< Return to Video

အိပ်ရေးဝမှုက သင်ရဲ့ အထူးစွမ်းအား ဖြစ်ခြင်း

  • 0:01 - 0:02
    ကျေးဇူး အများကြီးတင်ပါတယ်။
  • 0:02 - 0:06
    ကျွန်တော်ရဲ့ ဟောကြားချက်ကို
    ဝှေးစေ့များ အကြောင်းနဲ့ စတင်ချင်ပါတယ်။
  • 0:07 - 0:08
    (ရယ်သံများ)
  • 0:09 - 0:12
    ညမှာ ငါးနာရီကြာ အိပ်သူဆီမှာ
  • 0:12 - 0:17
    ဝှေးစေ့ဟာ ခုနစ်နာရီ ဒါမှမဟုတ် ပိုအိပ်သူနဲ့
    စာရင် သိသာစွာ သေးပါလိမ့်မယ်။
  • 0:17 - 0:20
    (ရယ်သံများ)
  • 0:20 - 0:25
    အဲဒါ့အပြင် ပုံမှန်ဆိုသလို ညတိုင်း
    လေးမှငါးနာရီကြာ အိပ်သူထံတွင်
  • 0:25 - 0:28
    testosterone ရဲ့ ပမာဏဟာဖြင့်
  • 0:28 - 0:31
    သူတို့ထက် ၁၀ နှစ် အသက်ပိုကြီသူရဲ့
    ပမာဏနဲ့ တူညီပါလိမ့်မယ်။
  • 0:33 - 0:37
    ဒီတော့ အိပ်ရေးမဝဘူးဆိုရင်
    အဲဒီလူရဲ့ ကျန်းမာရေးဆိုင်ရာ
  • 0:37 - 0:40
    အရေးကြီးတဲ့ အချက်တွေဟာ
    ဆယ်နှစ် အိုမင်းလာစေပါမယ်။
  • 0:42 - 0:46
    ပြီးတော့ အိပ်ရေးမဝမှုကြောင့်
    အမျိုးသမီးတွေရဲ့ မျိုးဆက်ပွားမှုဆိုင်ရာ
  • 0:46 - 0:49
    ကျန်းမာရေးဟာလည်း ထို့နည်းတူ
    ချွတ်ယွင်းလာမှာကို မြင်ကြရပါမယ်။
  • 0:50 - 0:54
    ခင်ဗျားတို့ ကျွန်တော် ယူဆောင်လာခဲ့တဲ့
    အကောင်းဆုံး သတင်းက အဲဒီလိုပါ။
  • 0:54 - 0:56
    (ရယ်သံများ)
  • 0:56 - 0:59
    ဒီနေရာကနေပြီး အဲဒါဟာ
    ပိုဆိုးလာဖို့သာ ရှိပါတယ်။
  • 0:59 - 1:02
    ခင်ဗျားတို့ အိပ်ရေးဝကြတဲ့အခါမှာ ဖြစ်ပျက်
    နိုင်တဲ့ အံ့ဖွယ် သတင်းကောင်းတွေကိုသာမက
  • 1:02 - 1:04
    ခင်ဗျားတို့ လုံလောက်စွာ မအိပ်ကြရင်
  • 1:04 - 1:08
    ဦးနှောက် အနေနဲ့ရော၊ ခန္ဓာကိုယ် အနေနဲ့ပါ
    ကြုံတွေ့ရမယ့် ကြောက်မက်ဖွယ်ရာ
  • 1:08 - 1:11
    မကောင်းတဲ့ အရာတွေ အကြောင်းကိုပါ
    ကျွန်တော် ပြောပြပါ့မယ်။
  • 1:11 - 1:14
    ဦးနှောက်နဲ့ သင်ယူရေးနဲ့ မှတ်မိရေး
  • 1:14 - 1:17
    လုပ်ကိုင်နိုင်စွမ်းတွေ
    အကြောင်းနဲ့ စတင်ပါရစေ၊
  • 1:17 - 1:20
    နောက်ဆုံး ၁၀ နှစ်ကျော်အတွင်းမှာ
    ကျုပ်တို့ ရှာတွေ့ခဲ့ရတဲ့ အတိုင်းဆိုရင်၊
  • 1:20 - 1:23
    သင်ဟာ တစ်ခုခုကို သင်ကြားယူပြီးတဲ့ နောက်မှာ
  • 1:23 - 1:26
    အဲဒါကို မမေ့နိုင်ဖို့အတွက် သင်ဟာ
    မှတ်ဉာဏ်အသစ်ထဲတွင် သိမ်းဆည်းထားဖို့
  • 1:26 - 1:28
    ခလုတ်ကို နှိပ်မိရန်
    အိပ်ပေးဖို့ လိုအပ်ပါတယ်။
  • 1:29 - 1:34
    ပြီးတော့ မကြာသေးမီက ထပ်တွေ့ရတဲ့ အတိုင်း
    ဆိုရင်၊ ဦးနှောက်ကို ပြင်ဆင်ထားဖို့အတွက်
  • 1:34 - 1:38
    တစ်ခုခုကို မသင်ယူခင်တွင်လည်း
    အိပ်ပေးဖို့ လိုအပ်ပါသေးတယ်၊
  • 1:38 - 1:40
    ဦးနှောက်ဟာ အချက်အလက်အသစ်တွေကို
  • 1:40 - 1:43
    စုပ်ယူဖို့ အသင့်ရှိနေတဲ့ ရေမြှုပ်လို
    ဖြစ်နေဖို့ လိုပါတယ်။
  • 1:43 - 1:46
    တဖန် အိပ်မထားရင်
    ဦးနှောက်ထဲက ပတ်လမ်းတွေဟာ
  • 1:46 - 1:49
    ရေတွေပြည့်နေတဲ့ ရေမြှုပ်နဲ့တူပြီး
  • 1:49 - 1:52
    မှတ်မိစရာ အသစ်တွေကို
    စုပ်ယူနိုင်စွမ်း မရှိတော့ပါ။
  • 1:52 - 1:54
    သင်တို့ကို ဒေတာများဖြင့် ပြပေးပါရစေ။
  • 1:54 - 1:58
    ဒီလေ့လာမှုထဲမှာ ကျုပ်တို့ရဲ့
    ယူဆချက်ကို စမ်းသပ်ကြည့်ဖို့အတွက်
  • 1:58 - 2:01
    ညလုံးပေါက် နှိုးနေသူတွေကို
    ခေါ်ယူရန် ဆုံးဖြတ်ခဲ့ကြတယ်။
  • 2:02 - 2:05
    အဲဒါနဲ့ ကျုပ်တို့ဟာ လူတချို့ကို
    စုစည်းခဲ့ကြပြီး
  • 2:05 - 2:08
    သူတို့ကိုစမ်းသပ်ရေး အုပ်စု နှစ်ခုအဖြစ်
    တာဝန် ခွဲပေးလိုက်ကြတယ်-
  • 2:08 - 2:12
    အိပ်ရေးဝတဲ့ အုပ်စုနဲ့
    မအိပ်ဘဲ နေကြရမယ့် အုပ်စုပါ။
  • 2:12 - 2:15
    အိပ်စက်ရမယ့် အုပ်စုကျတော့
    ရှစ်နာရီ အပြည့် အိပ်ခွင့်ကို ရရှိကြမယ်။
  • 2:15 - 2:19
    ဒါပေမဲ့ မအိပ်ကြရမယ့် အုပ်စုကို ကျတော့
    ကျုပ်တို့ဟာ နှိုးနေလျက် ရှိနေရန်၊
  • 2:19 - 2:21
    ဓာတ်ခွဲခန်းထဲမှာ၊ ကြီးကြပ်မှုအပြည့်နဲ့
    ထားရှိကြမယ်။
  • 2:22 - 2:26
    ခဏမှေးခွင့် ကဖိန်းဓာတ် သောက်ခွင့် မရနိုင်
