Зошто е тешко да се започне бизнис во Африка - како да ја промениме таа состојба?

„Повеќето од Африканските земји се сиромашни од една едноставна причина“- вели претприемачката Магатте Вејд. „Владите имаат создадено премногу пречки за отпочнување и водење бизнис. Во нејзиниот страсен говор, Вејд ги поставува предизвиците на деловното работење на континентот и нуди свои решенија - истовремено ги повикува лидерите да го дадат нивниот удел.

Денес, она што сакам да го споделам
со вас е нешто што ми се случи,

всушност, пред околу
четири недели се случи.

Ми беа кажани зборови кои мислев никогаш
нема да ги чујам

од човечко суштество.

И тие зборови,
ми го скршија срцето.

Но, истовремено го исполнија
со толку многу надеж.

Сето тоа искуство ја обнови
мојата посветеност

на идејата за која дојдов
да ја споделам со вас денес.

Видете, велам дека сум личност
опседната со духови.

Ме прогонуваат неверојатни приказни,

приказна по приказна,

на млади луѓе, мои луѓе,
и луѓе како мене

кои умираат по океаните, токму сега,
и лежат на дното на океанот

како храна за рибите.

Дали навистина мислите тоа
е најдобро што можеме?

Да бидеме храна за рибите?

За тие кои се обидуваат
да се преселат во Европа -

зашто за тоа се работи,

се обидуваат да се преселат
во Европа за да најдат работа.

Одат низ Либија.

Дали знаете што ни се случува кога
се обидуваме да поминеме низ Либија

и нè заробуваат?

Нè продаваат како робови.

За триста долари
или можеби некогаш петстотини долари.

Понекогаш слушам приказни
за луѓе кои паѓаат од авиони.

Се кријат во опрема
за слетување од авионот

или во товарниот дел

а потоа ги ноаѓааат
замрзнати до смрт.

Зарем нема да бидете опседнати ако
од мали ноѕе

ги слушате овие приказни
и постојано се повторуваат,

одново и одново?

Зарем нема да бидете опседнати?

Тоа е мојот случај.

Истовремено,
кога мојот народ умира,

и мојата култура умира.

Ете, го реков.

Бидејќи,
ја имаме оваа културна подреденост,

што значи дека сè што доаѓа од нас
не е доволно добро.

Но, во мојата ситуација,

и затоа што ме воспитаа да критикувам
низ творење,за мене тоа е ремек дело.

Татко ми велеше: "Не доаѓај со проблеми,

освен ако немаш смислено решение.

Не мора да е добро.

Само сакам да знам
дека си смислила нешто".

Го применувам тоа. Ако нешто не чини,
пробувам да го решам.

Затоа ги почнувам
работите кои ги почнувам,

потрошувачки брендови,

кои го содржат најоброто
од Африканската култура.

Сето тоа го пакувам по
најновите стандарди на 21 век.

и го нудам на еден
од најпрефинети пазари во светот,

како што се САД.

Најпрвин тоа беше
компанија за пијалоци,

потоа компанија за нега на кожа, а
најновата започнува следниот месец.

Сите имаат едно нешто заедничко.

Значи, зошто овие луѓе заминуваат?

Заминуваат бидејќи
немаат работа.

Таму каде што живеат,немаат работа.

Тоа е.

Сиромаштијата која најмногу ги погодува
е главната причина зошто си одат.

Но, зошто се сиромашни?

Сиромашни се бидејќи немаат пари.

Немаат пари бидејќи
немаат извори на приходи.

За повеќето од нас,
кој е изворот на приходи?

За повеќе од нас, кој е тој извор,
кажите ми?

Работата. Благодарам!

Од каде доаѓа работата?

Од каде?

Од бизнисот. Благодарам!

Aко работата е решение за сиромаштијата,

а работа доаѓа од бизнисот,

нели --

особено од мали и средни
претпријатија.

Ако е така, запрашајте се,

дали треба да се фокусираме за да
им олесниме на луѓето со мали бизниси

да го започнат и да
го водат својот бизнис?

Помислувате дека има смисла?

Зошто е така? Кога гледам
на бројките на бизнис индексот

на Светската Банка,

каде секоја земја во светот е рангирана

во однос на тоа колку е лесно
или тешко да се отвори компанија,

кажете ми зошто
Африканските земји,

сите 50,

се на дното на оваа ранг листа?

Затоа сме сиромашни.

Сиромашни сме бидејќи
е буквално невозможно

да се води бизнис
во тие земји.

Но, ќе ви кажувам
што значи тоа во основа

за некој како мене.

Имам производствен капацитет
во Сенегал.

Дали знаеете дека за сите сирови
материјали што ги нема во земјата

морам да плаќам 45 отсто
данок за сè што влегува во земјата?

