibu zaidi

mpaka yakafika kwenye vidole vyangu

na kunawisha miguu yangu kama wimbi
kwenye ufuo wa bahari.

Nilipokuwa nikitafakari juu ya ono hilo,

moyo wangu ulinisukuma kwenye
Kitabu cha Danieli 2:44. Nitasoma;

Na katika siku za wafalme hao Mungu
wa mbinguni atausimamisha ufalme

ambao hautaangamizwa milele, wala watu
wengine hawataachiwa enzi yake;

bali utavunja falme hizi zote
vipande vipande na kuzikomesha,

nao utasimama milele na milele.

Hii ndiyo maana ya maono ya mwamba
uliochongwa kutoka mlimani,

lakini si kwa mikono ya binadamu
— mwamba uliovunja

chuma, shaba, udongo, fedha na dhahabu
vipande vipande.

Kusudi la mwamba ni nini?

Kama inavyosema katika kitabu cha
Yeremia 1:10, nitasoma;

angalia, nimekuweka leo juu ya mataifa
na juu ya falme, ili kung'oa, na kubomoa,

na kuharibu, na kuangamiza;
ili kujenga na kupanda.

Kusudi la mwamba ni kuondoa kizuizi
kati ya mioyo yetu na Mungu.

Muda ambapo mtu anapokabidhi moyo wake
kwa Roho Mtakatifu, pazia huondolewa.

Neno la Mungu ni mbegu ya maisha ya
kiungu

ambayo huja ndani ya mioyo yetu
na kusababisha imani kukua.

Maono hayo ni kwa wakati ulioamriwa
(Habakuki 2:3).

Sasa, muda umewadia

Maono ni kwa ajiri kumuunganisha mwanadamu
kwa Mungu tena.

kupitia Neno Lake, kwa Roho Wake,
ili kuujenga Mwili wa Kristo.

na kushirikiana na mtandao wa makanisa
kote ulimwenguni.

Maono haya yanaendana na wito na
zawadi ya Mungu katika maisha yetu.

Mwamba ulioanguka kutoka Mbinguni
ni Neno la Ufalme

kama Yesu alivyosema katika Mathayo 13:19.

Maono yetu ni kusaidia kuingiza Neno
katika mioyo ya watu -

kwa sababu ni pale tu ndipo linafanya kazi
kwa ufanisi.

Kama Biblia inavyosema Katika kitabu cha
2 Wakorintho 3:3 - Wacha nikusomee;

Ni dhahiri kwamba ninyi ni barua
iliyoandikwa na Kristo,

matokeo ya kazi yetu.

Barua hii haikuandikwa kwa wino bali kwa
Roho wa Mungu aliye hai,

si juu ya vibao vya mawe, bali juu ya
vibao vya mioyo ya wanadamu.

Katika miongo miwili iliyopita chini ya
ushauri wa Nabii TB Joshua,

mwingiliano wetu na maelfu ya waumini na
viongozi wa makanisa ulimwenguni kote

na maswali ya mara kwa mara yaliyoulizwa
na wengi wakati wa mihadhara

yamevuta mtazamo wetu kwenye upande
wa vitendo wa Ukristo,

Namaanisha, matembezi yetu
ya kila siku na Roho Mtakatifu:

jinsi ya kukuza ufahamu wa kiroho,
jinsi ya kusikia kutoka kwa Mungu,

jinsi ya kujenga imani ya mtu katika
hali ya kutokuwa na uhakika wa maisha.

Masuala haya ya msingi na mengine
yatashughulikiwa

chini ya uongozi wa Roho Mtakatifu

kupitia vipindi vya ufundishaji wa kina
na muda wa maswali shirikishi na majibu.

Maono yetu pia yanakumbatia
makanisa ya mtaani.

Tunataka kushirikiana na mtandao wa
huduma mbalimbali

ili kutoa ujuzi wetu, uzoefu, na karama
za kiroho kama Roho anavyoongoza.

Hadi kanisa la leo linatambua kwamba
roho ya mwanadamu ni chemchemi ya imani,

hapo ndipo Roho Mtakatifu atakapohusika
katika mambo yetu.

Jiunge nasi katika Chuo Kikuu cha Mungu

Maarifa ya kimwili hukoma,
mara ufunuo unapowadia.

Kama mshauri wetu, Nabii TB Joshua
alitufundisha,

“Katika Chuo Kikuu cha Mungu, hata uwe
na kipaji gani, hutapandishwa maradufu,

lazima usome kila kozi kwani
kila kozi ina kusudi lake.”

Kwa hiyo, unahitaji nini?

Moyo wazi.

Ni nyenzo gani zinazohitajika kuchukua
kila kozi - kutokukata tamaa,

kutafuta njia mbadala au kukata tamaa

kwa vipigo vya kikatili vya maisha
vya mara kwa mara?

Unyenyekevu, imani, uvumilivu, saburi,
msamaha na upendo bila kutarajia.

Nani anasahihisha kazi zetu?

Roho Mtakatifu.

Mungu anakungojea mahala pa Roho wake.