    ကြလို့ ပတ်သက်သူတိုင်း စိတ်ညစ်စရာကြီးပါ။
  • 2:27 - 2:28
    နောက်တစ်နေ့တွင် ကျတော့
  • 2:28 - 2:32
    အဲဒီလို ပါဝင်ခဲ့ကြသူတို့ကို MRI စကင်နာ
    အတွင်းမှာ ထားရှိလျက်
  • 2:32 - 2:36
    ကျုပ်တို့က ဦးနှောက် အလုပ်လုပ်ပုံကို
    ဓာတ်ပုံတွေ ရိုက်ယူနေချိန်မှာ သူတို့ကို
  • 2:36 - 2:40
    အချက်အလက် အသစ် စာရင်းရှည်ကြီးကို
    ကျက်မှတ်ခိုင်းခဲ့ပါတယ်။
  • 2:40 - 2:42
    အဲဒီနောက်မှာ ခုနက သင်ယူမှုရဲ့
    ထိရောက်မှုကို သိရဖို့
  • 2:42 - 2:44
    သူတို့ကို စမ်းသပ်ကြည့်ကြမှာဖြစ်ပါတယ်။
  • 2:44 - 2:48
    ခင်ဗျားတို့အားလုံး အဲဒါကို ဒီပုံထဲက
    ထောင်လိုက် ဝင်ရိုးမှာ မြင်နိုင်ပါတယ်။
  • 2:48 - 2:51
    အဲဒီအုပ်စု နှစ်ခုကို ထိပ်ချင်းဆိုင်ပြီး
    တိုက်ကြည့်မယ်ဆိုရင်၊
  • 2:51 - 2:56
    ကျုပ်တို့ တွေ့ရှိကြရမယ့် အချက်က
    မအိပ်လိုက်ကြရတဲ့ သူတို့ဟာ
  • 2:56 - 3:00
    အချက်သစ်တွေကို မှတ်မိနိုင်စွမ်း
    ၄၀ ရာခိုင်နှုန်း နည်းနေကြခြင်းကိုပါပဲ။
  • 3:00 - 3:02
    ပညာတွေကို သင်ယူနေကြတဲ့
    လူတွေ အကြားမှာ
  • 3:02 - 3:05
    အိပ်စက်ခြင်းနဲ့ ပတ်သက်ပြီး
    လက်ရှိဖြစ်ပျက်နေပုံကို ထည့်တွက်လိုက်ရင်
  • 3:05 - 3:08
    အဲဒီအချက်ဟာ အတော်လေး
    စိုးရိမ်စရာ ကောင်းပါတယ်။
  • 3:09 - 3:10
    လက်တွေ့တွင်၊ အဲဒီအချက်ဟာဖြင့်
  • 3:10 - 3:14
    ကလေး တစ်ယောက်က စာမေးပွဲမှာ
    အမှတ်ကောင်းရတာနဲ့
  • 3:14 - 3:17
    ဝမ်းနည်းဖွယ်ရာ ကျရှုံးနိုင်မယ့်
    အလားအလာ ၄၀ ရာခိုင်နှုန်းကို ဆိုလိုပါတယ်။
  • 3:18 - 3:22
    ကျုပ်တို့ဟာ ဆက်ပြီး လေ့လာခဲ့ကြလျက်
    ဦးနှောက်ရဲ့ သင်ကြားနိုင်စွမ်း အဲဒီလို
  • 3:23 - 3:26
    ဖြစ်လာစေတဲ့ ချွတ်ယွင်းမှုတွေကို
    ရှာကြံခဲ့ကြပါတယ်။
  • 3:26 - 3:28
    ကျုပ်တို့ ဦးနှောက်ရဲ့ ဘေးဘက်နဲ့ ညာဘက်မှာ
  • 3:28 - 3:33
    တည်ရှိနေတဲ့ အရာတစ်ခု ရှိပြီး
    hippocampus လို့ ခေါ်ပါတယ်။
  • 3:33 - 3:35
    အဲဒီ hippocampus ဟာ ကျုပ်တို့ ဦးနှောက်ရဲ့
  • 3:35 - 3:38
    အချက်အလက်များကို
    လက်ခံယူရေးပုံးနဲ့ တူပါတယ်။
  • 3:39 - 3:42
    ၎င်းဟာ မှတ်ယူစရာ ဖိုင်သစ်တွေကို
    လက်ခံရာတွင် သိပ်တော်ပြီး
  • 3:42 - 3:43
    အဲဒါတွေကို ထိန်းသိမ်းပေးပါတယ်။
  • 3:44 - 3:47
    ညပိုင်းမှာ အိပ်ရေးအဝ ရရှိခဲ့ကြသူတို့ အထဲက
  • 3:47 - 3:50
    အဲဒီအရာကို ကြည့်ကြည့်ရင်
    သင်ယူရေးဆိုင်ရာ လိုအပ်တဲ့
  • 3:50 - 3:53
    တက်ကြွတဲ့ လှုပ်ရှားမှုတွေ
    အများအပြားကို တွေ့နိုင်ပါတယ်၊
  • 3:55 - 3:58
    တချိန်တည်းမှာ မအိပ်လိုက်ကြရတဲ့
    သူတွေကို လေ့လာကြည့်ရင်
  • 3:58 - 4:01
    ကျုပ်တို့ဟာ သိသာထင်ရှားတဲ့ အချက်ပြမှု
    တစ်ခုကိုမှ တွေ့နိုင်မှာ မဟုတ်ပါဘူး။
  • 4:03 - 4:08
    ဒီတော့ မအိပ်လိုက်ရမှုက သူတို့ မှတ်ဉာဏ်ရဲ့
    လက်ခံယူရေးပုံးကို ပိတ်ချပစ်လို့
  • 4:08 - 4:11
    ဝင်လာသမျှ ဖိုင်များကို
    ပြန်ကန်ထုတ်ခံလိုက်ကြရပါတယ်။
  • 4:12 - 4:16
    ထိုသူတို့ဟာ အတွေ့အကြုံအသစ်တွေကို
    မှတ်ဉာဏ်ထဲကို ထည့်မရနိုင်ပါ။
  • 4:18 - 4:23
    ကျွန်တော်က ခင်ဗျားတို့ကို အိပ်မရအောင် လုပ်
    ခဲ့ရင် အဲဒီလို ဆိုးဝါးတာ ဖြစ်လာနိုင်တယ်။
  • 4:23 - 4:26
    ဒါပေမဲ့ ခုနက ကျုပ်တို့ စမ်းသပ်ခဲ့ကြတဲ့
    အုပ်စုဆီကို ပြန်သွားကြရအောင်။
  • 4:26 - 4:30
    ရှစ်နာရီအပြည့် အိပ်လိုက်ကြရတဲ့
    သူတွေကို ခင်ဗျားတို့ မှတ်မိကြတယ်နော်။
  • 4:30 - 4:33
    ဒီနေရာမှာ ကျုပ်တို့ဟာ ဒါကို နောက်တမျိုး
    မေးခွန်းထုတ်နိုင်ကြပါတယ်-
  • 4:33 - 4:37
    ကျုပ်တို့ရဲ့ မှတ်မိရေးနဲ့ သင်ယူရေး
    လုပ်နိုင်စွမ်းတွေကို နေ့စဉ် နေ့တိုင်း
  • 4:37 - 4:38
    ဆန်းသစ်လာစေပြီး တိုးမြှင့်ပေးတဲ့
  • 4:38 - 4:42
    အိပ်ရေးဝမှုကြောင့် ကျုပ်တို့ ရရှိကြတဲ့
    စိတ်ပိုင်းဆိုင်ရာ
  • 4:42 - 4:44
    အရည်အသွေးက ဘယ်လိုများပါလိမ့်။
  • 4:44 - 4:47
