Tangazo la KUSISIMUA kwenye Maadhimisho ya TV ya Moyo wa Mungu!!!

Leo ni kumbukumbu ya mwaka wa tatu wa TV ya Moyo wa Mungu. Utukufu wote ni kwa Mungu! Tunapoadhimisha miaka mitatu mizuri ya wema wa Mungu tangu kuzinduliwa kwa huduma mnamo Januari 8, 2022 - Ndugu Chris ana tangazo la kusisimua analotaka kulitoa...

Kuna tangazo
ningependa kushiriki nawe -

tangazo la kusisimua
kwa utukufu wa Mungu.

Kwa hivyo tafadhali, kuwa makini na hili.

Kwa neema ya Mungu, tangu
kuzinduliwa kwa TV ya Moyo wa Mungu,

tumekuwa tukizingatia sana
kuhudumia Maombi Shirikishi.

Ni baraka iliyoje kuweza kuhudumia watu kote ulimwenguni kwa wakati mmoja.

Kama ilivyo leo, tuna watu waliounganishwa kutoka sehemu tofauti za ulimwengu hivi sasa

kupokea ujumbe huu katika lugha tofauti, katika maeneo tofauti ya saa.

Sisi sote tumeunganishwa kwa sababu ya Kristo.

Ni baraka iliyoje - Maombi Shirikishi!

Na tangu mwanzo wa huduma,

tumepokea zaidi ya mawasilisho 150,000 ya Maombi Shirikishi -

watu waliojitokeza na kusema wanataka kuwa sehemu ya huduma hii, watu ambao wamejiunga.

Ni baraka, upendeleo,
neema na heshima iliyoje

kuweza kuhudumia watu kote ulimwenguni kupitia chombo hiki chenye nguvu.

Na ninataka kukuhakikishia - Huduma za Maombi shirikisha hazitakoma wala.

Tutaendelea kufanya Huduma za Maombi Shirikishi

kila mwezi kwa neema ya Mungu.

Lakini siku zote nimesisitiza kwamba huduma za mtandaoni, Maombi Shirikishi -

si mbadala wa huduma za ana kwa ana, kusanyiko la watakatifu;

ambazo ni muhimu sana pia.

Kwa hivyo ninafurahi sana kushiriki nanyi vyote kwamba

TV ya Moyo wa Mungu itakuwa ikifanya
tukio letu la kwanza kabisa la huduma ya hadhara

hapa Uingereza siku ya Jumamosi Machi 15, 2025, katika jiji la Birmingham.

Tutakuwa na tukio letu la kwanza kabisa la huduma ya hadharani hapa Uingereza.

Na jina ambalo Mungu aliweka moyoni mwangu
kwa tukio hili la huduma ni hili -

Mioyo Na Iamke!

Unaweza kumwambia hivyo jirani yako hivi sasa ikiwa uko na mtu,

"Mioyo Na Iamke!"

Hilo ndilo jina la mpango huu -
Mioyo Na Iamke!

Kama Wakristo, hatupaswi kujishusha hadi kiwango cha ulimwengu huu tunamoishi.

Lazima uinuke juu ya kelele.

Inuka juu ya chuki.

Inuka juu ya kukata tamaa.

Inuka juu ya uvumi.

Inuka juu ya ulimwengu wa hisia,
ulimwengu wa dhana akili. Inuka juu!

Mioyo Na Iamke! Wakolosai 3:1-2.

Hili ndilo jina la tukio hili
kwa neema ya Mungu.

Na ikiwa Mungu ameweka moyoni mwako kuhudhuria ibada hii huko Birmingham -

itafanyika katika
Ukumbi Mpya wa Bingley huko Birmingham,

Jumamosi, Machi 15, 2025 -

sasa hivi, unaweza kwenda kwenye tovuti yetu - www.godsheart.tv/uk

Ni rahisi sana kukumbuka!

Hivi sasa, kuna fomu unayoweza kujaza ili tu kusajili nia yako

kuhudhuria ibada kimwili - ikiwa ndivyo Mungu ameweka moyoni mwako.

Tunasubiria kwa shauku kukukaribisha
kwa neema ya Mungu kwenye huduma hiyo

na kuwa na wakati mzuri wa ushirika na huduma pamoja,

katika jina kuu la Yesu Kristo.

Kwa hiyo watu wa Mungu - Acha Mioyo Iamke!