Четириесет и пет проценти тарифа.

Дали знаете дека ако
ми треба убав картон

за да ги пратам
моите производи во САД,

не можам да најдам
нов, готов картон?

Невозможно.

Бидејќи дистрибутерите
нема да дојдат овде

за да почнат работа,

бидејќи нема смисла.

Сега, треба да снабдам
картон од 3000 долари

во мојот магацин
за да можам да го имам.

Но нема да стигне во
следните пет недели.

Причината е што сме задушени со
многу бесмислени закони.

Затоа не можеме
да водиме бизнис.

Тоа е како да сте заплеткани во мрежа.

Значи, што можете
да направите во врска со тоа?

Ви споменав дека ми беа упатени
зборови со кои бев обележана.

Истото им го споменав и на моите
вработени во Сенегал.

Една жена заплака-нејзиното име е Јахара.

Почна да плаче.

Ја запрашав:„Зошто плачеш?“

Ми рече:
"Плачам зашто сфаќам

дека секогаш ќе нè гледаат како сиромашни.

Сфаќам дека можеби
навистина сме инфериорни.

Бидејќи, во спротивно,
како објаснувате

дека секогаш треба некого да молиме?“

Тоа е она што ми скрши срцето.

Откако го рече тоа,

бидејќи им го кажав истото што и вам,

таа додаде: "Но, барем знам
дека не сум јас проблемот.

Тоа е средината во која живеам.
Тоа е мојот проблем.

Реков "Да."

И тоа ми даде надеж.

Кога луѓето ќе сфатат,
го менуваат ставот кон животот.

Кои се нашите идеи и решенија.

Ако работата е решение,

не мислите дека треба да
создадеме поедноставна

бизнис клима во сите овие држави?

Зарем не мислите така?

И заедно со вас,

би сакала сите ваши пријатели
од останатите 50 земји

кои се на дното на листата
да го сторат истото.

Направете го тоа, ние ќе
го направиме остатокот.

Јас си ја вршам работата,
вие што правите?

(Аплауз)

Што правите вие ?

(Аплауз)

Што правите вие?

(Аплауз)

На сите вас овде во оваа сала,

ќе ви дадам две наредби.

Влезете во играта.

Ќе влезете само ако учите.

Подигнете ја свеста околу вас

и потоа залагајте за е-владини решенија.

Некој вели: "Корупција,
како да се бориме со корупцијата?"

Па, впрочем,
Јас сум тука за да ви кажам:

Да! Можете со еден потег на пенкалото.

Не ви е потребен никој да ви каже
кога и како да го направите тоа.

Има само едно нешто,

не треба да чекате некој
да направи, направете го тоа.

Во спротивно,не ми кажувајте
дека сакате да ја искорените корупцијата.

Вие и вашите останати 50 пријатели
од 50-те земји

кои се на дното на таа листа.

Така се бори против корупцијата.

Ако ми наплатите 5% за влез на
моите производи во вашата земја,

за моите сировини,

наместо сегашните 45%,

дали навистина мислите
дека ќе мора да платам мито?

Тоа е она што предизвикува корупција.

Лоши закони, ужасни
и бесмислени закони.

(Аплауз)

Нели?

(Аплауз) (Извици)

Сакате да се борите со корупцијата?

Тогаш направете го тоа.

И повторно, запомнете,
не треба да чекате никого.

Можете сами.

Освен ако ми кажете
дека немате овластувања.

Тоа е сосема друг проблем.

Добро, овде и сега, имам едноставна порака
до нашите "лидери".

Ова може да се случи на два начина.

Може да се случи на лош начин,

зашто имаме стотици
милиони млади луѓе

кои се појавуваат токму сега и овде.

Ако немаат став кон животот,

ќе почнат револуција.

Тие ќе почнат со насилство.

Никој од нас не го сака тоа.

Никој, никој од нас.

Ова е едниот начин.

Има и друг начин.

Кога се случува мирно, продуктивно
и сè добро.

Правите го тоа што треба,
тргнете се од мојот пат,

дозволите им на луѓето како мене
да ги создаваме работни места,

за да стане Африка убав и
напреден континент

за каков што е создаден
и каков што требаше одамна да биде.

Така се случува. Секој е среќен
и продолжуваме со животот.

Тоа може да случи на два начина

избирате насилство или
избирате мирен, продуктивен начин.

Сакам мирен, продуктивен начин.

Никој од нас никогаш не треба да помисли

што ќе се случи ако го
одбереме лошиот начин.

Затоа, ве молам.

Времето дојде.

Оваа слика - напредок
среќа, човечка благосостојба-

тоа е она што го гледам
ако си ја завршиме работата.

Ви благодарам.

(Ракоплескање) (Извици)

Ви благодарам.

(Ракоплескање)