    ဦးခေါင်း တဝမ်းမှာ
    လျှပ်ခေါင်းတွေကို တပ်ဆင်ပေးခြင်းဖြင့်
  • 4:47 - 4:51
    ကျုပ်တို့ တွေ့မြင်ခဲ့ကြရတာက ကြီးမားပြီး
    အားကောင်းတဲ့ ဦးနှောက်လှိုင်းတွေပါ၊
  • 4:51 - 4:55
    နက်ရှိုင်းစွာ အိပ်စက်နေချိန်မှာ
    အဲဒီလို တွေ့မြင်ကြရတာပါ၊
  • 4:55 - 4:57
    ၎င်းတို့ရဲ့ ထိပ်တွေမှာ စီးပြေးနေကြတဲ့
  • 4:57 - 5:00
    လျှပ်စစ်လှုပ်ရှားမှုတွေ အံ့ဘွယ်
    ပေါက်ကွဲမှုတွေပါ၊
  • 5:00 - 5:03
    အဲဒါကို ကျုပ်တို့က အိပ်စက်မှု
    ဗိုင်းလိပ်တံလို့ ခေါ်ကြတယ်။
  • 5:03 - 5:07
    နက်ရှိုင်းစွာ အိပ်ပျော်နေချိန်မှာ ပေါ်လာ
    ကြတဲ့ ဦးနှောက်လှိုင်းများ စုပေါင်းမှုကမှ
  • 5:08 - 5:12
    ညအချိန်တွင် ဖိုင်တွေကို မေ့လွယ်တဲ့
    ရေတိုမှတ်ဉာဏ်ထဲမှနေပြီး
  • 5:12 - 5:16
    ဦးနှောက်ထဲရှိ ရေရှည်မှတ်ဉာဏ်ထဲတွင်
    သိမ်းဆည်းပေးလျက်
  • 5:16 - 5:20
    ၎င်းတို့ကို ကာကွယ်ပေးရင်း
    လုံခြုံအောင် လုပ်ပေးနိုင်ဖို့အတွက်
  • 5:20 - 5:24
    ဖိုင်များ လွှဲပြောင်းရေး လုပ်ငန်း လုပ်ပေး
    နိုင်တဲ့ အရည်အသွေးကို ဖန်တီးပေးကြတာပါ။
  • 5:24 - 5:28
    ပြီးတော့ အိပ်နေချိန်မှာ အဲဒီလို မှတ်ဉာဏ်
    အကျိုးကျေးဇူးတွေကို ခံစားနိုင်ကြတာကို
  • 5:28 - 5:32
    နားလည်ရန် သိပ်ကို အရေးကြီးပါတယ်၊
  • 5:32 - 5:36
    ၎င်းနဲ့ ဆက်စပ်နေကြတဲ့ ကျန်းမာရေးနဲ့ လူမှု
    ရေးဆိုင်ရာ သက်ရောက်မှုတွေ ရှိနေကြလို့ပါ။
  • 5:36 - 5:39
    ကျွန်တော် ခင်ဗျားတို့ကို အဲဒီလို နယ်ပယ်
    တစ်ခုအကြောင်းကို ပြောပြပါရစေ၊
  • 5:39 - 5:42
    ကျုပ်တို့ လုပ်ကိုင်နေတာကို
    အိုမင်းလာမှုနဲ့ စိတ်ဖောက်ပြန်မှု ရောဂါနဲ့
  • 5:42 - 5:45
    ဆက်စပ်လျက် ဆေးခန်းထဲကို
    ရွှေ့ပြောင်းခဲ့ပါတယ်။
  • 5:46 - 5:49
    ကျုပ်တို့ အသက်ကြီးလာကြတာတာနဲ့
    သင်ယူရေးနဲ့ မှတ်မိရေး
  • 5:49 - 5:54
    လုပ်နိုင်စွမ်းတွေ ကျဆင်းလာတတ်တာဟာ
    ဘယ်သူအတွက်မှ လျှို့ဝှက်ချက် မဟုတ်လို့ပါ။
  • 5:55 - 5:57
    ပြီးတော့ ကျုပ်တို့ ထပ်တွေ့ကြရတာက
  • 5:57 - 6:03
    အိုမင်းလာမှုရဲ့ စိတ်ပိုင်းဆိုင်ရာ လက္ခဏာက
    အိပ်နိုင်မှု အခြေအနေ ဆိုးဝါးလာခြင်းပါပဲ၊
  • 6:04 - 6:07
    အထူးသဖြင့် ကျုပ်တို့ဆွေးနွေးတဲ့ နက်ရှိုင်း
    အိပ်နိုင်တဲ့ အရည်အသွေး ကျဆင်းလာပါတယ်။
  • 6:08 - 6:11
    နောက်ဆုံးနှစ်ထဲကျမှသာ
    ခုနက ပြောခဲ့တဲ့ အရာနှစ်ခုတို့ဟာ
  • 6:11 - 6:15
    တချိန်တည်းမှာ ဖြစ်နေကြရုံသာမက ၎င်းတို့ဟာ
    သိသာစွာ အပြန်အလှန်ဆက်စပ်နေကြောင်း
  • 6:15 - 6:18
    အထောက်အထားတွေကို
    ကျုပ်တို့ ထုတ်ပြန်နိုင်ခဲ့ကြပါတယ်။
  • 6:18 - 6:21
    ကျုပ်တို့ရဲ့ တွေ့ရှိချက်အရ နက်ရှိုင်းတဲ့
    အိပ်စက်မှု နှောင့်ယှက်ခံရမှုကို
  • 6:21 - 6:25
    အသက်အိုမင်းလာချိန်မှာ သိနားလည်နိုင်စွမ်း
    နဲ့ မှတ်မိနိုင်စွမ်း ကျဆင်းလာမှုနဲ့
  • 6:25 - 6:28
    အထူးသဖြင့် Alzheimer ရောဂါ
    ဖြစ်ကြသူတို့ အကြားမှာပါ
  • 6:28 - 6:32
    ကျုပ်တို့က ထည့်တွက်စဉ်းစားခဲ့ကြခြင်းဟာ
  • 6:32 - 6:34
    များစွာမှ လျော့ပြီး တွက်ချက်ခဲ့ကြတာပါ။
  • 6:36 - 6:39
    အခု ကျွန်တော် ပြောပြလိုက်တဲ့ဟာက
    တကယ့် စိတ်ပျက်ဖွယ် သတင်းဖြစ်တာ အမှန်ပါပဲ။
  • 6:39 - 6:42
    မေးလ်ထဲမှာ တွေ့နေကြရသလို
    ကျုပ်တို့ဆီကို ရောက်ရှိလာနေပါတယ်။
  • 6:42 - 6:45
    ဒါပေမဲ့ ပြောပြတဲ့ထဲမှာ
    မတူတဲ့ ထူးခြားချက် တစ်ခု ရှိပါတယ်။
  • 6:46 - 6:51
    အိုအင်းမှုနဲ့ ဆက်စပ်နေကြတဲ့ ကျုပ်တို့
    သိရှိကြတဲ့ အချက်တွေ အများအပြားနဲ့ မတူဘဲ၊
  • 6:51 - 6:54
    ဥပမာ၊ ကုသရန် ခဲယဉ်းလှတဲ့ ဦးနှောက်ရဲ့
    ရုပ်ပိုင်း ဖွဲ့စည်းမှုဆိုင်ရာ
  • 6:54 - 6:57
    အပြောင်းအလဲတွေ ဆိုပါစို့။
  • 6:57 - 7:02
    ဒါပေမဲ့ အိပ်ရေးဝမှု ကျတော့ ကျုပ်တို့
    အနေနဲ့ တစ်ခုခု လုပ်လို့ရနိုင်မယ့်
  • 7:02 - 7:05
    အိုမင်းခြင်းနဲ့ Alzheimer ရောဂါဆိုင်ရာ
    ရှင်းပြ မရနိုင်သေးတဲ့ ပဟေဠိရဲ့