Hili ni tangazo la kusisimua
kwenu nyote.

Na ninataka kusisitiza
jambo muhimu sana.

Tukio hili - kuhudhuria ni bila malipo.

Kumbuka maneno ya
Yesu Kristo katika Mathayo 10:8,

“Mmepokea bure; toa bure.”

Baraka za kiroho haziwezi
kubadilishwa kwa mambo ya kimwili.

Zingatia hilo - baraka za kiroho haziwezi kubadilishwa kwa mambo ya kimwili.

Karama za Mungu haziuzwi.

Neema ya Mungu haiuzwi.

Ikiwa unataka ushahidi zaidi wa hilo, angalia tu kisa cha Simoni Mchawi katika Matendo 8.

Angalia majibu ya Peter kwake
wakati hata aliunganisha

suala la kutoa pesa
ili kupokea karama ya kiroho.

Tazama karipio alilopewa na Petro!

Ngoja nitoe tu neno la ushauri lililo wazi kabisa kulingana na haya niliyoyasema hivi punde.

Wakikuomba ulipe kabla ya maombezi, tafadhali kimbia.

Huduma ya kiroho haiuzwi.

Ikiwa kuna sharti lililoambatanishwa -
'Kabla sijakuombea, lazima utoe hiki' -

tafadhali kimbia. Jitenge.

Hiyo ni bendera kubwa nyekundu kiroho.

Kinachoombewa hakiwezi kulipwa.

Mambo ya Mungu, mambo ya
Roho si miamala

kulingana na hekima ya ulimwengu huu.

'Ukitoa A, utapata B.' Hapana!

Kuweni makini watu wa Mungu.

Tunapokea ujumbe kutoka kwa
watu wanaouliza maswali -

'Nimeombwa kulipa kiasi x kabla ya
kupokea maombi. Je, niendelee?'

Jibu ni hapana. Kimbia!

Nataka utambue hili -

ushahidi wa Roho Mtakatifu ndani ya mtu unahusiana zaidi na mtazamo wao juu ya dhambi

kuliko maonyesho yao ya nguvu.

Kuwa mwangalifu. Ikiwa mtu atasema, 'Nitakuombeni lakini kabla ya sala, kuna sharti'

sharti linaloambatana na kupokea maombi -

'Lazima utoe pesa hizi, baraka, nyenzo' - timka; si jambo la Mungu.

Ikiwa unataka kutoa, basi itoke
moyoni mwako bure -

hakuna masharti, hakuna kubadilishana.

'Nina uchungu lakini nikitoa hiki, basi nitapokea maombi' - hivyo ninatoa kwa uchungu.

Mtu unayempa
anapokea kwa maumivu.

Ukitaka kutoa, toa bure.

Ukitaka kubariki huduma, bariki bure.

Ikiwa unataka kusaidia huduma,
saidia kwa uhuru -

kutoka mahali pa furaha, kutoka mahali pa amani,

kutoka mahali pa usadikisho wa moyo kutoka kwa Roho Mtakatifu, si kwa masharti.

Hilo ni neno la ushauri tu.

Narudia - tukio, kwa neema ya Mungu,
ambalo tutalifanya

mnamo Machi 15 hapa
Uingereza - kiingilio ni malipo.

Kama tu Maombi Shirikishi
unayojiunga leo - bila malipo!

Ikiwa baada ya ibada hii, Mungu ataweka moyoni mwako, 'Loo, nataka kubariki huduma' -

utukufu kwa Mungu! Ni baraka iliyoje.
Asante, Yesu.

Lakini hakuna masharti.

Wakikuomba ulipe kabla hawajafanya maombi, tafadhali ukimbie.

Asante. Nilitaka kusisitiza
hilo kwa kila mtu.

Pia, nataka kumshukuru Mungu
kwa wema wake, kwa neema yake

kwa sababu hasa tarehe 8 Januari, TV ya Moyo wa Mungu itaadhimisha mwaka wake wa tatu.

Na niseme nini ila asante, Yesu!

Utukufu wote, heshima, sifa,
kusujudu, na ibada ni Zake!

Imekuwa safari nzuri ya imani
na kila siku tunaona ushahidi wa

wema wa Mungu, utoaji wake, uaminifu wake, nguvu zake katika huduma.

Na ninataka tu kusema asante, Yesu,
kwa miaka mitatu ya TV ya Moyo wa Mungu.