  • 7:05 - 7:07
    အစိတ်အပိုင်း တစ်ခု ဖြစ်နိုင်လို့ပါ။
  • 7:09 - 7:12
    ပြီးတော့ ကျွန်တော်ရဲ့ အိပ်စက်မှုဌာနတွင်
    အဲဒါကို ချဉ်းကပ်ဖို့ အားထုတ်တဲ့ နည်းလမ်းက
  • 7:12 - 7:15
    စကားစပ်မိလို့ ပြောရပါက
    အိပ်ဆေးကို အသုံးမပြုကြပါ။
  • 7:16 - 7:20
    အိပ်ဆေးတွေဟာ သဘာဝကျတဲ့ အိပ်စက်မှုကို
    ဖန်တီးမပေးနိုင်ကြတဲ့ တုံးတဲ့ကိရိယာတွေပါ။
  • 7:21 - 7:25
    အဲဒီအစား၊ ကျုပ်တို့က နည်းလမ်းကို အောက်ပါ
    အခြေခံဖြင့် ပြုစုရန် အားထုတ်နေကြပါတယ်။
  • 7:25 - 7:28
    အဲဒါကို ဦးနှောက်ကို လျှပ်စစ်ဖြင့်
    တိုက်ရိုက်ဆွပေးခြင်းလို့ ခေါ်ပါတယ်။
  • 7:28 - 7:31
    ကျုပ်တို့ဟာ ဦးနှောက်ထဲသို့
    ဗို့အား နည်းနည်းလေးကို သွင်းပေးကြတယ်၊
  • 7:31 - 7:34
    ပုံမှန်အားဖြင့် ခံစားဖို့ မလွယ်အောင်ကို
    နည်းလှတဲ့ ပမာဏပါ၊
  • 7:34 - 7:36
    ဒါပေမဲ့ သက်ရောက်မှုကိုကျတော့
    တိုင်းထွာရနိုင်ပါတယ်။
  • 7:37 - 7:43
    တကယ်လို့ လူငယ်၊ ကျန်းမာတဲ့ သက်ကြီးတွေမှာ
    အိပ်နေစဉ် အဲဒီလို အားပေးသွင်းမှုက
  • 7:43 - 7:48
    နက်ရှိုင်းစွာ အိပ်စက်မှုရဲ့ ဦးနှောက်
    လှိုင်းများနဲ့အတူ သီချင်းဆိုပေးသလိုပါ၊
  • 7:48 - 7:52
    နက်ရှိုင်းစွာ အိပ်စက်မှု ဦးနှောက်လှိုင်း
    များရဲ့ အရွယ်အစားကို မြှင့်ပေးရုံမက၊
  • 7:52 - 7:57
    အဲဒီလို လုပ်ပေးမှုကြောင့် အိပ်စက်ခြင်းရဲ့
    မှတ်ဉာဏ်ဆိုင်ရာ အကျိုးခံစားရမှုကိုပါ
  • 7:57 - 7:59
    နှစ်ဆ တိုးချဲ့ပေးနိုင်မှာပါ။
  • 7:59 - 8:02
    အခု စဉ်းစားစရာက ကျုပ်တို့ဟာ
    ဒီလိုသယ်ရလွယ်တဲ့
  • 8:02 - 8:06
    ဈေးသိပ်မကြီးတဲ့ နည်းပညာကိရိယာကိုပဲ
  • 8:06 - 8:10
    စိတ်ဖောက်ပြန်မှု ရောဂါရှိကြတဲ့ သက်ကြီး
    များထံသို့ လွှဲပြောင်း သုံးရနိုင်မလား။
  • 8:10 - 8:15
    ကျုပ်တို့ဟာ သူတို့အတွက် နက်ရှိုင်းစွာ
    အိပ်စက်မှုကို ပြန်ဖြည့်တင်းပေးနိုင်ပြီး
  • 8:15 - 8:19
    အဲဒီလို လုပ်ပေးမှုရဲ့ ကျေးဇူးအဖြစ်
    သူတို့ရဲ့ သင်ယူရေးနဲ့
  • 8:19 - 8:21
    မှတ်ဉာဏ် လုပ်ကိုင်နိုင်စွမ်းကို
    မြှင့်တင်ပေးနိုင်မလား။
  • 8:21 - 8:24
    အဲဒီအချက်ဟာ ဒီနေ့တွင် ကျွန်တော်ရဲ့
    တကယ့် မျှော်လင့်ချက်ကြီးပါ။
  • 8:24 - 8:28
    အဲဒါဟာ တကယ့်ကို ဧရာမပန်းတိုင်ကို
    လက်လှမ်းမှီမှုပဲ ဖြစ်ပါလိမ့်မယ်။
  • 8:29 - 8:33
    အခု ပြောပြခဲ့တာက ဦးနှောက်အတွက်
    အိပ်စက်မှု ဥပမာ တစ်ခုပါ။
  • 8:33 - 8:36
    တကယ်တော့ အိပ်စက်မှုဟာ
    တကိုယ်လုံးအတွက် မရှိမဖြစ် လိုအပ်ချက်ပါ။
  • 8:37 - 8:41
    အိပ်စက်မှု ဆုံးရှုံးခံရမှုနဲ့ မျိုးပွားမှု
    စနစ်အကြောင်း ကျုပ်တို့ ပြောပြီးခဲ့ကြပါပြီ။
  • 8:42 - 8:47
    အိပ်စက်မှု ဆုံးရှုံးခံရမှုနဲ့ ခင်ဗျားတို့
    နှလုံးသွေးကြောစနစ် အကြောင် ပြောနိုင်ပါတယ်။
  • 8:47 - 8:50
    တစ်နာရီတည်းကြောင့်ကို
    အဲဒီလို ဖြစ်နိုင်ပါတယ်။
  • 8:50 - 8:55
    ကမ္ဘာတဝမ်းလုံးမှာ လူ ၁.၆ ဘီလီယံအပေါ်မှာ
    ပြုလုပ်တဲ့ စမ်းသပ်မှု တစ်ခုရှိနေရာ
  • 8:55 - 9:00
    နိုင်ငံ ၇၀ ကျော်တို့ဟာ
    တစ်နှစ်လျှင်နှစ်ကြိမ်
  • 9:00 - 9:02
    နေ့တာ အချိန်ကို
    ရွှေ့ပြောင်းမှု လုပ်ကြပါတယ်။
  • 9:03 - 9:06
    နွေဦးမှာ နာရီကိုရွှေ့ရလို့ ကျုပ်တို့
    အိပ်ချိန် တစ်နာရီ လျှော့ချခံရလို့
  • 9:06 - 9:12
    နောက်တစ်နေ့တွင် နှလုံးဆိုင်ရာ ပြဿနာတွေ ၂၄
    ရာခိုင်နှုန်း တိုးခံစားရတာ မြင်နိုင်ပါတယ်။
  • 9:15 - 9:18
    ဆောင်းဦးမှာကျတော့
    အိပ်ချိန်ကို တစ်နာရီတိုးရကြလို့၊
  • 9:18 - 9:22
    နှလုံးဆိုင်ရာ ပြဿနာရင်ဆိုင်ရမှု
    ၂၁ ရာခိုင်နှုန်း နည်းလာတာ တွေ့နိုင်ကြတယ်။
  • 9:23 - 9:25
    အဲဒီအချက်ဟာ အံ့အားသင့်ဖို့
    မကောင်းပေဘူးလား။
  • 9:27 - 9:33
    ပြီးတော့ ကားတိုက်မှုတွေ၊ လမ်းတွေပေါ် မတော်
    တဆမှုတွေ၊ ကိုယ့်ကိုယ်ကို လုပ်ကြံမှုတွေ
  • 9:33 - 9:35
    လိုက်ကြည့်ရင် အလားတူပဲ မြင်ရမှာပါ။
  • 9:36 - 9:40
    ဒါပေမဲ့ နက်ရှိုင်းစွာ လေ့လာသင့်တဲ့အရာတစ်ခု
    အဖြစ် ခင်ဗျားတို့ကို အာရုံစိုက်စေလိုတာက-
  • 9:40 - 9:42
    အိပ်ရေးမဝမှုနဲ့ ကိုယ်ခံစွမ်းအားစနစ်
    အကြောင်းကိုပါ။
  • 9:43 - 9:48
    ဟောဒီပုံထဲမှာ ကျွန်တော်ဟာ အားရဖွယ်ရာ
    အပြာရောင် အရာတွေကို မိတ်ဆက်ပေးချင်ပါတယ်။
  • 9:48 - 9:51
    ၎င်းတို့ကို သဘာဝ သတ်ဖြတ်ရေး ဆဲလ်လို့
    ခေါ်ကြပြီး၊
  • 9:51 - 9:55
    အဲဒီ သဘာဝ သတ်ဖြတ်ရေး ဆဲလ်တွေကို
    ခင်ဗျားတို့ရဲ့ ကိုယ်ခံစနစ်ရဲ့
  • 9:55 - 9:58
    လျှို့ဝှက်ဝန်ဆောင်ရေး
    အေဂျင့်တွေလို ယူဆနိုင်ပါတယ်။
  • 9:58 - 10:03
    ၎င်းတို့ဟာ အန္တရာယ်များပြီး မလိုလားအပ်တဲ့
    အရာများကို ဖေါ်ထုတ်ရာတွင် သိပ်တော်ကြပြီး
  • 10:03 - 10:05
    ၎င်းတို့ကို ဖျက်သိမ်းပေးကြပါတယ်။
  • 10:05 - 10:09
    ဒီမှာ ၎င်းတို့ လုပ်နေကြတာက ကင်ဆာ
    အကျိတ်ထုကို ဖျက်ဆီးပစ်နေကြတာပါ။
  • 10:11 - 10:16
    ဒီတော့ ကျုပ်တို့ဆီမှာ အဲဒီလို
    ကိုယ်ခံစနစ်ကို ခုခံ သတ်ဖြတ်ပေးကြမယ့်
  • 10:16 - 10:19
    ဆဲလ်တစ်စုံ အမြဲတမ်း
    ရှိနေဖို့ ဆုတောင်းကြရပါမယ်။
  • 10:19 - 10:22
    ခင်ဗျားတို့ အိပ်ရေးမဝရင် အဲဒီဆဲလ်တွေ
    မရှိနိုင်ခြင်းဟာ ဝမ်းနည်းစရာပါပဲ။
  • 10:24 - 10:25
    အဲဒါကြောင့် ဒီစမ်းသပ်မှုထဲမှာ
  • 10:25 - 10:29
    စမ်းသပ်ခံရမယ့်သူတွေကို တစ်ညလုံး
    အိပ်မရအောင် ပြုလုပ်မှာမဟုတ်ဘဲ
  • 10:29 - 10:33
    ထိုသူတို့ကို တစ်ညအတွက်သာလျှင်
    အိပ်ချိန်ကို လေးနာရီဖြင့်
  • 10:33 - 10:35
    ကန့်သတ်လျက် ခွင့်ပြုပေးမှာပါ။
  • 10:35 - 10:38
    အဲဒီနောက်မှာ သူတို့ရဲ့ ကိုယ်ခံစနစ်ထဲက
    ဆဲလ်တွေရဲ့ တက်ကြွမှုနှုန်း ဘယ်လောက်
  • 10:38 - 10:40
    နိမ့်ကျသွားသလဲ ဆိုတာကို စစ်ဆေးကြည့်မှာပါ။
  • 10:41 - 10:44
    အဲဒီရလဒ်ဟာ သေးသေးလေး မဟုတ်ပါ၊
    ၁၀ ရာခိုင်နှုန်းလည်း မဟုတ်၊
  • 10:44 - 10:46
    ၂၀ ရာခိုင်နှုန်းလည်း မဟုတ်၊
  • 10:46 - 10:50
    သဘာဝ သတ်ဖြတ်ရေး ဆဲလ်တွေရဲ့ တက်ကြွမှုဟာ
    ၇၀ ရာခိုင်နှုန်းထိ ကျဆင်းသွားခဲ့တာပါ။
  • 10:52 - 10:56
    အဲဒါဟာ စိုးရိမ်ဖို့ ကောင်းတဲ့ ကိုယ်ခံအား
    စနစ်ရဲ့ ချွတ်ယွင်းမှုပါ၊
  • 10:57 - 11:00
    အဲဒါကြောင့်မို့လို့ ကျုပ်တို့ဟာ
    အိပ်ရေးမဝမှုနဲ့ ခင်ဗျားတို့ဆီမှာ
  • 11:00 - 11:04
    ကင်ဆာရောဂါ အမျိုးမျိုး ဖြစ်ပေါ်လာနိုင်တဲ့
    အန္တရာယ်တို့ဟာ ဆက်စပ်မှုရှိနေကြောင်း
  • 11:04 - 11:08
    နမိတ်လက္ခဏာတွေကို ကျုပ်တို့ဟာ တိုးတိုး
    တွေ့ရှိလာနေကြတာကို နားလည်ရနိုင်ပါတယ်။
  • 11:10 - 11:13
    လောလောဆယ်အထိ၊ အဲဒီစာရင်းတွင်
    အစားအိမ်ကင်ဆာ၊
  • 11:13 - 11:16
    ဆီးကျိတ်ကင်ဆာနဲ့ ရင်ဘတ် ကင်ဆာတို့
    ပါဝင်ကြပါတယ်။
  • 11:18 - 11:23
    တကယ်တော့ အိပ်ရေးမဝခြင်းနဲ့ ကင်ဆာအကြား
    ဆက်စပ်မှုဟာ သိပ်ကို ထင်ရှားလွန်းလို့
  • 11:23 - 11:26
    ကမ္ဘာ့ကျန်းမာရေးအဖွဲ့ကတောင်
  • 11:26 - 11:30
    ညအချိန်မှာ လုပ်ရတဲ့
    အလုပ်ဆိုင်း မှန်သမျှကို
  • 11:30 - 11:33
    လူသားရဲ့ အိပ်ချိန်နဲ့ နှိုးနေချိန်
    စည်းချက် ချိုးဖောက်ခံရတာမို့လို့
  • 11:33 - 11:36
    ကင်ဆာရောဂါဖြစ်နိုင်ခြေ
    အကြောင်းရင်းဆိုပြီး သတ်မှတ်လာရပါတယ်။
  • 11:36 - 11:39
    သေသွားတဲ့ နောက်မှာ အိပ်ချင်သလောက်
    အိပ်လို့ ရနိုင်ပါတယ်လို့
  • 11:39 - 11:42
    ပြောဆိုမှုတွေကို
    ခင်ဗျားလို့ ကြားခဲ့ဘူးမှာပါ။
  • 11:42 - 11:45
    ဒါပေမဲ့ တကယ့်ကို လေးလေးနက်နက်
    ပြောဆိုရပါက --
  • 11:45 - 11:47
    အဲဒီလို အကြံပေးချက်ဟာ
    လုံးဝကို မဆီလျော်ပါဘူး။
  • 11:48 - 11:53
    လူမျိုးစုံ သန်းချီတို့ရဲ့ သေဆုံးမှုနောက်
    ရောဂါရှာဖွေမှုများမှ အဲဒီလို သိလာရတာပါ။
  • 11:53 - 11:55
    ရိုးရှင်းနေတဲ့ အမှန်တရားက-
  • 11:55 - 11:59
    ကိုယ်အိပ်တဲ့ အချိန်ဟာ တိုတောင်းလေ၊
    ကိုယ့်အသက်ဟာလည်း တိုတောင်းလေပါ။