Pia nataka kusema - sitaacha kamwe kusisitiza hili kwa utukufu wa Mungu.

Nataka kusema asante, Yesu, kwa maisha ya mshauri wangu, Nabii TB Joshua.

Mfano wake wa imani ya ujasiri, wa kujitolea kwa moyo wote kwa Yesu Kristo,

unaendelea kuwa motisha kubwa.

Na ninamshukuru Mungu kwa neema
ya kupokea mengi -

masomo kutoka katika maisha yake, kutoka katika huduma yake
na ninatoa tu shukrani kwa Mungu.

Asante Yesu kwa uhai wa mtumishi wake Nabii TB Joshua.

Pia nataka kuwashukuru timu nzuri

ambayo Mungu ametubariki nayo
hapa kwenye TV ya Moyo wa Mungu.

Wengi wetu tunajiunga
kupitia Zoom hivi sasa -

labda hatujui kuwa nyuma ya pazia,

kuna watu wengi wanafanya
kazi nyingi tofauti.

Kupanga huduma ya aina hii sio tu kitu cha watu 1 au 2.

Kuna watu wengi wanaofanya kazi hivi sasa nyuma ya pazia katika kazi ambazo

si lazima
kutambuliwa kimwili,

lakini kiroho, bila shaka,
inatambulika.

Ninataka kuwashukuru washiriki wote wa timu - wale tulio nao hapa studio,

wale ambao wamekuwa wakisaidia kwa mbali katika kazi mbalimbali, katika tafsiri.

Kuna tafsiri inaendelea
sasa hivi katika lugha tofauti -

kwa Kirusi, Kihispania na Kifaransa.

Tuna chaneli ya Ujerumani. TunayoTV ya Moyo wa Mungu Global,

ambayo ina lugha nyingi ambapo watu wametafsiri kwa hiari

jumbe, mahubiri, na maombi.

Kwa hiyo nataka kuwashukuru ninyi, wana wa Mungu.
Asante kwa moyo huo kwa Mungu.

Hakika sisi ni nguvu ya mmoja kwa mwingine kati yetu.

Na tunamshukuru Mungu kwa timu nzuri ambayo Mungu ametubariki nayo katika TV ya Moyo wa Mungu.

Na bila shaka, asante,
watu wa imani, kwa kujiunga,

kwa kuwa sehemu ya safari hii.

Asante kwa kujiunga na huduma.

Asante kwa kusikiliza mahubiri.

Asante kwa kushiriki shuhuda zako.

Ni baraka iliyoje kusikia kile ambacho
Bwana anafanya katika maisha ya watu.

Ninataka kukuhimiza ambaye umeunganishwa sasa hivi.

Tafadhali, watu wa Mungu, niwatie moyo - msifiche ushuhuda wenu.

Kwa nini nasema hivyo?

Kwa sababu unaposhuhudia, unajiweka kwa upendeleo mkubwa zaidi.

Je, unajua kwa nini? Kwa sababu unaposhirikisha ushuhuda kwa utukufu wa Mungu,

huna wazo la kujua athari

ushuhuda huo utakuwa kwa wengine ambao wamejiunga na kuutafuta uso wa Mungu.

Hata wale tuliojiunga
hapa sasa hivi, wengi wetu,

Ninaamini ikiwa tutaangalia moja ya sababu kuu zilizofanya tujiunge -

tulisikia ushuhuda wa mtu;
tumesoma ushuhuda wa mtu.

Tulisikiliza ushuhuda na kusema, 'Ikiwa Mungu anaweza kufanya hivyo kwa ajili yao, anaweza kufanya hivyo kwa ajili yangu.'

Iliimarisha imani yako.
Ilijenga imani yako. Ilikutia moyo!

Na wewe pia ulifanya uamuzi huo wa imani kufikia na kujiunga.

Utukufu ni kwa Mungu. Ni baraka iliyoje -
unaposhirikisha ushuhuda huo!

Najua baadhi ya watu watasema,
'Vema, nina shuhuda katika eneo hili

lakini bado nasubiri mabadiliko katika hili.'

Angalia, usisubiri kila jambo dogo
lijipange kabla ya kutoa ushuhuda.

Shuhudia! Shirikisha ushuhuda wako.

Watie moyo watu wa imani.

Nani anajua? Unaposhuhudia kile
ambacho Mungu ametenda,

unaandaliwa kwa ajili ya kinachofuata.