  • 11:59 - 12:02
    အိပ်ရေး တိုတောင်းမှုဟာ သေဆုံးမှုရဲ့
    အကြောင်းရင်းမျိုးစုံ ဖြစ်နိုင်တယ်။
  • 12:05 - 12:09
    ခုနက ပြောပြခဲ့တဲ့ ကင်ဆာ ဒါမှမဟုတ်
    Alzheimer ရောဂါဖြစ်နိုင်ခြေ
  • 12:09 - 12:11
    အန္တရာယ် ပိုကြီးထွားလာနိုင်ခြင်းဟာ
  • 12:11 - 12:16
    မလုံလောက်သေးဘူးလို့ ထင်မြင်ကြပါက၊
  • 12:16 - 12:19
    အိပ်ရေးမဝမှုဟာဖြင့် ဇီဝဘဝကိုယ်၌ရဲ့
    ချည်မျှင်နဲ့တူတဲ့ DNA ဗီဇကုဒ်ကိုတောင်
  • 12:19 - 12:23
    ချွတ်ယွင်းသွားစေနိုင်ကြောင်း
    အထောက်အထားတွေကို
  • 12:25 - 12:27
    ကျုပ်တို့ တွေ့ခဲ့ကြရပါတယ်။
  • 12:28 - 12:32
    ဒီတချီ လေ့လာမှုထဲတွင်၊
    ကျန်းမာကြတဲ့ သက်ကြီး အုပ်စုကို ရွေးယူပြီး
  • 12:32 - 12:36
    တစ်ပတ်ကြာအောင် သူတို့ကို
    ညတိုင်း ခြောက်နာရီသာ
  • 12:36 - 12:37
    အိပ်ခွင့်ပြုခဲ့ကြပြီး
  • 12:37 - 12:41
    နောက်ပိုင်းတွင် သူတို့လို အရွယ်ပဲဖြစ်ပြီး
    ညတိုင်း ရှစ်နာရီအပြည့် အိပ်ခွင့်ရရှိကြတဲ့
  • 12:41 - 12:44
    လူအုပ်စုနဲ့ ယှဉ်ပြီး မျိုးရိုးဗီဇဆိုင်ရာ
    အချက်အလက်တွေကို
  • 12:44 - 12:46
    တိုင်းထွာ လေ့လာခဲ့ကြပါတယ်။
  • 12:46 - 12:49
    အဲဒီမှာ အရေးပါတဲ့ တွေ့ရှိချက်
    နှစ်ချက်ကို တွေ့ရှိခဲ့ပါတယ်။
  • 12:50 - 12:55
    ပထမအချက်အနေနဲ့ အတော်ကလေးများတယ်လို့
    ဆိုရမယ့် မျိုးရိုးဗီဇ ၇၁၁ တို့ရဲ့
  • 12:55 - 12:58
    လှုပ်ရှားမှုဟာ ချွတ်ယွင်းနေခဲ့ကြရာ
  • 12:58 - 13:00
    အိပ်ရေးမဝခြင်းက အကြောင်းရင်းပါ။
  • 13:00 - 13:03
    ဒုတိယအချက်က ခုနက မျိုးရိုးဗီဇ တစ်ဝက်လောက်က
  • 13:03 - 13:06
    လက်တွေ့မှာ ပိုတက်ကြွစွာ
    လှုပ်ရှားနေခဲ့ကြပြီး
  • 13:06 - 13:08
    အခြားတစ်ဝက်ကျတော့ လျော့နည်းနေခဲ့ကြပါတယ်။
  • 13:08 - 13:12
    အိပ်ရေးမဝလို့ ပိတ်ချခံလိုက်ကြရတဲ့
    မျိုးရိုးဗီဇတွေဟာ
  • 13:12 - 13:15
    ကိုယ်ခံအားစနစ်နဲ့ ဆက်စပ်နေကြတဲ့
    မျိုးရိုးဗီဇတွေ ဖြစ်ခဲ့ကြလို့၊
  • 13:15 - 13:18
    ကျုပ်တို့ဟာ ထပ်ပြီး ကိုယ်ခံစွမ်းအား
    ချို့တဲ့မှုကို တွေ့ကြရတာပါ။
  • 13:19 - 13:22
    အခြားတစ်ဖက်တွင်၊ လက်တွေ့မှာ
    အိပ်အရေးမဝမှုကြောင့် ပိုတက်ကြွစွာ
  • 13:22 - 13:25
    လှုပ်ရှားလာခဲ့ကြတဲ့ မျိုးရိုးဗီဇတွေကျတော့၊
  • 13:25 - 13:29
    အသားပိုများ တိုးပွားရေးနဲ့
    ဆက်စပ်နေကြတဲ့ ဗီဇများ၊
  • 13:29 - 13:34
    ခန္ဓာကိုယ်အတွင်းမှာ နာတာရှည်
    ရောင်ရမ်းမှုကို ဖြစ်စေကြတဲ့ ဗီဇများနဲ့
  • 13:34 - 13:37
    စိတ်ဖိစီးမှုနဲ့ဆက်စပ်နေကြတဲ့ ဗီဇများ
    ဖြစ်ခဲ့ကြလို့
  • 13:37 - 13:40
    နှလုံးသွေးကြောဆိုင်ရာ
    ရောဂါရဲ့ အကြောင်းရင်းဖြစ်နိုင်ကြတယ်။
  • 13:41 - 13:45
    ဒီတော့ ကျုပ်တို့ရဲ့ ကျန်းမာရေးရဲ့
    ဘယ်မျက်နှာစာကိုပဲ ယူကြည့်ကြည့်၊
  • 13:45 - 13:48
    အိပ်ရေးမလုံလောက်မှုကြောင့်
    ထိခိုက်မနစ်နာဘဲ ကျန်ရစ်နိုင်တာ
  • 13:48 - 13:50
    တစ်ခုမှာမှ မရှိနိုင်ပါ။
  • 13:51 - 13:54
    ဒါဟာ ကိုယ့်အိမ်ထဲက
    ကျိုးပေါက်နေတဲ့ ရေပိုက်နဲ့ တူပါတယ်။
  • 13:54 - 13:58
    အိပ်စက်မှု ဆုံးရှုံးမှုဟာဖြင့်
    သင့်စိတ်ထဲက ချောင်ချိုချောင်ကြား
  • 13:58 - 14:00
    အပေါက်တိုင်းထဲသို့ စိမ့်ဝင်လျက်
  • 14:00 - 14:04
    သင့်ကျန်းမာရေးကို နေ့စဉ်
    စောင့်ရှောက်ပေးနေတဲ့
  • 14:04 - 14:07
    DNA ရဲ့အခြေခံ ရင်းမြစ်ကိုတောင်
    ထိခိုက်စေမှာပါ။
  • 14:09 - 14:12
    ဒါတွေကို ကြားသိလိုက်ရတဲ့ နောက်မှာ
    ခင်ဗျားတို့က
  • 14:12 - 14:15
    "အို ဘုရားသခင်၊ ကျွန်တော် ဘယ်လိုလုပ်ပြီး
    ပိုကောင်းအောင် အိပ်ရမှာလဲ။
  • 14:15 - 14:19
    ကောင်းကောင်း အိပ်စက်ဖို့ ခင်ဗျားက
    ဘာတွေများ အကြံပေးနိုင်မလဲ။" မေးလိုကြမှာပါ။
  • 14:19 - 14:23
    အဲဒီလိုဆိုရင် အိပ်ရေးကို
    ထိခိုက်စေနိုင်ကြတဲ့
  • 14:23 - 14:25
    အရက်နဲ့ ကဖိန်းဓာတ်ကို ရှောင်ရှားရန်
    လိုအပ်ပုံနဲ့
  • 14:25 - 14:28
    ကိုယ်က ညအချိန်မှာ ကောင်းကောင်း
    အိပ်နိုင်ဖို့ ကြိုးပမ်းလိုပါက၊
  • 14:28 - 14:31
    နေ့ခင်းတွင် ခဏမှေးတာမျိုးကို
    ရောင်ရန် လိုအပ်တဲ့အပြင်
  • 14:31 - 14:33
    ကျွန်တော်ပေးလိုတဲ့
    အကြံပြုချက် နှစ်ခု ရှိပါတယ်။
  • 14:33 - 14:36
    ပထမက ပုံမှန်ဖြစ်မှုပါ။
  • 14:36 - 14:39
    အိပ်ရာဝင်ချိန်နဲ့ အိပ်ရာမှ နိုးချိန်ဟာ
    အမြဲတမ်း တစ်ချိန်တည်းမှာ ဖြစ်ရပါမယ်၊
  • 14:39 - 14:42
    ရုံးရက်လား၊ စနေ၊ တနင်္ဂနွေလား
    မဆိုင်ပါဘူး။
  • 14:42 - 14:45
    ပုံမှန်ဖြစ်မှုဟာ ပဓာနပါ။
  • 14:45 - 14:47
    အဲဒီလိုဆိုရင် အိပ်စက်မှုကို
    ကျောက်စူးချပေးနိုင်ပြီး
  • 14:47 - 14:51
    အိပ်စက်မှုရဲ့ ပမာဏနဲ့ အရည်အသွေးကို
    မြှင့်တင်ပေးပါမယ်။
  • 14:52 - 14:55
    ဒုတိယအချက်က အေးအောင် ပြုလုပ်ပေးပါ။
  • 14:55 - 14:59
    အိပ်စက်မှုကို စတင်ပေးရန်အတွက်
    သင့်ခန္ဓာကိုယ်ဟာ ပင်ကို အပူချိန်ကို
  • 14:59 - 15:03
    ဖာရင်ဟိုက် နှစ်သုံးဒီဂရီခန့်
    နှိမ့်ချပစ်ရန် လိုပြီး
  • 15:03 - 15:05
    ဆက်ပြီး အိပ်ပျော်နေနိုင်ပါလိမ့်မယ်။
  • 15:05 - 15:07
    အဲဒါကြောင့်မို့လို့ ကိုယ်ဟာ အိပ်ချင်ရင်
  • 15:07 - 15:10
    ပူတဲ့ အခန်းနဲ့စာပါက
    အေးနေတဲ့ အခန်းထဲမှာ အိပ်ပျော်ဖို့
  • 15:10 - 15:12
    ပိုလွယ်ကူတာ အဲဒါကြောင့်ပါ။
  • 15:12 - 15:15
    အဲဒါကြောင့်မို့လို့ အိပ်ခန်းရဲ့
    အပူချိန်မှာ ၆၅ ဒီဂရီခန့်
  • 15:15 - 15:18
    ဒါမှမဟုတ် ၁၈ ဒီဂရီစင်တီဂရိတ်
    ဝန်းကျင်မှာရှိဖို့ အားထုတ်ပါ။
  • 15:18 - 15:20
    အဲဒါက လူအများစုအတွက်
    အိပ်စက်ရန် အကောင်းဆုံးဖြစ်ပါတယ်။
  • 15:22 - 15:26
    နောက်ဆုံး အနေနဲ့ နောက်ကို ခြေတစ်လှမ်း
    ပြန်ဆုတ်ပြီး၊
  • 15:26 - 15:29
    အရေးကြီးဆုံး ကြေညာချင်တဲ့
    အချက်က ဘာများလဲဆိုရင်၊
  • 15:31 - 15:33
    ကျွန်တော်စိတ်ထင် ဒီလိုပါ-
  • 15:33 - 15:38
    အိပ်စက်မှုဟာ၊ ကံမကောင်းချင်တော့၊ လိုချင်မှ
    ရွေးယူရမယ့် ဘဝစည်းစိမ်တစ်ခု မဟုတ်ပါဘူး၊
  • 15:39 - 15:44
    အိပ်စက်ခြင်း ဘယ်လိုမှ ထိပါးခံမရနိုင်တဲ့
    ဇီဝလိုအပ်ချက်ပါ။
  • 15:45 - 15:48
    အဲဒါဟာ ကိုယ့်အသက်ကို ပံ့ပိုးပေးတဲ့
    စနစ်တစ်ခုပါ၊
  • 15:49 - 15:53
    ပြီးတော့ အသက်ရှင်နေထိုင်ဖို့ သဘာဝမိခင်ရဲ့
    အကောင်းဆုံး အားထုတ်မှုပါ။
  • 15:55 - 15:59
    စက်မှုဖွံ့ဖြိုးပြီး နိုင်ငံများတဝမ်းမှာ
    အိပ်စက်မှု နည်းပါးလာနေခြင်းဟာ
  • 15:59 - 16:04
    ကျုပ်တို့ရဲ့ ကျန်းမာရေး၊ ဘဝကောင်းစားမှုကို
    အကြီးအကျယ် ဆိုးကျိုးသက်ရောက်စေပြီး၊
  • 16:04 - 16:07
    ကျုပ်တို့ ကလေးများရဲ့ လုံခြုံမှုနဲ့
    ပညာရေးကိုတောင် ခြိမ်းခြောက်လာပါတယ်။
  • 16:08 - 16:11
    ဒါဟာ တိတ်ဆိတ်စွာ အိပ်ရေးမဝမှု
    ကပ်ဘေးနဲ့ တူပါတယ်၊
  • 16:11 - 16:15
    ပြီးတော့ ၂၁ ရာစုမှာ ကျုပ်တို့ ရင်ဆိုင်ရတဲ့
    အများပြည်သူတို့ရဲ့ ကျန်းမာရေးဆိုင်ရာ
  • 16:15 - 16:17
    စိန်ခေါ်မှုကြီး ဖြစ်လာနေပါတယ်။
  • 16:20 - 16:24
    အခုတော့ ကျွန်တော်တို့ဟာ
    ညအချိန်မှာ အပြည့်အဝ
  • 16:24 - 16:27
    အိပ်စက်ပိုင်ခွင့်ကို
    တောင်းဆိုကြရမယ့် အချိန်ပါ၊
  • 16:28 - 16:30
    ဒါကို ဘာမှရှက်ကြောက်စရာ မလိုပါဘူး၊
  • 16:30 - 16:34
    ဒါမှမဟုတ် အိပ်ခြင်း ပျင်းရိခြင်းပါဆိုတဲ့
    ကံဆိုးယူဆမှုကို မေ့ပစ်ကြရပါမယ်။
  • 16:35 - 16:41
    ဒီလိုလုပ်နိုင်ရင် ကျုပ်တို့ဟာ အားကောင်းတဲ့
    အသက်ရှင်ဆေးကြောင့် ပြန်သွေးစည်းကြပါမယ်။
  • 16:42 - 16:45
    စံပြဖြစ်သင့်တဲ့ ကျန်းမာရေးကို
    ပြန်ရလာကြမှာပါ။
  • 16:45 - 16:48
    ကျုပ်တို့က အဲဒီလို ယူဆချက်တွေကို
    ကျော်လွှားလိုက်ကြတဲ့ နောက်မှာ
  • 16:48 - 16:52
    ခင်ဗျားတို့ အားလုံးကို မင်္ဂလာရှိညပါ၊
    ကျန်းမာချမ်းသာပါစေ ဆုတောင်းချင်ပါတယ်။
  • 16:52 - 16:53
    အရေးကြီးဆုံးက ...