Mungu anajua njia na namna Anaachilia baraka zake, uhuru.

Lakini ushuhuda ni chombo chenye nguvu
cha kuhimiza imani ya watu,

kuuonyesha ulimwengu Yesu Kristo ni yeye yule jana, leo, na hata milele.

Ikiwa anaweza kuleta uponyaji, ukombozi,
uhuru, urejesho kwa mtu

ambaye yuko maelfu ya maili
kutoka studio hapa...

Mimi siweki mikono juu ya watu kimwili - neno tu la imani na watu wanapokea.

Je, hilo halimpi Yesu utukufu?

Je, hilo halishuhudii kwa ulimwengu
kwamba uwezo Wake haujabadilika?

Maandiko yale yale tunayosoma -
ambapo Yesu alituma Neno

kwa mtumishi wa akida, na
wakati huo huo, akapona -

Yesu Kristo yuleyule yu hai, anafanya kazi.

Hii ndiyo nguvu ya ushuhuda.

Ndio maana nilizungumza - acha mioyo iamke.

Mioyo yetu mingi bado
imelemewa na mashaka.

'Je litajiri na kwangu? Je, muujiza huo unawezaje kutokea ikiwa sipo kimwili?

NImejiunga tu kutoka nyumba kwangu. Nipo tu nyumbani kwangu. Inawezaje kutokea?

Kwa nini inatokea kwa
mtu huyu lakini si kwangu?'

Tumelemewa na shaka.

Tumelemewa na woga.

Hapana! Hebu moyo wako uinuke unaposikiliza
ukweli wa Neno la Mungu,

unaposikia shuhuda za watu.
Wacha moyo wako uinuke.

Mungu ambaye amefanya kwa ajili ya wengine
anauwezo mkuu juu ya kufanya hivyo kwa ajili yako.

Lakini anapendezwa zaidi na uhusiano wako na Yeye.

Watu wa Mungu, hatuzungumzii tu
kuhusu uponyaji wa kimwili.

Hatuzungumzii tu kuhusu baraka za kifedha au mafanikio ya kitaaluma.

Hizi ni nzuri, ajabu.

Amani ya moyo.

Unajua, nilisema kwamba kinachoombewa
hakilipiwi.

Hakuna kiasi cha pesa
kinachoweza kukupa amani ya moyo.

Kuna watu wengi leo
ambao wanafanikiwa kimwili

lakini wanalemewa na utumwa wa huzuni.

Amani ya moyo.

Ndio maana hata wakati wa ibada
hutusikii tunaongelea pesa -

Sitaki kitu chochote kiwe
kikwazo kwako.

Kuna vitu Mungu pekee anaweza kutoa.

Tukisema lazima utoe pesa
kabla ya kupokea maombi,

unaweza kupokea maombi bila amani.

Na mimi ninayekuombea -
pia sitakuwa na amani yoyote.

Ninaweza kukuombea ukinilipa,
lakini sitakuwa na amani.

Haitaambatana na furaha.

Haitaambatana na kuridhika.

Ni somo watu wa Mungu.

Tafadhali, usije kwa sababu ya kukata tamaa, usije kwa sababu ya ushawishi wa ulimwengu huu

ukaenda nje ya viwango vya Mungu
katika kutafuta suluhu,

hata na mtu anayedai kuwa wa Mungu.

Kuwa mwangalifu. Hebu kuwe na busara.

Biblia ndio kiwango chetu.

Asante, Yesu.

Kwa hivyo kwa mara nyingine tena asante kila mtu.

Asante, watu wa Mungu, kwa
safari nzuri ya imani

ambayo tuko nayo pamoja
hapa kwenye TV ya Moyo wa Mungu.

Umekuwa mwaka mzuri sana, 2024.

Kwa neema ya Mungu, tulihamia
kwenye studio hii nzuri.

Tunangoja kwa shauku kuona kile ambacho Mungu
amekiandaa katika mwaka huu, 2025.

Tunaomba kwamba mtazamo wetu
ubaki kwenye hili -

kuutafuta kwanza Ufalme wa Mungu
na haki yake.

Kila kitu kingine kitakuja kwa wakati wa Mungu, kwa njia ya Mungu, katika utukufu wa Mungu.

Tuutafute kwanza Ufalme wa Mungu,

tukiiweka mioyo yetu kuelekea na ikijikita,
ikidumu na kumzingatia Kristo pekee.

Asante, Yesu.