  • 16:53 - 16:57
    ခင်ဗျားတို့အားလုံး ကောင်းမွန်စွာ
    အိပ်ကြတယ်လို့ မျှော်လင့်ပါတယ်။
  • 16:57 - 16:58
    တကယ့်ကိုပဲ အထူးကျေးဇူးတင်ပါရစေ။
  • 16:58 - 17:03
    (လက်ခုပ်သံများ)
  • 17:03 - 17:04
    ကျေးဇူးတင်ပါတယ်။
  • 17:04 - 17:07
    (လက်ခုပ်သံများ)
  • 17:07 - 17:08
    ကျေးဇူးအများကြီးတင်ပါတယ်။
  • 17:08 - 17:11
    David Biello- ခဏလေး၊ ခဏလေး၊
    အဲဒီမှာ ခဏ ရပ်နေပါဦး။
  • 17:11 - 17:13
    ထွက်ပြေးမသွားတာကို
    အထူး ကျေးဇူးတင်လိုပါတယ်။
  • 17:13 - 17:15
    ခင်ဗျား ပြောပြတာတွေဟာ
    ကြောက်စရာကြီးပါပဲ။
  • 17:15 - 17:18
    Matt Walker- ခင်ဗျားကို ကြိုဆိုပါတယ်။
    DB- ဟုတ်ကဲ့၊ ကျေးဇူးပါပဲ၊ ကျေးဇူးပဲ။
  • 17:18 - 17:23
    ကျုပ်တို့ အိပ်ပျော်မရရင်ကော
    ဘယ်လို လုပ်သင့်ပါသလဲ။
  • 17:23 - 17:27
    ညနက်ချိန်မှာ အိပ်မရနိုင်လို့ တချိန်လုံး
    အိပ်ရာထဲမှာ လူးလိမ့်နေရတဲ့ အချိန်မျိုးမှာ
  • 17:27 - 17:29
    ညဘက် အလုပ်လုပ်ရတဲ့အခါမျိုးမှာ
    ဘာလုပ်ရနိုင်ပါသလဲ။
  • 17:29 - 17:32
    MW- ခင်ဗျားပြောတာ မှန်ပါတယ်၊
    ကျုပ်တို့ဟာ အိပ်မရတဲ့ ပြဿနာရှိပါတယ်။
  • 17:33 - 17:34
    အိပ်ခြင်းဟာ ဘဏ်တိုက်နဲ့ မတူပါဘူး။
  • 17:34 - 17:36
    ကျုပ်တို့ဟာ အကြွေးတွေကို စုစည်းပြီး
  • 17:36 - 17:39
    နောင်တစ်နေ့နေ့တွင် ပြန်ပြီး
    ပေးဆပ်နိုင်မယ်လို့ မျှော်လင့်မရနိုင်ပါဘူး။
  • 17:39 - 17:42
    အဲဒါရဲ့ ကြောက်မက်ဖွယ်ရာ
    ဆိုးကျိုးကိုပါ ထောက်ပြပေးရပါမယ်၊
  • 17:42 - 17:45
    ကျုပ်တို့ရဲ့ကျန်းမာရေးဟာ
    လျင်မြန်စွာ ဆုတ်ယုတ်လာပါမယ်၊
  • 17:45 - 17:47
    ပထမအချက်အနေနဲ့၊ ကိုယ့်အိပ်ရမယ့်
    အချိန်မှာ တမင်ကို
  • 17:47 - 17:50
    ခိုင်မာတဲ့ အကြောင်းပြချက် မရှိဘဲနဲ့
    မအိပ်ဘဲနေသူဆိုလို့
  • 17:50 - 17:52
    လူသားမျိုးစိတ်သာ ရှိတာကို ထောက်ပြရမယ်။
  • 17:52 - 17:54
    DB- ကျုပ်တို့က သိပ်စမတ်ကျကြလို့ပါ။
  • 17:54 - 17:57
    MW- သဘာဝမိခင်ဟာ ဆင့်ကဲဖြစ်စဉ်
    တစ်လျှောက်လုံးမှာ
  • 17:57 - 18:00
    အိပ်ရေးမဝမှုလို့ ကျုပ်တို့ ခေါ်ကြတဲ့
    စိန်ခေါ်မှုကို မရင်ဆိုင်ခဲ့ရလို့
  • 18:00 - 18:05
    ကျွန်တော်က ဒီအကြောင်းကို
    အထူးပြောဆိုနေရတာပါ။
  • 18:05 - 18:09
    အဲဒါကြောင့် သဘာဝမိခင်ဟာ အဲဒါ့အတွက်ကို
    ကယ်တင်ရေးနည်းကို မတီထွင်ခဲ့တာပါ၊
  • 18:09 - 18:11
    အဲဒီတော့ ကိုယ်ဟာ အိပ်ရေးမဝတာမျိုး ကြုံရရင်
  • 18:11 - 18:15
    အရာတွေဟာ ဦးနှောက်ထဲမှာရော၊ ခန္ဓာကိုယ်
    ထဲမှာပါ လျင်မြန်စွာ ချွတ်ယွင်းလာကြပါတယ်။
  • 18:15 - 18:18
    ဒီတော့ ကိုယ်ဟာ ဦးစားပေးတတ်ဖို့ လိုပါတယ်။
  • 18:18 - 18:21
    DB- အိုကေ၊ အိပ်ရာထဲမှာ လူးလိမ့်နေရတဲ့
  • 18:21 - 18:23
    ကျွန်တော်က ဘာလုပ်ရမလဲ။
  • 18:23 - 18:27
    MW- ကိုယ်ဟာ အိပ်ရာထဲမှာ အကြာကြီး
    အိပ်မရ ဖြစ်နေတယ်ဆိုရင်၊
  • 18:27 - 18:30
    ကိုယ်ဟာ အိပ်ရာမှ ထလိုက်ပြီး
    အခြား တစ်ခန်းကို သွားပြီး
  • 18:30 - 18:32
    ဒီ့ပြင်ဟာ တစ်ခုခုကို လုပ်သင့်ပါတယ်။
  • 18:32 - 18:36
    ဒီလိုပြောရတာက ကိုယ့်ဦးနှောက်ဟာ
    အိပ်မရနိုးနေရခြင်းနှင့် ချိတ်ဆက်
  • 18:36 - 18:38
    စဉ်းစားပြီး လက်ခံလာမှာကို စိုးရလို့ပါ၊
  • 18:38 - 18:42
    ကျုပ်တို့ဟာ အိပ်ခန်းနဲ့ အဲဒီလို ဆက်စပ်
    မှုကို ရိုက်ချိုးပစ်ရန် လိုအပ်ပါတယ်။
  • 18:42 - 18:45
    ဒါကြောင့်မို့လို့ အိပ်ချင်တော့မှသာ
    အိပ်ခန်းထဲကို ပြန်ဝင်ခြင်းဖြင့်
  • 18:45 - 18:48
    အိပ်ရာဆိုတာက အိပ်စက်ရမယ့် နေရာပဲဆိုတဲ့
  • 18:48 - 18:50
    ဆက်စပ်နေတဲ့ အလေ့အထကို
    ကိုယ်ဟာ ပြန်ပြီး သင်ယူလာနိုင်မှာပါ။
  • 18:50 - 18:52
    ဒါကိုပဲ ဒီပြင်နည်းဖြင့် ရှင်းပြရရင်၊
  • 18:52 - 18:56
    ထမင်းစားတဲ့ စားပွဲမှာ ဝင်ထိုင်လျက်
    ဗိုက်ဆာလာမှာကို စောင့်နေတာနဲ့ တူပါတယ်။
  • 18:56 - 18:59
    အလားတူပဲ အိပ်ချင်လာမှာကို စောင့်ဖို့
    အိပ်ရာထဲမှာ လှဲနေဖို့ မလိုပါဘူး။
  • 18:59 - 19:02
    DB- ဒီလို သတိပေးစေ့ဆော်ချက်အတွက်
    ခင်ဗျားကို ကျေးဇူးတင်ပါတယ်။
  • 19:02 - 19:03
    သိပ်ကောင်းတဲ့ အလုပ်ပါ၊ Matt။
  • 19:03 - 19:05
    MW- ဝမ်းသာပါတယ်။
    ကျေးဇူးအများကြီးတင်ပါတယ်။
Title:
အိပ်ရေးဝမှုက သင်ရဲ့ အထူးစွမ်းအား ဖြစ်ခြင်း
Speaker:
Matt Walker
Description:

အိပ်စက်ခြင်းဟာ သင့်အသက်ကို ပံ့ပိုးပေးတဲ့ စနစ်ဖြစ်ပြီး သဘာဝမိခင်ကြီးမှ အသက်ရှင် ရပ်တည်နိုင်ဖို့ အကောင်းဆုံး အားထုတ်မှုပါလို့ အိပ်စက်မှုဆိုင်ရာ သိပ္ပံပညာရှင် Matt Walker က ဆိုပါတယ်။ အိပ်စက်မှုကို နက်နက်ရှိုင်းရှိုင်း လေ့လာထားတဲ့ ဒီဟောပြောချက်ထဲတွင် Walker က ကျုပ်တို့ အိပ်ရေးဝတဲ့ အခါမှာ ဖြစ်ပျက်တတ်တဲ့ ကောင်းတဲ့ အရာတွေကို မျှဝေထားသလို အိပ်ရေး မဝတဲ့အခါမှာ ဦးနှောက်ရော၊ ခန္ဓာကိုပါ ရင်ဆိုင်ရတဲ့ ကြောက်မက်ဖွယ်ရာ အရာများကို ရှင်းပြထားပါတယ်။ ပြီးတော့ အိပ်စက်ခြင်းက သင်ကြားနိုင်မှု၊ မှတ်ဉာဏ်၊ ကိုယ်ခံစနစ်နဲ့ မျိုးရိုးဗီဇ ကုဒ်ကိုတောင် အကျိုးသက်ရောက်ပုံကို လေ့လာရင်း အိပ်မရသူများအတွက် အသုံးဝင်မယ့် အကြံပေးချက် အချို့တို့ကိုပါ လေ့လာကြည့်လိုက်ကြပါ။
more » « less
Video Language:
English
Team:
closed TED
Project:
TEDTalks
Duration:
19:18

Burmese subtitles

Revisions

Our website uses cookies for analysis purposes.